ਪੰਜਾਬ ਵਿੱਚ ਕਾਨੂੰਨ ਵਿਵਸਥਾ ਦੀ ਹਾਲਤ ਬਦ ਤੋ ਬਦਤਰ : ਡਾ. ਸੁਭਾਸ਼ ਸ਼ਰਮਾ ਲਗਾਤਾਰ ਵਧ ਰਹੀਆਂ ਅਪਰਾਧਿਕ ਘਟਨਾਵਾਂ ਕਾਰਨ ਵਪਾਰੀ ਤੇ ਕਾਰੋਬਾਰੀ ਪਲਾਇਨ ਕਰਨ ਲਈ ਮਜਬੂਰ ਐਸ.ਏ.ਐਸ.ਨਗਰ 30 ਜਨਵਰੀ ( ਰਣਜੀਤ ਧਾਲੀਵਾਲ ) : ਪੰਜਾਬ ਭਾਜਪਾ ਦੇ ਉਪ ਪ੍ਰਧਾਨ ਡਾ. ਸੁਭਾਸ਼ ਸ਼ਰਮਾ ਨੇ ਇੱਕ ਪੱਤਰਕਾਰ ਵਾਰਤਾ ਦੌਰਾਨ ਸੂਬੇ ਦੀ ਕਾਨੂੰਨ ਵਿਵਸਥਾ ‘ਤੇ ਗੰਭੀਰ ਚਿੰਤਾ ਜਤਾਉਂਦਿਆਂ ਕਿਹਾ ਕਿ ਪੰਜਾਬ ਦੇ ਹਾਲਾਤ ਇਸ ਕਦਰ ਬਿਗੜ ਚੁੱਕੇ ਹਨ ਕਿ ਇਹ ਕਹਿਣਾ ਗਲਤ ਨਹੀਂ ਹੋਵੇਗਾ ਕਿ ਕਾਨੂੰਨ ਵਿਵਸਥਾ ਦਾ ਜਨਾਜ਼ਾ ਨਿਕਲ ਚੁੱਕਾ ਹੈ। ਉਨ੍ਹਾਂ ਕਿਹਾ ਕਿ ਸੂਬੇ ਵਿੱਚ ਰੋਜ਼ਾਨਾ ਕਤਲ, ਲੁੱਟ, ਛੀਨਾ-ਝਪਟੀ ਅਤੇ ਫਾਇਰਿੰਗ ਵਰਗੀਆਂ ਘਟਨਾਵਾਂ ਸਾਹਮਣੇ ਆ ਰਹੀਆਂ ਹਨ, ਜਿਸ ਕਾਰਨ ਆਮ ਲੋਕਾਂ ਵਿੱਚ ਡਰ ਦਾ ਮਾਹੌਲ ਬਣਿਆ ਹੋਇਆ ਹੈ। ਡਾ. ਸ਼ਰਮਾ ਨੇ ਕਿਹਾ ਕਿ ਦੋ ਦਿਨ ਪਹਿਲਾਂ ਮੋਹਾਲੀ ਵਿੱਚ ਐਸਐਸਪੀ ਦਫ਼ਤਰ ਦੇ ਬਾਹਰ ਦਿਨ ਦਿਹਾੜੇ ਇੱਕ ਨੌਜਵਾਨ ਦੀ ਹੱਤਿਆ ਹੋਣਾ ਇਸ ਗੱਲ ਦਾ ਸਪੱਸ਼ਟ ਸਬੂਤ ਹੈ ਕਿ ਅਪਰਾਧੀਆਂ ਦੇ ਹੌਂਸਲੇ ਬੁਲੰਦ ਹਨ , ਸਰਕਾਰ ਤੇ ਪ੍ਰਸ਼ਾਸਨ ਦਾ ਡਰ ਪੂਰੀ ਤਰ੍ਹਾਂ ਖਤਮ ਹੋ ਚੁੱਕਾ ਹੈ। ਪਿਛਲੇ ਇੱਕ ਮਹੀਨੇ ਦੌਰਾਨ ਹੋਈਆਂ ਕਈ ਭਿਆਨਕ ਘਟਨਾਵਾਂ ਨੇ ਪੂਰੇ ਪੰਜਾਬ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ। ਰਾਣਾ ਬਲਾਚੌਰਿਆ ਹੱਤਿਆਕਾਂਡ ਸਮੇਤ ਲੁਧਿਆਣਾ ਅਤੇ ਅੰਮ੍ਰਿਤਸਰ ਵਿੱਚ ਵਿਆਹ ਸਮਾਗਮਾਂ ਦੌਰਾਨ ਹੋਈਆਂ ਅਪਰਾਧਿਕ ਵਾਰਦਾਤਾਂ ਤੋਂ ਇਹ ਸਾਫ਼ ਹੈ ਕਿ ਗੈਂਗਸਟਰ ਬੇਖੌਫ਼ ਹੋ ਕੇ ਖੁੱਲ੍...
ਗੈਰ-ਕਾਨੂੰਨੀ ਧਰਮ ਪਰਿਵਰਤਨ ਦੇ ਖ਼ਿਲਾਫ਼ ਪੰਜਾਬ ਬਚਾਓ ਮੋਰਚੇ ਦੀ ਲੜਾਈ ਨੂੰ ਮਿਲੀਆ ਭਗਤ ਸਿੰਘ ਦੋਆਬੀ ਦਾ ਸਾਥ
ਚੰਡੀਗੜ੍ਹ 18 ਨਵੰਬਰ ( ਰਣਜੀਤ ਧਾਲੀਵਾਲ ) : ਮਿਸਲ ਸ਼ਹੀਦਾ ਤਰਨ ਦਲ ਦੇ ਚੇਅਰਮੈਨ ਸਰਦਾਰ ਭਗਤ ਸਿੰਘ ਦੋਆਬੀ ਨੇ ਚੰਡੀਗੜ੍ਹ ਪ੍ਰੈਸ ਕਲੱਬ ਵਿੱਚ ਹੋਈ ਪ੍ਰੈਸ ਕਾਨਫਰੰਸ ਵਿੱਚ ਪੰਜਾਬ ਬਚਾਓ ਮੋਰਚਾ ਅਤੇ ਇਸ ਦੇ ਪ੍ਰਧਾਨ ਤੇਜਸਵੀ ਮਿੰਹਾਸ ਨੂੰ ਪੂਰਾ ਸਮਰਥਨ ਦੇਣ ਦੀ ਘੋਸ਼ਣਾ ਕੀਤੀ। ਦੋਆਬੀ ਨੇ ਕਿਹਾ ਕਿ ਮੋਰਚਾ ਪੰਜਾਬ ਵਿੱਚ ਤੇਜ਼ੀ ਨਾਲ ਵੱਧ ਰਹੇ ਗੈਰ-ਕਾਨੂੰਨੀ ਧਰਮ-ਪਰਿਵਰਤਨ ਦੇ ਗੰਭੀਰ ਮਾਮਲੇ ਨੂੰ ਬੇਝਿਝਕ ਉਠਾ ਕੇ ਸਮਾਜ ਅਤੇ ਪ੍ਰਸ਼ਾਸਨ ਨੂੰ ਸੱਚਾਈ ਨਾਲ ਰੁ-ਬ-ਰੁ ਕਰਵਾ ਰਿਹਾ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਕਥਿਤ ‘ਪਾਦਰੀ’ ਜਾਦੂ, ਚਮਤਕਾਰ, ਧੋਖੇ ਅਤੇ ਲਾਲਚ ਦੇ ਸਹਾਰੇ ਭੋਲੇ ਲੋਕਾਂ ਨੂੰ ਭਰਮਿਤ ਕਰ ਰਹੇ ਹਨ, ਜਦਕਿ ਮੋਰਚੇ ਦੀਆਂ ਬਿਆਨਬਾਜ਼ੀਆਂ ਅਤੇ ਪ੍ਰੈਸ ਕਾਨਫਰੰਸਾਂ ਪੂਰੀ ਤਰ੍ਹਾਂ ਪੰਜਾਬ ਦੀ ਜ਼ਮੀਨੀ ਹਕੀਕਤਾਂ ‘ਤੇ ਆਧਾਰਿਤ ਹਨ। ਦੋਆਬੀ ਨੇ ਦੋਸ਼ ਲਗਾਇਆ ਕਿ ਬਜਿੰਦਰ ਸਿੰਘ ਵਰਗੇ ਲੋਕ ਦੁਰਵਿਵਹਾਰ ਦੇ ਦੋਸ਼ੀ ਹਨ ਅਤੇ ਉਹਨਾਂ ਨੂੰ ‘ਪਾਦਰੀ’ ਕਹਿਣਾ ਖ਼ੁਦ ਇਸ ਸ਼ਬਦ ਦੀ ਬੇਅਦਬੀ ਹੈ। ਉਹਨਾਂ ਨੇ ਇਹ ਵੀ ਕਿਹਾ ਕਿ ਅੰਕੁਰ ਨਰੂਲਾ ਨੇ ਬਾਈਬਲ ‘ਤੇ ਕੇਕ ਕੱਟ ਕੇ ਬੇਅਦਬੀ ਕੀਤੀ ਸੀ ਅਤੇ ਉਹ ਵੀ ਜਲਦੀ ਕਾਨੂੰਨ ਦੀ ਪਕੜ ਵਿੱਚ ਆਵੇਗਾ। ਦੋਆਬੀ ਨੇ ਕਿਹਾ ਕਿ ਇਹ ਸਭ ‘ਫ਼ਰਜ਼ੀ ਪਾਸਟਰ’ ਬਿਨਾਂ ਕਿਸੇ ਤਾਲੀਮ, ਸਰਟੀਫਿਕੇਸ਼ਨ ਜਾਂ ਨਿਯਮ ਦੇ ਕੰਮ ਕਰ ਰਹੇ ਹਨ ਅਤੇ ਧਾਰਮਿਕ ਢਾਂਚੇ ਨੂੰ ਆਪਣੇ ਵਪਾਰਕ ਫ਼ਾਇਦੇ ਲਈ ਵਰਤ ਰਹੇ ਹਨ। ਉਹਨਾਂ ਨੇ ਇਹ ਵੀ ਸਾਫ਼ ਕੀਤਾ ਕਿ ਇਸਾਈ ਧਰਮ ਕਦੇ ਵੀ ‘ਤੁਰੰਤ ਚਮਤਕਾਰੀ ਇਲਾਜ’ ਦਾ ਸਮਰਥਨ ਨਹੀਂ ਕਰਦਾ, ਪਰ ਇਹ ਡੇਰੇ ਬੀਮਾਰ ਅਤੇ ਸਾਦੇ ਲੋਕਾਂ ਤੋਂ ਪੈਸਾ ਠੱਗਣ ਲਈ ਐਹੋ ਜਿਹੇ ਝੂਠੇ ਦਾਵੇ ਕਰ ਰਹੇ ਹਨ। ਉਨ੍ਹਾਂ ਨੇ ਪੰਜਾਬ ਬਚਾਓ ਮੋਰਚਾ ਦੀਆਂ ਮੁੱਖ ਮੰਗਾਂ ਨੂੰ ਵੀ ਦੁਹਰਾਇਆ—ਜਿਨ੍ਹਾਂ ਵਿੱਚ ਪੰਜਾਬ ਵਿੱਚ ਐਂਟੀ-ਕਨਵਰਜ਼ਨ ਬਿੱਲ, ਧਾਰਮਿਕ ਜਨਗਣਨਾ, ਧਰਮ-ਪਰਿਵਰਤਨ ਕਰਨ ਵਾਲਿਆਂ ਲਈ ਰਿਜ਼ਰਵੇਸ਼ਨ ਬੰਦ, ਪਰਿਵਰਤਨ ਤੋਂ ਬਾਅਦ ‘ਸਿੰਘ’, ‘ਕੌਰ’, ਸਿੱਖ ਸਵਰੂਪ ਤੇ ਨਿਸ਼ਾਨਿਆਂ ਦੇ ਇਸਤੇਮਾਲ ‘ਤੇ ਰੋਕ, ਚਮਤਕਾਰੀ ਇਲਾਜ ਦੇ ਝੂਠੇ ਪਰਚਾਰ ‘ਤੇ ਪਾਬੰਦੀ, ਹੁਣ ਤੱਕ ਹੋਏ ਫ਼ਰਜ਼ੀ ‘ਮੈਡਿਕਲ ਚਮਤਕਾਰਾਂ’ ਦੀ ਜਾਂਚ, ਵਿਦੇਸ਼ੀ ਏਜੰਸੀਆਂ ਦੀ ਭੂਮਿਕਾ ‘ਤੇ ਰਾਅ/ਸੀਬੀਆਈ ਜਾਂਚ, ਪੰਜਾਬ ਵਿੱਚ ਇਸਾਈਆਂ ਨੂੰ ਅਲਪਸੰਖਿਆਕ ਦਾ ਦਰਜਾ ਹਟਾਉਣ, ਅਤੇ ਐਹੋ ਜਿਹੇ ਡੇਰਿਆਂ ਨੂੰ ਪ੍ਰੋਤਸਾਹਿਤ ਕਰਨ ਵਾਲੇ ਨੇਤਾਵਾਂ ਦਾ ਸਰਵਜਨਿਕ ਬਿਹਿਸਕਾਰ ਸ਼ਾਮਲ ਹਨ। ਪ੍ਰੈਸ ਕਾਨਫਰੰਸ ਦੇ ਅੰਤ ‘ਤੇ ਦੋਆਬੀ ਨੇ ਕਿਹਾ ਕਿ ਪੰਜਾਬ ਬਚਾਓ ਮੋਰਚੇ ਦੀ ਇਹ ਮੁਹਿੰਮ ਨਾ ਸਿਰਫ਼ ਸਮੇਂ ਦੀ ਲੋੜ ਹੈ, ਸਗੋਂ ਸਮਾਜ ਨੂੰ ਅੰਧਵਿਸ਼ਵਾਸ, ਪਖੰਡ ਤੇ ਧੋਖਾਧੜੀ ਤੋਂ ਮੁਕਤ ਕਰਨ ਵੱਲ ਇੱਕ ਮਹੱਤਵਪੂਰਨ ਕਦਮ ਵੀ ਹੈ। ਉਹਨਾਂ ਨੇ ਸਾਰੇ ਜਾਗਰੂਕ ਨਾਗਰਿਕਾਂ ਨੂੰ ਅਪੀਲ ਕੀਤੀ ਕਿ ਉਹ PBM ਦਾ ਸਾਥ ਦੇ ਕੇ ਇਸ ਸਮਾਜਕ ਜੰਗ ਨੂੰ ਹੋਰ ਮਜ਼ਬੂਤ ਬਣਾਉਣ।
Comments
Post a Comment