ਆਚਾਰਿਆਕੁਲ ਸੰਸਥਾ ਅਤੇ ਸੰਵਾਦ ਸਾਹਿਤ ਮੰਚ ਨੇ ਨਲਿਨ ਆਚਾਰੀਆ ਦੇ ਨਾਂ 'ਤੇ ਪੁਰਸਕਾਰ ਦਾ ਐਲਾਨ ਕੀਤਾ ਚੰਡੀਗੜ੍ਹ 14 ਦਸੰਬਰ ( ਰਣਜੀਤ ਧਾਲੀਵਾਲ ) : ਅੱਜ ਆਚਾਰੀਆ ਕੁਲ ਸੰਸਥਾ ਅਤੇ ਸੰਵਾਦ ਸਾਹਿਤ ਮੰਚ ਵੱਲੋਂ ਕਮਿਊਨਿਟੀ ਸੈਂਟਰ ਸੈਕਟਰ 43 ਦੇ ਆਡੀਟੋਰੀਅਮ ਵਿੱਚ ਪ੍ਰਸਿੱਧ ਪੱਤਰਕਾਰ ਅਤੇ ਚੰਡੀਗੜ੍ਹ ਪ੍ਰੈਸ ਕਲੱਬ ਦੇ ਸਾਬਕਾ ਪ੍ਰਧਾਨ ਨਲਿਨ ਆਚਾਰੀਆ ਦੀ ਯਾਦ ਵਿੱਚ ਇੱਕ ਸੈਮੀਨਾਰ ਦਾ ਆਯੋਜਨ ਕੀਤਾ ਗਿਆ। ਇਸ ਵਿੱਚ ਕੌਂਸਲਰ ਪ੍ਰੇਮਲਤਾ, ਪਠਾਨਕੋਟ ਤੋਂ ਪ੍ਰਸਿੱਧ ਪੱਤਰਕਾਰ ਸੰਜੀਵ ਸ਼ਾਰਦਾ, ਸਵਰਗੀ ਨਲਿਨ ਦੀ ਪਤਨੀ ਮੰਜੂ ਆਚਾਰੀਆ ਵਿਸ਼ੇਸ਼ ਤੌਰ 'ਤੇ ਮੌਜੂਦ ਸਨ। ਪ੍ਰੋਗਰਾਮ ਦੀ ਸ਼ੁਰੂਆਤ ਵਿੱਚ, ਪ੍ਰੋ. ਪੱਲਵੀ ਰਾਮਪਾਲ ਨੇ ਭਜਨ ਪੇਸ਼ ਕੀਤਾ ਜਦੋਂ ਕਿ ਪ੍ਰੋਗਰਾਮ ਦਾ ਸੰਚਾਲਨ ਡਾ. ਸੰਗੀਤਾ ਸ਼ਰਮਾ ਕੁੰਦਰਾ 'ਗੀਤ' ਨੇ ਕੀਤਾ। ਆਚਾਰੀਆਕੁਲ ਸੰਸਥਾ ਦੇ ਪ੍ਰਧਾਨ ਕੇ.ਕੇ. ਸ਼ਾਰਦਾ ਨੇ ਕਿਹਾ ਕਿ ਨਲਿਨ ਆਚਾਰੀਆ ਦੇ ਜਨਮਦਿਨ 'ਤੇ ਉਨ੍ਹਾਂ ਦੀ ਯਾਦ ਵਿੱਚ ਹਰ ਸਾਲ ਤਿੰਨ ਪੁਰਸਕਾਰ ਦਿੱਤੇ ਜਾਣਗੇ। ਸੰਵਾਦ ਸਾਹਿਤ ਮੰਚ ਦੇ ਪ੍ਰਧਾਨ ਪ੍ਰੇਮ ਵਿਜ ਨੇ ਕਿਹਾ ਕਿ ਉਹ ਆਚਾਰੀਆ ਦੀਆਂ ਤਿੰਨ ਪੀੜ੍ਹੀਆਂ ਨਾਲ ਜੁੜੇ ਰਹੇ ਹਨ, ਜਿਨ੍ਹਾਂ ਵਿੱਚੋਂ ਸਾਰੀਆਂ ਪੱਤਰਕਾਰੀ ਨੂੰ ਸਮਰਪਿਤ ਰਹੀਆਂ ਹਨ। ਪ੍ਰਸਿੱਧ ਕਵੀ ਡਾ. ਵਿਨੋਦ ਸ਼ਰਮਾ ਅਤੇ ਕਵੀ ਅਸ਼ੋਕ ਨਾਦਿਰ ਨੇ ਕਵਿਤਾ ਰਾਹੀਂ ਨਲਿਨ ਆਚਾਰੀਆ ਨੂੰ ਯਾਦ ਕੀਤਾ। ਪ੍ਰਸਿੱਧ ਕਵੀ ਅਤੇ ਪੱਤਰਕਾਰ ਦੀਪਕ ਚਨਾਰਥਲ ਨੇ ਕਿਹਾ ...
