Sukhbir S Badal warns against conspiracy to render Sikhs leaderless Pays glowing tributes to Guru Tegh Bahadur Sahib’s supreme sacrifice for secular values. Asserts Sikh religion under dangerous ideological and political attack. Chandigarh 18 October ( Ranjeet Singh Dhaliwal ) : Shiromani Akali Dal (SAD) president Sardar Sukhbir Singh Badal today called upon Sikhs all over the world to “ recognise, expose and defeat the deep rooted conspiracy to grab control of Sikh religious institutions and to render the Khalsa Panth totally leaderless. “ Addressing a seminar organised by the Shiromani Gurdwara Prabandhik Committee ( SGPC) to commemorate the 350th anniversary of the martyrdom of the ninth Guru Shri Guru Tegh Bahadur Sahib in New Delhi this morning, Mr Badal said the country desperately needed to follow the footsteps of Guru Sahib and uphold the values of secularism , human rights and civil liberties for which he made an unparalleled and supreme sacrifice . Guru Tegh Bahadur sahib is ...
ਈਕੋਸਿੱਖ ਪੰਜਾਬ ਵਿੱਚ ਅਲੋਪ ਹੋਣ ਦੇ ਕੰਢੇ 'ਤੇ ਪਹੁੰਚ ਚੁੱਕੇ ਗੁਰੂ ਗੋਬਿੰਦ ਸਿੰਘ ਜੀ ਦੇ ਪੰਛੀ, ਬਾਜ਼ ਨੂੰ ਮੁੜ ਸੁਰਜੀਤ ਕਰਨ ਵਿੱਚ ਹੋਇਆ ਇਕੱਠਾ
