ਪੰਜਾਬ ਵਿੱਚ ਕਾਨੂੰਨ ਵਿਵਸਥਾ ਦੀ ਹਾਲਤ ਬਦ ਤੋ ਬਦਤਰ : ਡਾ. ਸੁਭਾਸ਼ ਸ਼ਰਮਾ ਲਗਾਤਾਰ ਵਧ ਰਹੀਆਂ ਅਪਰਾਧਿਕ ਘਟਨਾਵਾਂ ਕਾਰਨ ਵਪਾਰੀ ਤੇ ਕਾਰੋਬਾਰੀ ਪਲਾਇਨ ਕਰਨ ਲਈ ਮਜਬੂਰ ਐਸ.ਏ.ਐਸ.ਨਗਰ 30 ਜਨਵਰੀ ( ਰਣਜੀਤ ਧਾਲੀਵਾਲ ) : ਪੰਜਾਬ ਭਾਜਪਾ ਦੇ ਉਪ ਪ੍ਰਧਾਨ ਡਾ. ਸੁਭਾਸ਼ ਸ਼ਰਮਾ ਨੇ ਇੱਕ ਪੱਤਰਕਾਰ ਵਾਰਤਾ ਦੌਰਾਨ ਸੂਬੇ ਦੀ ਕਾਨੂੰਨ ਵਿਵਸਥਾ ‘ਤੇ ਗੰਭੀਰ ਚਿੰਤਾ ਜਤਾਉਂਦਿਆਂ ਕਿਹਾ ਕਿ ਪੰਜਾਬ ਦੇ ਹਾਲਾਤ ਇਸ ਕਦਰ ਬਿਗੜ ਚੁੱਕੇ ਹਨ ਕਿ ਇਹ ਕਹਿਣਾ ਗਲਤ ਨਹੀਂ ਹੋਵੇਗਾ ਕਿ ਕਾਨੂੰਨ ਵਿਵਸਥਾ ਦਾ ਜਨਾਜ਼ਾ ਨਿਕਲ ਚੁੱਕਾ ਹੈ। ਉਨ੍ਹਾਂ ਕਿਹਾ ਕਿ ਸੂਬੇ ਵਿੱਚ ਰੋਜ਼ਾਨਾ ਕਤਲ, ਲੁੱਟ, ਛੀਨਾ-ਝਪਟੀ ਅਤੇ ਫਾਇਰਿੰਗ ਵਰਗੀਆਂ ਘਟਨਾਵਾਂ ਸਾਹਮਣੇ ਆ ਰਹੀਆਂ ਹਨ, ਜਿਸ ਕਾਰਨ ਆਮ ਲੋਕਾਂ ਵਿੱਚ ਡਰ ਦਾ ਮਾਹੌਲ ਬਣਿਆ ਹੋਇਆ ਹੈ। ਡਾ. ਸ਼ਰਮਾ ਨੇ ਕਿਹਾ ਕਿ ਦੋ ਦਿਨ ਪਹਿਲਾਂ ਮੋਹਾਲੀ ਵਿੱਚ ਐਸਐਸਪੀ ਦਫ਼ਤਰ ਦੇ ਬਾਹਰ ਦਿਨ ਦਿਹਾੜੇ ਇੱਕ ਨੌਜਵਾਨ ਦੀ ਹੱਤਿਆ ਹੋਣਾ ਇਸ ਗੱਲ ਦਾ ਸਪੱਸ਼ਟ ਸਬੂਤ ਹੈ ਕਿ ਅਪਰਾਧੀਆਂ ਦੇ ਹੌਂਸਲੇ ਬੁਲੰਦ ਹਨ , ਸਰਕਾਰ ਤੇ ਪ੍ਰਸ਼ਾਸਨ ਦਾ ਡਰ ਪੂਰੀ ਤਰ੍ਹਾਂ ਖਤਮ ਹੋ ਚੁੱਕਾ ਹੈ। ਪਿਛਲੇ ਇੱਕ ਮਹੀਨੇ ਦੌਰਾਨ ਹੋਈਆਂ ਕਈ ਭਿਆਨਕ ਘਟਨਾਵਾਂ ਨੇ ਪੂਰੇ ਪੰਜਾਬ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ। ਰਾਣਾ ਬਲਾਚੌਰਿਆ ਹੱਤਿਆਕਾਂਡ ਸਮੇਤ ਲੁਧਿਆਣਾ ਅਤੇ ਅੰਮ੍ਰਿਤਸਰ ਵਿੱਚ ਵਿਆਹ ਸਮਾਗਮਾਂ ਦੌਰਾਨ ਹੋਈਆਂ ਅਪਰਾਧਿਕ ਵਾਰਦਾਤਾਂ ਤੋਂ ਇਹ ਸਾਫ਼ ਹੈ ਕਿ ਗੈਂਗਸਟਰ ਬੇਖੌਫ਼ ਹੋ ਕੇ ਖੁੱਲ੍...
ਭਗਤੀ ਦੀ ਸੁਗੰਧ ਨਾਲ ਮਹਿਕਿਆ ਮਹਾਰਾਸ਼ਟਰ ਦਾ 59ਵਾਂ ਨਿਰੰਕਾਰੀ ਸੰਤ ਸਮਾਗਮ
ਲੱਖਾਂ ਦੀ ਭੀੜ ਨੇ ਲਿਆ ਅਧਿਆਤਮਿਕ ਰਸ
ਚੰਡੀਗੜ੍ਹ/ਪੰਚਕੂਲਾ/ਮੋਹਾਲੀ/ਸਾਂਗਲੀ 26 ਜਨਵਰੀ ( ਰਣਜੀਤ ਧਾਲੀਵਾਲ ) : ਮਹਾਰਾਸ਼ਟਰ ਦੇ ਸਾਂਗਲੀ ਵਿਖੇ ਆਯੋਜਿਤ 59ਵੇਂ ਨਿਰੰਕਾਰੀ ਸੰਤ ਸਮਾਗਮ ਨੇ ਭਗਤੀ, ਸੇਵਾ ਅਤੇ ਆਤਮ-ਚਿੰਤਨ ਦੀ ਅਲੌਕਿਕ ਛਾਪ ਛੱਡੀ। ਈਸ਼ਵਰਪੁਰ ਰੋਡ ‘ਤੇ ਲਗਭਗ 350 ਏਕੜ ਦੇ ਵਿਸ਼ਾਲ ਮੈਦਾਨ ਵਿੱਚ ਤਿੰਨ ਦਿਨਾਂ ਤੱਕ ਚੱਲੇ ਇਸ ਮਹਾਂ ਸਮਾਗਮ ਵਿੱਚ ਮਹਾਰਾਸ਼ਟਰ ਸਮੇਤ ਦੇਸ਼ ਦੇ ਵੱਖ-ਵੱਖ ਰਾਜਾਂ ਤੋਂ ਲੱਖਾਂ ਦੀ ਗਿਣਤੀ ਵਿੱਚ ਸ਼ਰਧਾਲੂ ਭਗਤ ਅਤੇ ਪ੍ਰਭੂ-ਪ੍ਰੇਮੀ ਸ਼ਾਮਲ ਹੋਏ। ਚੰਡੀਗੜ੍ਹ, ਮੋਹਾਲੀ ਅਤੇ ਪੰਚਕੂਲਾ ਤੋਂ ਵੀ ਸੈਂਕੜੇ ਭਗਤ ਇਸ ਆਤਮਿਕ ਸਮਾਗਮ ਦਾ ਹਿੱਸਾ ਬਣੇ।
ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਨਿਰੰਕਾਰੀ ਸਤਿਗੁਰੂ ਮਾਤਾ ਸੁਦੀਕਸ਼ਾ ਜੀ ਮਹਾਰਾਜ ਨੇ ਫਰਮਾਇਆ ਕਿ ਪਰਮਾਤਮਾ ਸਰਵਵਿਆਪੀ ਹੈ ਅਤੇ ਉਸਨੂੰ ਪ੍ਰਤੱਖ ਜਾਣ ਕੇ ਹਰ ਪਲ ਉਸਦੇ ਅਹਿਸਾਸ ਵਿੱਚ ਜੀਊਣਾ ਹੀ ਆਤਮ-ਮੰਥਨ ਦੀ ਦਿਵ੍ਯ ਯਾਤਰਾ ਦਾ ਮਾਰਗ ਹੈ। ਉਨ੍ਹਾਂ ਕਿਹਾ ਕਿ ਸੱਚੀ ਭਕਤੀ ਆਪਣੇ ਆਪ ਨੂੰ ਸੰਵਾਰਨ, ਮਨ ਨੂੰ ਨਿਰਮਲ ਬਣਾਉਣ ਅਤੇ ਮਨੁੱਖਤਾ ਦੇ ਰਾਹ ‘ਤੇ ਚੱਲਣ ਦਾ ਨਾਮ ਹੈ।
ਸਤਿਗੁਰੂ ਮਾਤਾ ਜੀ ਨੇ ਜ਼ੋਰ ਦੇ ਕੇ ਕਿਹਾ ਕਿ ਬ੍ਰਹਮ ਗਿਆਨ ਦੇ ਪ੍ਰਕਾਸ਼ ਨਾਲ ਮਨੁੱਖ ਦੇ ਅੰਦਰ ਦਇਆ, ਕਰੁਣਾ ਅਤੇ ਸੇਵਾ ਦਾ ਭਾਵ ਜਨਮ ਲੈਂਦਾ ਹੈ। ਅਜਿਹਾ ਭਗਤ ਨਾ ਕੇਵਲ ਆਪਣੇ ਜੀਵਨ ਨੂੰ ਸੰਵਾਰਦਾ ਹੈ, ਸਗੋਂ ਹੋਰਾਂ ਦੇ ਜੀਵਨ ਵਿੱਚ ਵੀ ਗਿਆਨ ਦੀ ਰੋਸ਼ਨੀ ਫੈਲਾਉਂਦਾ ਹੈ। ਉਨ੍ਹਾਂ ਨੇ ਆਤਮਿਕ ਸ਼ੁੱਧਤਾ ਦੇ ਨਾਲ ਨਾਲ ਪਰਿਆਵਰਨ ਸੁਰੱਖਿਆ ਦੀ ਜ਼ਿੰਮੇਵਾਰੀ ਨਿਭਾਉਣ ਦਾ ਵੀ ਆਹਵਾਨ ਕੀਤਾ।ਸਮਾਗਮ ਦੌਰਾਨ ਦੇਸ਼-ਵਿਦੇਸ਼ ਤੋਂ ਆਏ ਵਕਤਾਵਾਂ ਨੇ ਵੱਖ-ਵੱਖ ਭਾਸ਼ਾਵਾਂ ਵਿੱਚ ਭਗਤੀਮਈ ਵਿਚਾਰ, ਕਵਿਤਾਵਾਂ ਅਤੇ ਪ੍ਰਸਤੁਤੀਆਂ ਰਾਹੀਂ ਸੰਦੇਸ਼ ਦਿੱਤਾ। ਸਮਾਗਮ ਕਮੇਟੀ ਦੇ ਸਮਨਵਯਕ ਨੰਦਕੁਮਾਰ ਝਾਂਬਰੇ ਨੇ ਆਯੋਜਨ ਦੇ ਉਦੇਸ਼ਾਂ ‘ਤੇ ਪ੍ਰਕਾਸ਼ ਪਾਇਆ। ਸੇਵਾਦਲ ਰੈਲੀ ਰਹੀ ਖ਼ਾਸ ਆਕਰਸ਼ਣ
ਦੂਜੇ ਦਿਨ ਸੇਵਾਦਲ ਦੀ ਭਵਿਆ ਅਤੇ ਅਨੁਸ਼ਾਸਿਤ ਰੈਲੀ ਨੇ ਦਰਸ਼ਕਾਂ ਦਾ ਮਨ ਮੋਹ ਲਿਆ। ਸਤਿਗੁਰੂ ਮਾਤਾ ਸੁਦੀਕਸ਼ਾ ਜੀ ਮਹਾਰਾਜ ਅਤੇ ਨਿਰੰਕਾਰੀ ਰਾਜਪਿਤਾ ਜੀ ਦੇ ਆਗਮਨ ‘ਤੇ ਸ਼ਵੈਤ ਧਵਜ ਲਹਿਰਾਇਆ ਗਿਆ। ਰੈਲੀ ਵਿੱਚ ਪੀ.ਟੀ. ਪਰੇਡ, ਯੋਗ, ਮਨੁੱਖੀ ਪਿਰਾਮਿਡ, ਮੱਲਖੰਭ ਅਤੇ ਹੋਰ ਸਾਹਸੀ ਪ੍ਰਸਤੁਤੀਆਂ ਨੇ ਖੂਬ ਤਾਲੀਆਂ ਬਟੋਰੀਆਂ।ਸਮਾਗਮ ਦੇ ਪਹਿਲੇ ਦਿਨ ‘ਆਤਮ ਮੰਥਨ’ ਸਮਾਗਮ ਵਿਸ਼ੇਸ਼ਾਂਕ ਸਮੇਤ ‘ਗੁਰਦੇਵ ਹਰਦੇਵ’ ਪੁਸਤਕ ਦੇ ਸੰਸ਼ੋਧਿਤ ਸੰਸਕਰਨ ਅਤੇ ਮਿਸ਼ਨ ਦੀਆਂ ਹੋਰ ਕਈ ਪੁਸਤਕਾਂ ਦਾ ਵਿਮੋਚਨ ਕੀਤਾ ਗਿਆ।
ਲੰਗਰ ਅਤੇ ਕੈਂਟੀਨ ਪ੍ਰਬੰਧ : ਲੱਖਾਂ ਸ਼ਰਧਾਲੂਆਂ ਲਈ ਤਿੰਨ ਥਾਵਾਂ ‘ਤੇ ਵਿਸ਼ਾਲ ਲੰਗਰ ਦੀ ਵਿਵਸਥਾ ਕੀਤੀ ਗਈ, ਜਿੱਥੇ ਇੱਕ ਸਮੇਂ ਲਗਭਗ 10 ਹਜ਼ਾਰ ਭਗਤ ਭੋਜਨ ਪ੍ਰਾਪਤ ਕਰ ਸਕਦੇ ਹਨ। ਨਾਲ ਹੀ ਰਿਆਇਤੀ ਦਰਾਂ ‘ਤੇ ਚਾਹ-ਕੌਫੀ ਅਤੇ ਅਲਪਾਹਾਰ ਲਈ ਕੈਂਟੀਨਾਂ ਦੀ ਵੀ ਸੁਚੱਜੀ ਵਿਵਸਥਾ ਰਹੀ। 59ਵਾਂ ਨਿਰੰਕਾਰੀ ਸੰਤ ਸਮਾਗਮ ਭਗਤੀ, ਸੇਵਾ ਅਤੇ ਮਨੁੱਖਤਾ ਦਾ ਅਦਭੁੱਤ ਸੰਗਮ ਬਣ ਕੇ ਯਾਦਗਾਰ ਰਹਿਆ।
Comments
Post a Comment