ਪਦਮ ਸ਼੍ਰੀ ਹੰਸ ਰਾਜ ਹੰਸ ਗੁਰੂ ਕਾਸ਼ੀ ਯੂਨੀਵਰਸਿਟੀ ਵਿੱਚ ਸੁਫੀ ਅਤੇ ਲੋਕ ਸੰਗੀਤ ਵਿਰਾਸਤ ਚੇਅਰ ਦੇ ਚੇਅਰਮੈਨ ਨਿਯੁਕਤ
ਚੰਡੀਗੜ੍ਹ 1 ਮਈ ( ਰਣਜੀਤ ਧਾਲੀਵਾਲ ) : ਪੰਜਾਬ ਦੀ ਸੰਗੀਤਕ ਵਿਰਾਸਤ ਨੂੰ ਸੰਭਾਲਣ ਵੱਲ ਇਕ ਮਹੱਤਵਪੂਰਨ ਕਦਮ ਚੁੱਕਦਿਆਂ, ਗੁਰੂ ਕਾਸ਼ੀ ਯੂਨੀਵਰਸਿਟੀ, ਤਲਵੰਡੀ ਸਾਬੋ ਨੇ ਵਿਜ਼ੂਅਲ ਅਤੇ ਪਰਫਾਰਮਿੰਗ ਆਰਟਸ ਫੈਕਲਟੀ ਅਧੀਨ ਸੁਫੀ ਅਤੇ ਲੋਕ ਸੰਗੀਤ ਵਿਰਾਸਤ ਚੇਅਰ ਦੀ ਸਥਾਪਨਾ ਦਾ ਐਲਾਨ ਕੀਤਾ ਹੈ। ਅੱਜ ਚੰਡੀਗੜ੍ਹ ਦੇ ਪ੍ਰੈੱਸ ਕਲੱਬ ਵਿਖੇ ਹੋਈ ਪ੍ਰੈੱਸ ਕਾਨਫਰੰਸ ਦੌਰਾਨ ਯੂਨੀਵਰਸਿਟੀ ਨੇ ਪ੍ਰਸਿੱਧ ਗਾਇਕ ਪਦਮ ਸ਼੍ਰੀ ਹੰਸ ਰਾਜ ਹੰਸ ਨੂੰ ਚੇਅਰਮੈਨ ਵਜੋਂ ਸਨਮਾਨਤ ਕਰਕੇ ਸਵਾਗਤ ਕੀਤਾ। ਇਹ ਚੇਅਰ ਪੰਜਾਬ ਦੇ ਸੁਫੀ ਅਤੇ ਲੋਕ ਸੰਗੀਤ ਦੀ ਸਮ੍ਰਿੱਧ ਵਿਰਾਸਤ ਨੂੰ ਰਿਸਰਚ, ਸਿੱਖਿਆ, ਦਸਤਾਵੇਜ਼ੀਕਰਨ ਅਤੇ ਲੋਕ ਭਾਗੀਦਾਰੀ ਰਾਹੀਂ ਉਤਸ਼ਾਹਤ ਕਰਨ ਲਈ ਕੰਮ ਕਰੇਗੀ। ਹੰਸ ਰਾਜ ਹੰਸ ਦੇ ਨਾਲ, ਫੈਕਲਟੀ ਦੀ ਡੀਨ ਪ੍ਰੋ. ਡਾ. ਗੁਰਪ੍ਰੀਤ ਕੌਰ ਨੂੰ ਏਗਜ਼ਿਕਟਿਵ ਡਾਇਰੈਕਟਰ ਅਤੇ ਡਾ. ਅਮਨ ਸੁਫੀ ਨੂੰ ਪ੍ਰੋਜੈਕਟ ਕੋਆਰਡੀਨੇਟਰ ਨਿਯੁਕਤ ਕੀਤਾ ਗਿਆ ਹੈ। ਪ੍ਰੈੱਸ ਕਾਨਫਰੰਸ ਦੌਰਾਨ ਗੁਰੂ ਕਾਸ਼ੀ ਯੂਨੀਵਰਸਿਟੀ ਦੇ ਵਾਈਸ ਚਾਂਸਲਰ ਡਾ. ਰਮੇਸ਼ਵਰ ਸਿੰਘ ਨੇ ਕਿਹਾ ਕਿ ਸਾਨੂੰ ਇਹ ਚੇਅਰ ਸਥਾਪਤ ਕਰਕੇ ਮਾਣ ਮਹਿਸੂਸ ਹੋ ਰਿਹਾ ਹੈ, ਜੋ ਸਾਡੀ ਸੱਭਿਆਚਾਰਕ ਵਿਰਾਸਤ ਅਤੇ ਭਵਿੱਖ ਵਿਚਕਾਰ ਇਕ ਪੁਲ ਦਾ ਕੰਮ ਕਰੇਗੀ। ਇਹ ਅਣਮੁੱਲ ਸੰਗੀਤਕ ਰਿਵਾਇਤਾਂ ਨੂੰ ਸੰਭਾਲੇਗੀ ਅਤੇ ਸੁਫੀ ਤੇ ਲੋਕ ਸੰਗੀਤ ਦੇ ਅਧਿਐਨ ਅਤੇ ਅਭਿਆਸ ਨੂੰ ਅਕਾਦਮਿਕ ਡੂੰਘਾਈ ਦੇਵੇਗੀ।
ਡਾ. ਸਿੰਘ ਨੇ ਚੇਅਰ ਦੀ ਦਿਸ਼ਾ-ਦਰਸ਼ਨ ਲਈ ਵਿਸ਼ਵ ਭਰ ਦੀਆਂ ਪ੍ਰਸਿੱਧ ਹਸਤੀਆਂ ਦੇ ਇੱਕ ਐਡਵਾਈਜ਼ਰੀ ਬੋਰਡ ਦੀ ਵੀ ਘੋਸ਼ਣਾ ਕੀਤੀ: ਮੁੱਖ ਸਰਪ੍ਰਸਤ: ਗੁਰਲਾਭ ਸਿੰਘ ਸਿੱਧੂ, ਚਾਂਸਲਰ, ਗੁਰੂ ਕਾਸ਼ੀ ਯੂਨੀਵਰਸਿਟੀ, ਪੁਰਨ ਸ਼ਾਹ ਕੋਟੀ, ਪ੍ਰਸਿੱਧ ਸੁਫੀ ਗੁਰੂ ਅਤੇ ਹੰਸ ਰਾਜ ਹੰਸ ਦੇ ਮਾਰਗਦਰਸ਼ਕ, ਚਰਨਜੀਤ ਸਿੰਘ ਬੱਠ, ਅਮਰੀਕਾ, ਡਾ. ਦਲਬੀਰ ਸਿੰਘ ਕਥੂਰੀਆ, ਕੈਨੇਡਾ, ਪ੍ਰੀਤ ਇੰਦਰ ਢਿੱਲੋਂ, ਯੂ.ਕੇ., ਪ੍ਰੋ. ਡੀ. ਐਨ. ਜੌਹਰ, ਸਾਬਕਾ ਵਾਈਸ ਚਾਂਸਲਰ, ਡਾ. ਬੀ. ਆਰ. ਅੰਬੇਡਕਰ ਯੂਨੀਵਰਸਿਟੀ, ਆਗਰਾ, ਪ੍ਰੋ. ਡਾ. ਜਸਪਾਲ ਕੌਰ ਕਾਂਗ, ਸਾਬਕਾ ਚੇਅਰਪਰਸਨ, ਗੁਰੂ ਨਾਨਕ ਸਿੱਖ ਅਧਿਐਨ ਵਿਭਾਗ, ਪੰਜਾਬ ਯੂਨੀਵਰਸਿਟੀ, ਪ੍ਰੋ. ਡਾ. ਹੁਕਮ ਚੰਦ, ਸਾਬਕਾ ਡੀਨ, ਮਿਊਜ਼ਿਕ ਫੈਕਲਟੀ, ਐੱਮ.