ਈਕੋਸਿੱਖ ਪੰਜਾਬ ਵਿੱਚ ਅਲੋਪ ਹੋਣ ਦੇ ਕੰਢੇ 'ਤੇ ਪਹੁੰਚ ਚੁੱਕੇ ਗੁਰੂ ਗੋਬਿੰਦ ਸਿੰਘ ਜੀ ਦੇ ਪੰਛੀ, ਬਾਜ਼ ਨੂੰ ਮੁੜ ਸੁਰਜੀਤ ਕਰਨ ਵਿੱਚ ਹੋਇਆ ਇਕੱਠਾ
ਬਾਜ਼ ਨੂੰ ਬਚਾਉਣ ਲਈ ਇੱਕ ਯੋਜਨਾ ਬਣਾ ਕੇ ਕੰਮ ਸ਼ੁਰੂ ਕੀਤਾ ਜਾ ਰਿਹਾ ਹੈ
ਗੁਰੂ ਤੇਗ ਬਹਾਦਰ ਜੀ ਦੇ 350ਵੇਂ ਸ਼ਹੀਦੀ ਪੁਰਬ ਨੂੰ ਮਨਾਉਣ ਲਈ 350 ਬਾਗ ਲਗਾਉਣ ਦਾ ਟੀਚਾ
ਚੰਡੀਗੜ੍ਹ 15 ਅਕਤੂਬਰ ( ਰਣਜੀਤ ਧਾਲੀਵਾਲ ) : ਈਕੋਸਿੱਖ, ਇੱਕ ਗਲੋਬਲ ਗੈਰ-ਸਰਕਾਰੀ ਸੰਗਠਨ (ਐਨਜੀਓ) ਜੋ ਸਿੱਖ ਭਾਈਚਾਰੇ ਨੂੰ ਜਲਵਾਯੂ ਪਰਿਵਰਤਨ ਦੇ ਖਤਰਿਆਂ ਅਤੇ ਕੁਦਰਤੀ ਵਾਤਾਵਰਣ ਦੇ ਬਿਗੜਦੇ ਸਵਰੂਪ ਲਈ ਇਕਜੁੱਟ ਕਰਕੇ ਇਨ੍ਹਾਂ ਸਮਸਿਆਵਾਂ 'ਤੇ ਕੰਮ ਕਰਦਾ ਹੈ, ਨੇ ਗੁਰੂ ਗੋਬਿੰਦ ਸਿੰਘ ਜੀ ਨਾਲ ਜੁੜੇ ਪੰਛੀ, ਬਾਜ਼ ਦੇ ਕੁਨਬੇ ਨੂੰ ਦੁਬਾਰਾ ਵਸਾਉਣ ਦੇ ਉਦੇਸ਼ ਨਾਲ ਇੱਕ ਵੱਡੀ ਯੋਜਨਾ ਦਾ ਖੁਲਾਸਾ ਕੀਤਾ ਹੈ। ਇਹ ਯੋਜਨਾ ਮੁੰਬਈ ਸਥਿਤ 140 ਸਾਲ ਪੁਰਾਣੀ ਸੰਸਥਾ, ਬੰਬੇ ਨੈਚੁਰਲ ਹਿਸਟਰੀ ਸੋਸਾਇਟੀ (ਬੀਐਨਐਚਐਸ) ਦੇ ਸਹਿਯੋਗ ਨਾਲ ਲਾਗੂ ਕੀਤੀ ਜਾਵੇਗੀ। ਇਸ ਪੂਰੇ ਪ੍ਰੋਜੈਕਟ ਦਾ ਉਦੇਸ਼ ਬਾਜ਼, ਜਾਂ ਉੱਤਰੀ ਗੋਸ਼ੌਕ( ਨਾਰਦਨ ਗੋਸ਼ਾਕ), ਅਤੇ ਇੱਕ ਹੋਰ ਬਾਜ਼ ਪ੍ਰਜਾਤੀ, ਸ਼ਾਹੀਨ ਬਾਜ ਦੇ ਕੁਦਰਤੀ ਨਿਵਾਸ ਸਥਾਨ ਨੂੰ ਫਿਰ ਬਹਾਲ ਕਰਨਾ ਹੈ। ਈਕੋਸਿੱਖ ਨੇ ਗੁਰੂ ਤੇਗ ਬਹਾਦਰ ਜੀ ਦੇ 350ਵੇਂ ਸ਼ਹੀਦੀ ਪੁਰਬ ਨੂੰ ਮਨਾਉਣ ਲਈ 350 ਬਾਗ ਲਗਾਉਣ ਦੀ ਮੁਹਿੰਮ ਵੀ ਸ਼ੁਰੂ ਕੀਤੀ ਹੈ। ਇਹ ਐਲਾਨ ਚੰਡੀਗੜ੍ਹ ਦੇ ਪ੍ਰੈਸ ਕਲੱਬ ਵਿਖੇ ਆਯੋਜਿਤ ਇੱਕ ਪ੍ਰੈਸ ਕਾਨਫਰੰਸ ਵਿੱਚ ਕੀਤੇ ਗਏ। ਈਕੋਸਿੱਖ ਦੇ ਗਲੋਬਲ ਪ੍ਰਧਾਨ ਡਾ. ਰਾਜਵੰਤ ਸਿੰਘ ਨੇ ਕਿਹਾ, "ਗੁਰੂ ਗੋਬਿੰਦ ਸਿੰਘ ਜੀ ਦਾ ਉੱਡਦਾ ਪੰਛੀ, 'ਬਾਜ਼', ਲੋਕਾਂ ਨੂੰ ਮਾਣ ਅਤੇ ਹਿੰਮਤ ਨਾਲ ਜੀਵਨ ਜਿਊਣ ਦੀ ਯਾਦ ਦਿਵਾਉਂਦਾ ਸੀ। ਇਹ ਮੰਦਭਾਗਾ ਹੈ ਕਿ ਮਹਾਨ ਗੁਰੂ ਦਾ ਇਹ ਮਹੱਤਵਪੂਰਨ ਪ੍ਰਤੀਕ ਅਤੇ ਪੰਜਾਬ ਦਾ ਅਧਿਕਾਰਤ ਰਾਜ ਪੰਛੀ ਹੁਣ ਨਿਵਾਸ ਸਥਾਨ ਦੇ ਨੁਕਸਾਨ, ਗੈਰ-ਕਾਨੂੰਨੀ ਵਪਾਰ ਅਤੇ ਪ੍ਰਦੂਸ਼ਣ ਕਾਰਨ ਸੂਬੇ ਦੇ ਅਸਮਾਨ ਤੋਂ ਅਲੋਪ ਹੋ ਗਿਆ ਹੈ।" ਉਨ੍ਹਾਂ ਨੇ ਦੱਸਿਆ ਕਿ ਇਹ ਚਿੰਤਾਜਨਕ ਗੱਲ ਹੈ ਕਿ ਪੰਜਾਬ ਦੇ ਜੰਗਲੀ ਜੀਵ ਵਿਭਾਗ ਨੇ ਦੋ ਦਹਾਕਿਆਂ ਤੋਂ ਵੱਧ ਸਮੇਂ ਤੋਂ ਬਾਜ਼ ਦੇ ਕਿਸੇ ਵੀ ਰਿਕਾਰਡ ਦੇਖੇ ਜਾਣ ਦੀ ਰਿਪੋਰਟ ਨਹੀਂ ਕੀਤੀ ਹੈ। ਇਸ ਲਈ, ਸੂਬੇ ਵਿੱਚ ਵਾਤਾਵਰਣ ਸੰਤੁਲਨ (ਇਕੋਲੋਜਿਕਲ ਬੈਲੇਂਸ) ਨੂੰ ਬਹਾਲ ਕਰਨ ਅਤੇ ਗੁਰੂ ਗੋਬਿੰਦ ਸਿੰਘ ਨਾਲ ਜੁੜੇ ਇਸ ਪਵਿੱਤਰ ਪੰਛੀ ਨੂੰ ਸ਼ਰਧਾਂਜਲੀ ਦੇਣ ਲਈ ਬਾਜ਼ ਨੂੰ ਪੰਜਾਬ ਵਿੱਚ ਦੁਬਾਰਾ ਲਿਆਉਣ ਦੀ ਯੋਜਨਾ ਸ਼ੁਰੂ ਕੀਤੀ ਗਈ ਹੈ। ਡਾ. ਰਾਜਵੰਤ ਨੇ ਕਿਹਾ, "ਈਕੋਸਿੱਖ ਵਿਖੇ, ਅਸੀਂ ਬੰਬੇ ਨੈਚੁਰਲ ਹਿਸਟਰੀ ਸੋਸਾਇਟੀ (ਬੀ.ਐਨ.ਐਚ.ਐਸ.) ਨਾਲ ਆਪਣੇ ਸਮਝੌਤੇ ਅਤੇ ਆਪਸੀ ਸਹਿਯੋਗ ਦੀ ਵਿਆਪਕ ਯੋਜਨਾ ਬਾਰੇ ਬਹੁਤ ਉਤਸ਼ਾਹਿਤ ਹਾਂ, ਜਿਸ ਦੇ ਤਹਿਤ ਅਸੀਂ ਇੱਕ ਮਹੱਤਵਾਕਾਂਖੀ ਪਵਿੱਤਰ ਜੀਵ ਮਿਸ਼ਨ ਦੀ ਸ਼ੁਰੂਆਤ ਕਰਾਂਗੇ। ਇਹ ਇੱਕ ਵਿਗਿਆਨਕ ਤੌਰ 'ਤੇ ਨਿਰਦੇਸ਼ਤ ਪਹਿਲਕਦਮੀ ਹੈ ਅਤੇ ਵੱਖ-ਵੱਖ ਹਿੱਸੇਦਾਰਾਂ ਨਾਲ ਸਹਿਯੋਗ ਕਰਕੇ ਬਾਜ਼ਾਂ ਦਾ ਪੁਨਰਵਾਸ ਅਤੇ ਪੰਜਾਬ ਭਰ ਵਿੱਚ ਇਸਦੇ ਗੁਆਚੇ ਹੋਏ ਨਿਵਾਸ ਸਥਾਨ ਨੂੰ ਦੁਬਾਰਾ ਤੋਂ ਆਬਾਦ ਕਰੇਗਾ।"
ਪ੍ਰੈਸ ਕਾਨਫਰੰਸ ਵਿੱਚ, ਈਕੋਸਿੱਖ ਨੇ ਇਹ ਵੀ ਐਲਾਨ ਕੀਤਾ ਕਿ ਉਹ ਗੁਰੂ ਤੇਗ ਬਹਾਦਰ ਜੀ ਦੇ 350ਵੇਂ ਸ਼ਹੀਦੀ ਪੁਰਬ ਨੂੰ ਮਨਾਉਣ ਲਈ 350 ਪਵਿੱਤਰ ਬਾਗ ਲਗਾਏਗਾ, ਜਿਸ ਵਿੱਚੋ ਹਰੇਕ ਵਿੱਚ ਮੀਆਵਾਕੀ ਵਿਧੀ ਦੀ ਵਰਤੋਂ ਕਰਦੇ ਹੋਏ ਇੱਕ ਦੇਸੀ ਲਘੂ ਬਾਗ ਲਗਾਇਆ ਜਾਵੇਗਾ, ਜੋ ਬੰਜਰ ਜ਼ਮੀਨ ਵਿੱਚ ਜੈਵ ਵਿਭਿੰਨਤਾ ਨੂੰ ਮੁੜ ਸੁਰਜੀਤ ਕਰਦਾ ਹੈ। ਈਕੋਸਿੱਖ ਇੰਡੀਆ ਦੀ ਪ੍ਰਧਾਨ ਡਾ. ਸੁਪ੍ਰੀਤ ਕੌਰ ਨੇ ਕਿਹਾ, "ਅਸੀਂ ਗੁਰੂ ਤੇਗ ਬਹਾਦਰ ਜੀ ਨੂੰ ਸ਼ਰਧਾਂਜਲੀ ਵਜੋਂ 350 ਨਵੇਂ ਪਵਿੱਤਰ ਬਾਗ ਲਗਾਉਣ ਲਈ ਵਚਨਬੱਧ ਹਾਂ। ਹਰੇਕ ਬਾਗ ਜੈਵ ਵਿਭਿੰਨਤਾ ਨੂੰ ਬਹਾਲ ਕਰਨ ਅਤੇ ਸਿੱਖ ਗੁਰੂਆਂ ਦੇ ਕੁਦਰਤ ਨਾਲ ਸਿੱਧੇ ਅਤੇ ਸਦੀਵੀ ਰਿਸ਼ਤੇ ਦਾ ਸਨਮਾਨ ਕਰਨ ਲਈ ਇੱਕ ਜੀਵਤ ਕਲਾਸਰੂਮ ਵਜੋਂ ਕੰਮ ਕਰੇਗਾ।" ਪਿਛਲੇ 16 ਸਾਲਾਂ ਵਿੱਚ, ਈਕੋਸਿੱਖ ਚੈਰੀਟੇਬਲ ਸੋਸਾਇਟੀ ਨੇ ਭਾਰਤ ਭਰ ਵਿੱਚ 1,350 ਤੋਂ ਵੱਧ ਪਵਿੱਤਰ ਬਾਗ ਲਗਾਏ ਹਨ, ਜਿਨ੍ਹਾਂ ਵਿੱਚੋਂ ਹਰ ਇੱਕ ਜੈਵ ਵਿਭਿੰਨਤਾ ਅਤੇ ਅਧਿਆਤਮਿਕ ਚਿੰਤਨ ਦੇ ਇੱਕ ਜੀਵੰਤ ਅਸਥਾਨ ਵਜੋਂ ਕੰਮ ਕਰਦਾ ਹੈ। ਚਰਨ ਸਿੰਘ, ਕਨਵੀਨਰ, ਸੈਕਰੇਡ ਫਾਰੈਸਟ ਐਂਡ ਸੈਕਰੇਡ ਫੋਨਾ, ਈਕੋਸਿੱਖ ਨੇ ਕਿਹਾ, "ਸਾਡੇ ਗੁਰੂਆਂ ਦੇ ਨਾਮ 'ਤੇ ਬਾਗ ਲਗਾਉਣਾ ਸਾਲਾਂ ਤੋਂ ਸਾਡੀ ਪਵਿੱਤਰ ਪਰੰਪਰਾ ਰਹੀ ਹੈ। ਪਵਿੱਤਰ ਜੀਵ-ਜੰਤੂ ਮਿਸ਼ਨ ਦੇ ਨਾਲ, ਅਸੀਂ ਹੁਣ ਇਸ ਪਰੰਪਰਾ ਨੂੰ ਅਸਮਾਨ 'ਤੇ ਲੈ ਜਾ ਰਹੇ ਹਾਂ। ਬਾਜ਼ ਨੂੰ ਮੁੜ ਤੋਂ ਇਸ ਖੇਤਰ ਵਿੱਚ ਵਸਾਉਣਾ ਸਿਰਫ਼ ਇੱਕ ਵਾਤਾਵਰਣਕ ਕਾਰਜ ਨਹੀਂ ਹੈ; ਇਹ ਇੱਕ ਅਧਿਆਤਮਿਕ ਸੇਵਾ ਹੈ, ਗੁਰੂ ਜੀ ਦੀਆਂ 'ਸਰਬੱਤ ਦਾ ਭਲਾ' ਦੀਆਂ ਸਿੱਖਿਆਵਾਂ ਦਾ ਇੱਕ ਨਵਾਂ ਪ੍ਰਸਾਰ ਹੈ।" ਈਕੋਸਿੱਖ ਵੀ 10 ਲੱਖ ਰੁੱਖ ਲਗਾਉਣ ਦੇ ਆਪਣੇ ਟੀਚੇ ਵੱਲ ਤੇਜ਼ੀ ਨਾਲ ਅੱਗੇ ਵਧ ਰਿਹਾ ਹੈ, ਜਿਸਨੇ ਪਹਿਲਾਂ ਹੀ ਪੰਜਾਬ ਅਤੇ ਭਾਰਤ ਭਰ ਦੇ ਹੋਰ ਰਾਜਾਂ ਵਿੱਚ 1,350 ਗੁਰੂ ਨਾਨਕ ਪਵਿੱਤਰ ਬਾਗ ਲਗਾਏ ਹਨ। ਇਸ ਮੁਹਿੰਮ ਨੇ 750,000 ਦੇਸੀ ਰੁੱਖ ਲਗਾਏ ਹਨ, ਹਰੇਕ ਬਾਗ ਵਿੱਚ 550 ਰੁੱਖ ਹਨ। ਇਹ ਪਵਿੱਤਰ ਅਤੇ ਹਰੇ ਬਾਗ 2019 ਵਿੱਚ ਗੁਰੂ ਨਾਨਕ ਦੇਵ ਜੀ ਦੇ 550ਵੇਂ ਪ੍ਰਕਾਸ਼ ਪੁਰਬ ਨੂੰ ਮਨਾਉਣ ਲਈ ਸ਼ੁਰੂ ਕੀਤੇ ਗਏ ਸਨ। ਇਸ ਪਹਿਲਕਦਮੀ ਦੇ ਪ੍ਰਭਾਵ ਨੂੰ ਉਜਾਗਰ ਕਰਦੇ ਹੋਏ, ਟੀਕੇ ਸਟੀਲ ਦੇ ਮੈਨੇਜਿੰਗ ਡਾਇਰੈਕਟਰ ਅਤੇ ਈਕੋਸਿੱਖ ਪ੍ਰੋਜੈਕਟ 'ਲੰਗਸ ਆਫ ਲੁਧਿਆਣਾ' ਦੇ ਕੋਆਰਡੀਨੇਟਰ ਲੋਕੇਸ਼ ਜੈਨ ਨੇ ਕਿਹਾ, "ਸਿਰਫ਼ 'ਲੰਗਸ ਆਫ ਲੁਧਿਆਣਾ' ਪਹਿਲਕਦਮੀ ਦੇ ਤਹਿਤ, ਅਸੀਂ ਲਗਭਗ 280 ਬਾਗ ਲਗਾਏ ਹਨ ਜਿਨ੍ਹਾਂ ਵਿੱਚ 1,52,000 ਤੋਂ ਵੱਧ ਦੇਸੀ ਰੁੱਖ ਸ਼ਾਮਲ ਹਨ। ਇਹ ਬਾਗ ਤੇਜ਼ੀ ਨਾਲ ਵਧ-ਫੁੱਲ ਰਹੇ ਹਨ।" ਈਕੋਸਿੱਖ ਹਰਿਆਣਾ ਦੇ ਗੁਰਦੁਆਰਾ ਚਰਨ ਕੰਵਲ ਸਾਹਿਬ ਵਿਖੇ ਬਹੁਤ ਤੇਜੀ ਨਾਲ ਗੁਰੂ ਹਰਿਰਾਇ ਹਰਬਲ ਗਾਰਡਨ ਦੀ ਸਥਾਪਨਾ ਵੀ ਸ਼ੁਰੂ ਕਰ ਰਿਹਾ ਹੈ। ਪੰਚਕੁਲਾ ਸਥਿਤ ਗੁਰਦੁਆਰਾ ਚਰਨ ਕੰਵਲ ਸਾਹਿਬ ਕਮੇਟੀ ਦੇ ਪ੍ਰਧਾਨ ਸਰਦਾਰ ਉਜਾਗਰ ਸਿੰਘ ਨੇ ਕਿਹਾ, “ਸਾਧ ਸੰਗਤ ਦੇ ਸਹਿਯੋਗ ਨਾਲ ਈਕੋਸਿੱਖ ਗੁਰਦੁਆਰਾ ਚਰਨ ਕੰਵਲ ਸਾਹਿਬ ਵਿਖੇ ਇਕ ਗੁਰੂ ਹਰ ਰਾਏ ਹਰਬਲ ਗਾਰਡਨ ਬਣਾ ਰਿਹਾ ਹੈ। ਗੁਰੂ ਹਰਿ ਰਾਏ ਸਾਹਿਬ ਜੀ ਇੱਕ ਸੱਚੇ ਕੁਦਰਤ ਪ੍ਰੇਮੀ ਸਨ, ਜਿਨ੍ਹਾਂ ਨੇ ਕੀਰਤਪੁਰ ਵਿੱਚ ਇੱਕ ਮੈਡੀਸਨ ਹਰਬਲ ਗਾਰਡਨ ਦੀ ਸਥਾਪਨਾ ਕੀਤੀ ਸੀ, ਜਿਸ ਨੂੰ ਨੌਲੱਖਾ ਬਾਗ ਵਜੋਂ ਜਾਣਿਆ ਜਾਂਦਾ ਹੈ - ਜਿਸਦਾ ਅਰਥ ਹੈ '900,000 ਪੌਦਿਆਂ ਦਾ ਬਾਗ਼।'
Comments
Post a Comment