Congress demands Rs 51,000 for women instead of Rs 3000 Warring jabs Kejriwal over claims of world’s largest women empowerment scheme Cites Congress ruled Karnataka, Telangana where women are getting more cash assistance Chandigarh 22 June ( Ranjeet Singh Dhaliwal ) : Punjab Congress president Amarinder Singh Raja Warring today demanded that the Aam Aadmi Party government must pay Rs 51,000 to each and every woman in Punjab as it had promised before the 2022 elections. He accused the AAP government of cheating the women of Punjab by denying them the cash assistance for four and a half years and paying them peanuts at the end of the term. He said, people of Punjab, women in particular understand the AAP’s designs that the cash assistance was started just ahead of elections. Warring also ridiculed the AAP supremo Arvind Kejriwal’s claims that the Punjab government scheme was “world’s largest women empowerment” scheme. “This is a characteristic and classic lie by Kejriwal”, he remark...
ਪੰਜਾਬ ਕੇਂਦਰੀ ਯੂਨੀਵਰਸਿਟੀ ਦੇ ਵਾਈਸ-ਚਾਂਸਲਰ ਅਤੇ ਫੈਕਲਟੀ ਯੂ.ਐਨ. ਐਸਡੀਜੀ-7 ਊਰਜਾ ਸਮੀਖਿਆ ਲਈ ਮਾਹਿਰ ਰੈਫਰੈਂਸ ਗਰੁੱਪ ਵਿੱਚ ਸ਼ਾਮਲ
ਪੰਜਾਬ ਕੇਂਦਰੀ ਯੂਨੀਵਰਸਿਟੀ ਦੇ ਵਾਈਸ-ਚਾਂਸਲਰ ਅਤੇ ਫੈਕਲਟੀ ਯੂ.ਐਨ. ਐਸਡੀਜੀ-7 ਊਰਜਾ ਸਮੀਖਿਆ ਲਈ ਮਾਹਿਰ ਰੈਫਰੈਂਸ ਗਰੁੱਪ ਵਿੱਚ ਸ਼ਾਮਲ
ਵਾਈਸ-ਚਾਂਸਲਰ ਪ੍ਰੋ. ਰਾਘਵੇਂਦਰ ਪ੍ਰਸਾਦ ਤਿਵਾਰੀ ਅਤੇ ਪ੍ਰੋ. ਫੇਲਿਕਸ ਬਾਸਟ ਨੇ ਯੂਐਨ ਈਐਸਸੀਏਪੀ ਦੇ ਐਸਡੀਜੀ-7 — ‘ਸਸਤੀ ਅਤੇ ਸਾਫ਼ ਊਰਜਾ’ ਲਈ 2026 ਗੋਲ ਪ੍ਰੋਫਾਈਲ ਰਿਵਿਊ ਵਿੱਚ ਊਰਜਾ ਤਬਦੀਲੀ, ਵਿਸ਼ਵਵਿਆਪੀ ਊਰਜਾ ਪਹੁੰਚ ਅਤੇ ਊਰਜਾ ਕੁਸ਼ਲਤਾ ਬਾਰੇ ਰਣਨੀਤਕ ਸਲਾਹ ਪ੍ਰਦਾਨ ਕੀਤੀ।
ਬਠਿੰਡਾ 29 ਨਵੰਬਰ ( ਪੀ ਡੀ ਐਲ ) : ਪੰਜਾਬ ਕੇਂਦਰੀ ਯੂਨੀਵਰਸਿਟੀ (ਸੀਯੂ ਪੰਜਾਬ) ਨੇ ਉੱਚ ਸਿੱਖਿਆ ਅਤੇ ਖੋਜ ਦੇ ਖੇਤਰ ਵਿੱਚ ਰਾਸ਼ਟਰੀ ਅਤੇ ਵਿਸ਼ਵ ਪੱਧਰ 'ਤੇ ਆਪਣੀ ਪਹਿਚਾਣ ਹੋਰ ਮਜ਼ਬੂਤ ਕਰਦਿਆਂ ਇੱਕ ਸ਼ਾਨਦਾਰ ਪ੍ਰਾਪਤੀ ਹਾਸਲ ਕੀਤੀ ਹੈ। ਯੂਨੀਵਰਸਿਟੀ ਦੇ ਦੋ ਪ੍ਰਸਿੱਧ ਵਿਗਿਆਨੀ — ਵਾਈਸ-ਚਾਂਸਲਰ ਪ੍ਰੋ. ਰਾਘਵੇਂਦਰ ਪ੍ਰਸਾਦ ਤਿਵਾਰੀ ਅਤੇ ਪ੍ਰੋ. ਫੇਲਿਕਸ ਬਾਸਟ (ਵਿਭਾਗ ਵਨਸਪਤੀ ਵਿਗਿਆਨ) — ਨੂੰ ਯੂਐਨ ਈਐਸਸੀਏਪੀ ਦੁਆਰਾ ਐਸਡੀਜੀ-7 (ਸਸਤੀ ਅਤੇ ਸਾਫ਼ ਊਰਜਾ) ਦੀ 2026 ਗੋਲ ਪ੍ਰੋਫਾਈਲ ਰਿਵਿਊ ਲਈ ਮਾਹਿਰ ਰੈਫਰੈਂਸ ਗਰੁੱਪ ਦੇ ਮੈਂਬਰ ਵਜੋਂ ਸ਼ਾਮਲ ਕੀਤਾ ਗਿਆ ਹੈ। ਦੋਵਾਂ ਵਿਗਿਆਨੀਆਂ ਨੇ ਵਿਗਿਆਨਿਕ ਖੋਜ, ਤਕਨੀਕੀ ਨਿਪੁੰਨਤਾ ਅਤੇ ਨੀਤੀ-ਅਧਾਰਿਤ ਵਿਸ਼ਲੇਸ਼ਣ ਰਾਹੀਂ ਵਿਸ਼ਵ ਜਲਵਾਯੂ ਸੁਰੱਖਿਆ ਲਈ ਮਹੱਤਵਪੂਰਨ ਮੰਨੀਆਂ ਜਾਂਦੀਆਂ ਰਿਪੋਰਟਾਂ ਦੀ ਤਿਆਰੀ ਵਿੱਚ ਮੁੱਖ ਭੂਮਿਕਾ ਨਿਭਾਈ। ਐਸਡੀਜੀ-7 ਦਾ ਮੁੱਖ ਉਦੇਸ਼ ਹਰ ਇੱਕ ਲਈ ਸਸਤੀ ਅਤੇ ਸਾਫ਼ ਊਰਜਾ ਦੀ ਪਹੁੰਚ ਯਕੀਨੀ ਬਣਾਉਣਾ, ਨਵਿਆਉਣਯੋਗ ਊਰਜਾ ਸਰੋਤਾਂ ਦੇ ਪ੍ਰਚਾਰ ਨੂੰ ਵਧਾਉਣਾ ਅਤੇ ਊਰਜਾ ਕੁਸ਼ਲਤਾ ਵਿੱਚ ਸੁਧਾਰ ਕਰਨਾ ਹੈ। ਪ੍ਰਸਿੱਧ ਭੂ-ਵਿਗਿਆਨੀ ਸੀਯੂ ਪੰਜਾਬ ਦੇ ਵਾਈਸ-ਚਾਂਸਲਰ, ਪ੍ਰੋ. ਰਾਘਵੇਂਦਰ ਪ੍ਰਸਾਦ ਤਿਵਾਰੀ ਅਤੇ ਸਮੁੰਦਰੀ ਜੀਵ ਵਿਗਿਆਨੀ ਤੇ ਇੰਟਰਨੈਸ਼ਨਲ ਸਾਇੰਸ ਕੌਂਸਲ (ਏਸ਼ੀਆ-ਪੈਸਿਫਿਕ) ਦੇ ਸਲਾਹਕਾਰ ਪ੍ਰੋ. ਫੇਲਿਕਸ ਬਾਸਟ ਦੀ ਇਸ ਗਲੋਬਲ ਕਮੇਟੀ ਵਿੱਚ ਭੂਮਿਕਾ ਸੀ.ਯੂ. ਪੰਜਾਬ ਲਈ ਇੱਕ ਇਤਿਹਾਸਕ ਉਪਲਬਧੀ ਹੈ। ਇੰਟਰਨੈਸ਼ਨਲ ਸਾਇੰਸ ਕੌਂਸਲ – ਏਸ਼ੀਆ-ਪੈਸਿਫਿਕ ਰੀਜ਼ਨਲ ਫੋਕਲ ਪੁਆਇੰਟ ਨੇ ਦੋਵਾਂ ਵਿਗਿਆਨੀਆਂ ਦੇ ਕੀਮਤੀ ਯੋਗਦਾਨ ਦੀ ਖਾਸ ਤੌਰ 'ਤੇ ਸ਼ਲਾਘਾ ਕੀਤੀ। ਇਸ ਰੈਫਰੈਂਸ ਗਰੁੱਪ ਵਿੱਚ ਆਸਟ੍ਰੇਲੀਆ ਦੀਆਂ ਪ੍ਰਮੁੱਖ ਸੰਸਥਾਵਾਂ — ਆਸਟ੍ਰੇਲੀਆਨ ਨੇਸ਼ਨਲ ਯੂਨੀਵਰਸਿਟੀ, ਜੇਮਜ਼ ਕੁੱਕ ਯੂਨੀਵਰਸਿਟੀ, ਆਰਐਮਆਈਟੀ ਯੂਨੀਵਰਸਿਟੀ ਅਤੇ ਕਰਟਿਨ ਯੂਨੀਵਰਸਿਟੀ — ਸਮੇਤ ਕਈ ਦੇਸ਼ਾਂ ਦੇ ਮਾਹਰ ਸ਼ਾਮਲ ਸਨ। ਪ੍ਰੋ. ਫੇਲਿਕਸ ਬਾਸਟ ਦੇ ਪ੍ਰਮੁੱਖ ਯੋਗਦਾਨਾਂ ਵਿੱਚ ਭਾਰਤ ਦੇ ਅੰਟਾਰਕਟਿਕ ਮਿਸ਼ਨ ਵਿੱਚ ਮੁਹਿੰਮ ਵਿਗਿਆਨੀ ਵਜੋਂ ਭਾਗੀਦਾਰੀ, ਰਾਸ਼ਟਰਪਤੀ ਵਲੋਂ ਇੰਸਪਾਇਰਡ ਟੀਚਰ ਐਵਾਰਡ ਅਤੇ ਸਿੱਖਿਆ ਮੰਤਰਾਲੇ ਦਾ ‘ਟੀਚਿੰਗ ਇਨੋਵੇਟਰ ਐਵਾਰਡ’ ਸ਼ਾਮਲ ਹਨ। ਵਾਈਸ-ਚਾਂਸਲਰ ਪ੍ਰੋ. ਰਾਘਵੇਂਦਰ ਪ੍ਰਸਾਦ ਤਿਵਾਰੀ ਦੀ ਅਗਵਾਈ ਹੇਠ ਪੰਜਾਬ ਕੇਂਦਰੀ ਯੂਨੀਵਰਸਿਟੀ ਨੇ ਟਾਈਮਜ਼ ਹਾਇਰ ਐਜੂਕੇਸ਼ਨ ਵਰਲਡ ਯੂਨੀਵਰਸਿਟੀ ਰੈਂਕਿੰਗਜ਼ 2026 ਵਿੱਚ 600–800 ਬੈਂਡ ਵਿੱਚ ਸਥਾਨ ਹਾਸਲ ਕਰਕੇ ਸ਼ਾਨਦਾਰ ਪ੍ਰਾਪਤੀ ਦਰਜ ਕੀਤੀ ਹੈ। ਯੂਨੀਵਰਸਿਟੀ ਨੇ ਖੋਜ ਅਤੇ ਅੰਤਰਰਾਸ਼ਟਰੀ ਸਹਿਯੋਗ ਦੇ ਖੇਤਰ ਵਿੱਚ ਸ਼ਲਾਘਾਯੋਗ ਤਰੱਕੀ ਕੀਤੀ ਹੈ। ਪ੍ਰੋ. ਤਿਵਾਰੀ ਕੁਦਰਤ-ਹਿਤੈਸ਼ੀ ਜੀਵਨਸ਼ੈਲੀ ਅਤੇ ਵਾਤਾਵਰਣ ਸਥਿਰਤਾ ਦੇ ਦ੍ਰਿੜ ਸਮਰਥਕ ਹਨ। ਇਸ ਮਹੱਤਵਪੂਰਨ ਗਲੋਬਲ ਫੋਰਮ ਵਿੱਚ ਯੋਗਦਾਨ ਉੱਤੇ ਆਪਣੇ ਵਿਚਾਰ ਸਾਂਝੇ ਕਰਦਿਆਂ ਪ੍ਰੋ. ਤਿਵਾਰੀ ਨੇ ਕਿਹਾ ਕਿ ਪੰਜਾਬ ਕੇਂਦਰੀ ਯੂਨੀਵਰਸਿਟੀ ਲਈ ਐਸਡੀਜੀ-7 ਵਰਗੇ ਮਹੱਤਵਪੂਰਨ ਵਿਸ਼ਵ ਪੱਧਰੀ ਟੀਚੇ ਲਈ ਰਣਨੀਤਕ ਸਲਾਹ ਦੇਣਾ ਬੜਾ ਮਾਣਯੋਗ ਮੌਕਾ ਹੈ। ਇਹ ਭਾਈਵਾਲੀ ਸਥਿਰ ਭਵਿੱਖ ਲਈ ਵਿਗਿਆਨਿਕ ਹੱਲਾਂ ਨੂੰ ਅੱਗੇ ਵਧਾਉਣ ਦੇ ਸਾਡੇ ਮਿਸ਼ਨ ਨੂੰ ਹੋਰ ਮਜ਼ਬੂਤ ਕਰਦੀ ਹੈ। ਰਾਸ਼ਟਰੀ ਅਤੇ ਗਲੋਬਲ ਰੈਂਕਿੰਗਜ਼ ਵਿੱਚ ਸਾਡੀ ਨਿਰੰਤਰ ਤਰੱਕੀ ਦਰਸਾਉਂਦੀ ਹੈ ਕਿ ਸੀਯੂ ਪੰਜਾਬ ਸਾਫ਼ ਊਰਜਾ ਪਹੁੰਚ ਅਤੇ ਵਾਤਾਵਰਣ ਸੁਰੱਖਿਆ ਲਈ ਬੌਧਿਕ ਅਗਵਾਈ ਕਰਨ ਲਈ ਵਚਨਬੱਧ ਹੈ। ਭਾਰਤ ਦੀ ਵਿਸ਼ਵ ਭੂਮਿਕਾ ਤੇ ਵਿਚਾਰ ਸਾਂਝੇ ਕਰਦਿਆਂ ਪ੍ਰੋ. ਫੇਲਿਕਸ ਬਾਸਟ ਨੇ ਕਿਹਾ ਕਿ ਸਾਡੀ ਸਮੀਖਿਆ ਇਹ ਸਪੱਸ਼ਟ ਕਰਦੀ ਹੈ ਕਿ ਵਿਸ਼ਵਵਿਆਪੀ ਊਰਜਾ ਟੀਚਿਆਂ ਦੀ ਪ੍ਰਾਪਤੀ ਲਈ ਪਰਿਵਰਤਨਸ਼ੀਲ ਨੀਤੀਆਂ ਦੀ ਲੋੜ ਹੈ। ਭਾਰਤ ‘ਲਾਈਫਸਟਾਈਲ ਫਾਰ ਇਨਵਾਇਰਨਮੈਂਟ’ ਅਤੇ ‘ਨੇਸ਼ਨਲ ਸੋਲਰ ਮਿਸ਼ਨ’ ਵਰਗੀਆਂ ਰਣਨੀਤਕ ਪਹਿਲਕਦਮੀਆਂ ਰਾਹੀਂ ਇੱਕ ਮਿਸਾਲ ਪੇਸ਼ ਕਰ ਰਿਹਾ ਹੈ। ਵਿਹਾਰਕ ਤਬਦੀਲੀ ਅਤੇ ਪ੍ਰਣਾਲੀਗਤ ਨਿਵੇਸ਼ ਦਾ ਇਹ ਸੰਤੁਲਨ ਏਸ਼ੀਆ-ਪੈਸਿਫਿਕ ਖੇਤਰ ਵਿੱਚ ਐਸਡੀਜੀ-7 ਪ੍ਰਾਪਤੀ ਲਈ ਨਿਰਣਾਇਕ ਸਾਬਤ ਹੋ ਰਿਹਾ ਹੈ। ਯੂਐਨ ਈਐਸਸੀਏਪੀ ਗੋਲ ਪ੍ਰੋਫਾਈਲ ਰਿਵਿਊ ਦੇ ਜਮ੍ਹਾਂ ਹੋਣ ਦੇ ਨਾਲ ਸੰਯੁਕਤ ਰਾਸ਼ਟਰ ਦੇ ਹਾਈ-ਲੈਵਲ ਪਾਲੀਟਿਕਲ ਫੋਰਮ (ਐਚਐਲਪੀਐਫ) ਲਈ ਤਿਆਰੀਆਂ ਸ਼ੁਰੂ ਹੋ ਗਈਆਂ ਹਨ। ਸੀਯੂ ਪੰਜਾਬ ਖੋਜ-ਅਧਾਰਿਤ ਨੀਤੀ ਨਿਰਮਾਣ, ਗਲੋਬਲ ਜਲਵਾਯੂ ਕਾਰਵਾਈ ਅਤੇ ਟਿਕਾਊ ਵਿਕਾਸ ਲਈ ਵਚਨਬੱਧ ਹੈ।
Comments
Post a Comment