ਪਿੰਡ ਕੁੰਭੜਾ ਦੇ ਵਾਰਡ ਨੰ: 28 ਦੀ ਬਾਬਾ ਨੀਮ ਨਾਥ ਵਾਲੀ ਗਲੀ ਵਿੱਚ ਸੀਵਰੇਜ ਤੇ ਨਾਲੀਆਂ ਦੇ ਗੰਦੇ ਪਾਣੀ ਤੋਂ ਪਰੇਸ਼ਾਨ ਲੋਕਾਂ ਨੇ ਜੰਮਕੇ ਕੀਤੀ ਨਾਅਰੇਬਾਜ਼ੀ,

ਪਿੰਡ ਕੁੰਭੜਾ ਦੇ ਵਾਰਡ ਨੰ: 28 ਦੀ ਬਾਬਾ ਨੀਮ ਨਾਥ ਵਾਲੀ ਗਲੀ ਵਿੱਚ ਸੀਵਰੇਜ ਤੇ ਨਾਲੀਆਂ ਦੇ ਗੰਦੇ ਪਾਣੀ ਤੋਂ ਪਰੇਸ਼ਾਨ ਲੋਕਾਂ ਨੇ ਜੰਮਕੇ ਕੀਤੀ ਨਾਅਰੇਬਾਜ਼ੀ,

ਮੁਹੱਲਾ ਵਾਸੀ ਨੇ ਕਿਹਾ ਕਿ ਪਿੰਡ ਨੂੰ ਚਾਰ ਵਾਰਡਾਂ 'ਚ ਵੰਡਿਆ ਹੈ, ਸੂਟ ਤੇ ਠੰਡੇ ਵੰਡਕੇ ਬਣੇ ਕੌਂਸਲਰ ਲੋਕਾਂ ਨੂੰ ਨਹੀਂ ਰਹੇ ਲੱਭ

ਜੇ ਰੰਗਲੇ ਪੰਜਾਬ ਦੀ ਦੇਖਣੀ ਹੈ ਝਲਕ ਤਾਂ ਪਿੰਡ ਕੁੰਭੜੇ ਦੀਆਂ ਗਲੀਆਂ ਵਿੱਚ ਘੁੰਮ ਰਹੇ ਸੀਵਰੇਜ ਦੇ ਗੰਦੇ ਪਾਣੀ ਨੂੰ ਨਾ ਭੁੱਲਣਾ : ਬਲਵਿੰਦਰ ਕੁੰਭੜਾ 

ਐਸ.ਏ.ਐਸ.ਨਗਰ 10 ਅਕਤੂਬਰ ( ਰਣਜੀਤ ਧਾਲੀਵਾਲ ) : ਐਸ.ਏ.ਐਸ.ਨਗਰ (ਮੋਹਾਲੀ) ਦੇ ਪਿੰਡ ਕੁੰਭੜਾ ਵਿੱਚ ਜਿਸ ਦੇ ਚਾਰੋਂ ਪਾਸੇ ਸਰਕਾਰੀ ਭਵਨ ਹਨ ਅਤੇ ਇੱਕ ਪਾਸੇ ਸੈਕਟਰ 68 ਵਸਿਆ ਹੈ, ਵੱਡੇ ਵੱਡੇ ਮਾਲ ਸਭ ਦਾ ਮਨ ਮੋਹ ਲੈਂਦੈ ਹਨ। ਉਸ ਪਿੰਡ ਦੀ ਅਸਲੀਅਤ ਦੇਖਣ ਲਈ ਪਿੰਡ ਦੇ ਵਾਰਡ ਨੰਬਰ 28 ਦੀ ਬਾਬਾ ਨੀਮ ਨਾਥ ਮੰਦਰ ਵਾਲੀ ਗਲੀ ਦੇਖਕੇ ਪਤਾ ਚਲਦੀ ਹੈ। ਜਿਸ ਵਿੱਚ ਸੀਵਰੇਜ ਤੇ ਨਾਲੀਆਂ ਦੇ ਗੰਦੇ ਪਾਣੀ ਕਾਰਨ ਲੋਕ ਪਰੇਸ਼ਾਨ ਹਨ। ਗਲੀਆਂ ਵਿੱਚ ਘੁੰਮ ਰਹੇ ਗੰਦੇ ਪਾਣੀ ਵਿੱਚੋਂ ਬੱਚੇ, ਬਜ਼ੁਰਗ, ਮਾਤਾਵਾਂ, ਔਰਤਾਂ ਬੜੀ ਮੁਸ਼ਕਿਲ ਨਾਲ ਗੁਜ਼ਰਦੀਆਂ ਹਨ। ਲੋਕਾਂ ਦੇ ਘਰਾਂ ਦੇ ਅੱਗੇ ਖੜੇ ਪਾਣੀ ਕਾਰਨ ਬਦਬੂ ਫੈਲੀ ਹੋਈ ਹੈ। ਇਸ ਬਾਰੇ ਵਸਨੀਕਾਂ ਨੇ ਦੱਸਿਆ ਕਿ ਵਾਰਡ ਦੀ ਕੌਂਸਲਰ ਮੈਡਮ ਰਮਨਪ੍ਰੀਤ ਕੌਰ ਜੋ ਮੌਜੂਦਾ ਸਰਕਾਰ ਦੀ ਆਗੂ ਵੀ ਹੈ। ਪਰ ਇਸ ਤੇ ਪਿੰਡ ਦੀ ਸਫਾਈ ਵੱਲ ਕੋਈ ਧਿਆਨ ਨਹੀਂ ਹੈ। ਸਿਹਤ ਵਿਭਾਗ ਦੀ ਟੀਮ ਘਰ ਘਰ ਜਾ ਕੇ ਕੂਲਰਾਂ ਵਿੱਚ ਖੜਾ ਪਾਣੀ ਚੈੱਕ ਕਰਦੀ ਹੈ। ਪਰ ਉਸਨੂੰ ਸੀਵਰੇਜ ਦਾ ਗਲੀਆਂ ਵਿੱਚ ਚੱਲ ਰਿਹਾ ਗੰਦਾ ਪਾਣੀ ਦਿਖਾਈ ਨਹੀਂ ਦਿੰਦਾ। ਉਹ ਲੋਕਾਂ ਨੂੰ ਇੱਕ ਹਜਾਰ ਰੁਪਏ ਜੁਰਮਾਨਾ ਕਰਦੇ ਹਨ। ਹੁਣ ਇਸ ਵਾਰਡ ਦੇ ਵਿੱਚ ਚੱਲ ਰਹੇ ਇਸ ਗੰਦੇ ਪਾਣੀ ਦਾ ਕੌਣ ਜਿੰਮੇਵਾਰ ਹੈ।