ਡੀ.ਯੂ. ਰੋਹਤਕ, ਪ੍ਰੋ. ਡਾ. ਨੀਲਮ ਪੌਲ, ਸਾਬਕਾ ਚੇਅਰਪਰਸਨ, ਸੰਗੀਤ ਵਿਭਾਗ, ਪੰਜਾਬ ਯੂਨੀਵਰਸਿਟੀ। ਆਪਣੇ ਸੰਬੋਧਨ ਦੌਰਾਨ ਪਦਮ ਸ਼੍ਰੀ ਹੰਸ ਰਾਜ ਹੰਸ ਨੇ ਕਿਹਾ ਕਿ ਮੈਂ ਆਪਣੀ ਜ਼ਿੰਦਗੀ ਸੁਫੀ ਸੰਤਾਂ ਦੀ ਬਾਣੀ ਅਤੇ ਪੰਜਾਬ ਦੀ ਧਰਤੀ ਦੇ ਗੀਤ ਗਾਉਂਦੇ ਬਿਤਾਈ ਹੈ। ਇਹ ਚੇਅਰ ਮੇਰੇ ਲਈ ਆਪਣੀ ਧਰੋਹਰ ਨੂੰ ਲਿਖਤੀ ਰੂਪ ਵਿਚ ਸੰਭਾਲਣ, ਸੰਰੱਖਣ ਕਰਨ ਅਤੇ ਅਗਲੀ ਪੀੜ੍ਹੀਆਂ ਤਕ ਪਹੁੰਚਾਉਣ ਦਾ ਸਾਧਨ ਬਣੇਗੀ। ਪ੍ਰੋ. ਡਾ. ਗੁਰਪ੍ਰੀਤ ਕੌਰ ਨੇ ਚੇਅਰ ਦੀਆਂ ਯੋਜਨਾਬੱਧ ਗਤੀਵਿਧੀਆਂ ਬਾਰੇ ਜਾਣਕਾਰੀ ਦਿੱਤੀ, ਜਿਸ ਵਿੱਚ ਵਰਕਸ਼ਾਪਸ, ਮੌਖਿਕ ਰਿਵਾਇਤਾਂ ਦੀ ਦਸਤਾਵੇਜ਼ੀਕਰਨ, ਅੰਤਰਰਾਸ਼ਟਰੀ ਸੰਸਥਾਵਾਂ ਨਾਲ ਸਹਿਯੋਗ ਅਤੇ ਰਾਸ਼ਟਰੀ ਸਤਰ ਦੇ ਸੱਭਿਆਚਾਰਕ ਮੇਲੇ ਸ਼ਾਮਲ ਹੋਣਗੇ, ਜੋ ਵਿਦਿਆਰਥੀਆਂ ਅਤੇ ਵਿਆਪਕ ਜਨਤਾ ਨੂੰ ਜੋੜਨਗੇ। ਉਸ਼ਾ ਸਿੰਘ, ਲੇਡੀ ਵਾਈਸ ਚਾਂਸਲਰ, ਗੁਰੂ ਕਾਸ਼ੀ ਯੂਨੀਵਰਸਿਟੀ ਨੇ ਵੀ ਸਮਾਗਮ ਵਿੱਚ ਸ਼ਿਰਕਤ ਕੀਤੀ ਅਤੇ ਪਦਮ ਸ਼੍ਰੀ ਹੰਸ ਰਾਜ ਹੰਸ ਨੂੰ ਨਿਯੁਕਤੀ 'ਤੇ ਵਧਾਈ ਦਿੱਤੀ। ਉਨ੍ਹਾਂ ਨੇ ਪੰਜਾਬੀ ਸੰਗੀਤ ਅਤੇ ਸੱਭਿਆਚਾਰ ਵਿੱਚ ਉਨ੍ਹਾਂ ਦੇ ਜੀਵਨ ਪੂਰਕ ਯੋਗਦਾਨ ਦੀ ਭਾਰੀ ਪ੍ਰਸ਼ੰਸਾ ਕੀਤੀ। ਇਸ ਮੌਕੇ 'ਤੇ ਮੌਜੂਦ ਵਿਅਕਤੀਆਂ ਵਿੱਚ ਡਾ. ਗੁਰਪ੍ਰੀਤ ਕੌਰ, ਡਾ. ਰਮੇਸ਼ਵਰ ਸਿੰਘ, ਇੰਜੀ. ਸੁਖਵਿੰਦਰ ਸਿੰਘ ਸਿੱਧੂ (ਜਨਰਲ ਸੈਕ੍ਰੇਟਰੀ, ਬਾਲਾਜੀ ਐਜੂਕੇਸ਼ਨ ਟਰਸਟ), ਡਾ. ਦਲਬੀਰ ਸਿੰਘ ਕਥੂਰੀਆ, ਪ੍ਰੋ. ਡੀ.ਐੱਨ. ਜੌਹਰ ਅਤੇ ਪ੍ਰੋ. ਡਾ. ਨੀਲਮ ਪੌਲ (ਪੰਜਾਬ ਯੂਨੀਵਰਸਿਟੀ, ਚੰਡੀਗੜ੍ਹ) ਸ਼ਾਮਲ ਸਨ। ਪ੍ਰੋ. ਡਾ. ਨੀਲਮ ਪੌਲ ਤੇ ਹੋਰ ਐਡਵਾਈਜ਼ਰੀ ਮੈਂਬਰਾਂ ਨੇ ਵੀ ਆਨਲਾਈਨ ਰਾਹੀਂ ਆਪਣੀਆਂ ਸ਼ੁਭਕਾਮਨਾਵਾਂ ਭੇਜਦਿਆਂ ਯੂਨੀਵਰਸਿਟੀ ਦੇ ਉੱਦਮ ਅਤੇ ਚੇਅਰ ਦੀ ਅਗਵਾਈ ਦੀ ਪ੍ਰਸ਼ੰਸਾ ਕੀਤੀ। ਇੰਜੀ. ਸੁਖਵਿੰਦਰ ਸਿੰਘ ਸਿੱਧੂ ਨੇ ਧੰਨਵਾਦ ਪ੍ਰਸਤਾਵ ਪੇਸ਼ ਕਰਦਿਆਂ ਯੂਨੀਵਰਸਿਟੀ ਦੀ ਟੀਮ, ਅਧਿਆਪਕਾਂ ਅਤੇ ਸਾਰੇ ਮਹਾਨੁਭਾਵਾਂ ਦੇ ਸਹਿਯੋਗ ਲਈ ਧੰਨਵਾਦ ਪ੍ਰਗਟਾਇਆ। ਪ੍ਰੈੱਸ ਕਾਨਫਰੰਸ ਮੀਡੀਆ ਅਤੇ ਮਹਿਮਾਨਾਂ ਲਈ ਰੱਖੇ ਗਏ ਨੈਟਵਰਕਿੰਗ ਲੰਚ ਨਾਲ ਸਮਾਪਤ ਹੋਈ।
Comments
Post a Comment