ਇਸ ਬਾਰੇ ਸਮਾਜ ਸੇਵੀ ਬਲਵਿੰਦਰ ਸਿੰਘ ਕੁੰਭੜਾ ਨੇ ਕਿਹਾ ਕਿ ਐਸ.ਏ.ਐਸ.ਨਗਰ (ਮੋਹਾਲੀ) ਨੂੰ ਪੰਜਾਬ ਦਾ ਸਭ ਤੋਂ ਸੋਹਣਾ ਸ਼ਹਿਰ ਕਹਿਣ ਵਾਲੀ ਆਮ ਆਦਮੀ ਪਾਰਟੀ ਦੀ ਸਰਕਾਰ ਦੀ ਕੌਂਸਲਰ ਆਪਣੇ ਵਾਰਡ ਦੀ ਪਰਵਾਹ ਨਹੀਂ ਕਰਦੀ। ਜੋ ਪਿੰਡ ਵਿੱਚ ਸੂਟ ਤੇ ਠੰਡੇ ਵੰਡਕੇ ਬਣੇ ਕੌਂਸਲਰ ਅੱਜ ਲੋਕਾਂ ਨੂੰ ਨਹੀਂ ਲੱਭ ਰਹੇ। ਜਿਸ ਕਰਕੇ ਲੋਕਾਂ ਨੇ ਇਹਨਾਂ ਕੌਂਸਲਰਾਂ, ਨਗਰ ਨਿਗਮ ਮੋਹਾਲੀ ਅਤੇ ਪੰਜਾਬ ਸਰਕਾਰ ਖਿਲਾਫ ਜੰਮਕੇ ਨਾਅਰੇਬਾਜ਼ੀ ਕੀਤੀ ਅਤੇ ਰੰਗਲੇ ਪੰਜਾਬ ਦੀ ਪੋਲ ਖੋਲੀ। ਉਹਨਾਂ ਕਿਹਾ ਕਿ ਜੇਕਰ ਜਲਦ ਨਾ ਹੋਈ ਸਫਾਈ ਤਾਂ ਅਤੇ ਪਾਣੀ ਦਾ ਨਿਕਾਸ ਨਾ ਹੋਇਆ ਤਾਂ ਪੰਜਾਬ ਸਰਕਾਰ ਦਾ ਪੁੱਤਲਾ ਨਗਰ ਨਿਗਮ ਮੋਹਾਲੀ ਦੇ ਦਫਤਰ ਅੱਗੇ ਫੂਕਿਆ ਜਾਵੇਗਾ। ਇਸ ਮੌਕੇ ਅਜੈਬ ਸਿੰਘ, ਮਹਿੰਦਰ ਸਿੰਘ, ਬਨਾਰਸੀ ਦਾਸ, ਮੰਗਤ ਰਾਮ, ਜਸਪਾਲ, ਹਰਦੀਪ ਸਿੰਘ, ਮਨਜੀਤ ਸਿੰਘ ਮੇਵਾ, ਸੁਖਵਿੰਦਰ ਸਿੰਘ, ਰਿੰਕੂ, ਲੱਕੀ, ਬਹਾਦਰ ਸਿੰਘ, ਦੀਪ ਸਿੰਘ, ਬਲਵਿੰਦਰ ਸਿੰਘ, ਸੋਨੀਆ ਰਾਣੀ, ਮਮਤਾ, ਬਲਵੀਰ ਕੌਰ, ਜਰਨੈਲ ਕੌਰ, ਸੁਰਜੀਤ ਕੌਰ, ਅਮਰਜੀਤ, ਭੋਲੀ, ਓਮ ਪ੍ਰਕਾਸ਼, ਰਾਮ ਮੂਰਤੀ, ਸ਼ਾਂਤੀ ਦੇਵੀ ਆਦਿ ਹਾਜ਼ਰ ਹੋਏ।