ਨਿਊ ਚੰਡੀਗੜ੍ਹ 'ਸਪਲੈਸ਼ ਐਂਡ ਪਲੇ' ਵਿੱਚ 1500 ਤੋਂ ਵੱਧ ਪਰਿਵਾਰਾਂ ਦੀ ਭੀੜ

ਨਿਊ ਚੰਡੀਗੜ੍ਹ 'ਸਪਲੈਸ਼ ਐਂਡ ਪਲੇ' ਵਿੱਚ 1500 ਤੋਂ ਵੱਧ ਪਰਿਵਾਰਾਂ ਦੀ ਭੀੜ

'ਸਪਲੈਸ਼ ਐਂਡ ਪਲੇ' ਵਿੱਚ ਪਰਿਵਾਰਾਂ ਨੇ ਮਨਾਇਆ ਖੁਸ਼ੀ ਦਾ ਜਸ਼ਨ

ਨਿਊ ਚੰਡੀਗੜ੍ਹ 29 ਅਪ੍ਰੈਲ ( ਰਣਜੀਤ ਧਾਲੀਵਾਲ ) : ਓਮੈਕਸ ਗਰੁੱਪ ਨੇ ਆਪਣੇ ਨਿਊ ਚੰਡੀਗੜ੍ਹ ਟਾਊਨਸ਼ਿਪ ਵਿੱਚ ਦੋ ਦਿਨਾਂ ਦੇ ਵਿਸ਼ੇਸ਼ ਵਾਟਰ ਕਾਰਨੀਵਲ 'ਸਪਲੈਸ਼ ਐਂਡ ਪਲੇ' ਦਾ ਆਯੋਜਨ ਕੀਤਾ, ਜਿਸ ਵਿੱਚ 1500 ਤੋਂ ਵੱਧ ਪਰਿਵਾਰਾਂ ਨੇ ਭਾਗ ਲਿਆ। ਦੋ ਦਿਨ ਤੱਕ ਚੱਲੇ ਇਸ ਸਮਾਰੋਹ ਵਿੱਚ ਬੱਚਿਆਂ ਤੋਂ ਲੈ ਕੇ ਵੱਡਿਆਂ ਤੱਕ ਸਭ ਨੇ ਪਾਣੀ ਨਾਲ ਜੁੜੀਆਂ ਰੋਮਾਂਚਕ ਖੇਡਾਂ ਅਤੇ ਰੰਗੀਨ ਗਤਿਵਿਧੀਆਂ ਦਾ ਪੂਰਾ ਆਨੰਦ ਮਾਣਿਆ।  

ਜਿਵੇਂ ਹੀ ਕਾਰਜਕ੍ਰਮ ਦੀ ਸ਼ੁਰੂਆਤ ਹੋਈ, ਬੱਚਿਆਂ ਦੀਆਂ ਖਿਲਖਿਲਾਹਟਾਂ ਅਤੇ ਮਸਤੀ ਨਾਲ ਪੂਰਾ ਮਾਹੌਲ ਗੂੰਜ ਉਠਿਆ। ਵੱਡੇ ਬੱਚੇ ਵਾਟਰ ਟ੍ਰੈਂਪੋਲੀਨ 'ਤੇ ਛਲਾਂਗਾਂ ਲਗਾਉਂਦੇ ਦਿੱਖੇ, ਤਾਂ ਛੋਟੇ ਬੱਚੇ ਕਿਡਜ਼ ਸਪਲੈਸ਼ ਪੂਲ ਵਿੱਚ ਪਾਣੀ ਦੀ ਠੰਢਕ ਦਾ ਆਨੰਦ ਲੈਂਦੇ ਵੇਖੇ ਗਏ। ਹਰ ਉਮਰ ਦੇ ਲੋਕਾਂ ਨੇ ਫੋਮ ਪਾਰਟੀ ਵਿੱਚ ਵੀ ਖੂਬ ਮਸਤੀ ਕੀਤੀ। ਤੈਰਨ ਦੇ ਸ਼ੌਕੀਨਾਂ ਲਈ 'ਸਵਿਮੀ' ਪੂਲ ਖਾਸ ਆਕਰਸ਼ਣ ਦਾ ਕੇਂਦਰ ਬਣਿਆ। ਬੱਚਿਆਂ ਲਈ ਖਾਸ ਤੌਰ 'ਤੇ ਫੇਸ ਪੇਂਟਿੰਗ ਦਾ ਆਯੋਜਨ ਕੀਤਾ ਗਿਆ, ਜਿੱਥੇ ਉਹਨਾਂ ਨੂੰ ਸੁਪਰਹੀਰੋਜ਼ ਅਤੇ ਜਲਪਰੀਆਂ ਦਾ ਰੂਪ ਦਿੱਤਾ ਗਿਆ। ਇਸ ਦੇ ਨਾਲ-ਨਾਲ, ਡਾਰਟ-ਬਾਲ ਗੇਮ ਅਤੇ 'ਪੌਪ ਸਟੋਰੀਜ਼' ਕਾਰਨਰ ਵਿੱਚ ਪਾਣੀ ਦੀ ਦੁਨੀਆਂ ਨਾਲ ਜੁੜੀਆਂ ਕਹਾਣੀਆਂ ਵੀ ਸੁਣਾਈਆਂ ਗਈਆਂ, ਜਿਨ੍ਹਾਂ ਨੇ ਬੱਚਿਆਂ ਅਤੇ ਪਰਿਵਾਰਾਂ ਦਾ ਦਿਲ ਜਿੱਤ ਲਿਆ। 

ਓਮੈਕਸ ਲਿਮਿਟਡ ਦੇ ਐਗਜ਼ੀਕਿਊਟਿਵ ਡਾਇਰੈਕਟਰ ਜਤਿਨ ਗੋਯਲ ਨੇ ਕਿਹਾ ਕਿ 1500 ਤੋਂ ਵੱਧ ਪਰਿਵਾਰਾਂ ਨੂੰ ਇਕੱਠੇ ਹੱਸਦੇ-ਖੇਡਦੇ ਦੇਖਣਾ ਇਹ ਸਾਬਤ ਕਰਦਾ ਹੈ ਕਿ ਓਮੈਕਸ ਸਿਰਫ ਘਰ ਨਹੀਂ, ਸਗੋਂ ਖੁਸ਼ਹਾਲ ਸਮਾਜ ਬਣਾਉਣ ਵਿੱਚ ਵਿਸ਼ਵਾਸ ਕਰਦਾ ਹੈ। 'ਸਪਲੈਸ਼ ਐਂਡ ਪਲੇ' ਵੀ ਇਸੀ ਸੋਚ ਦਾ ਹਿੱਸਾ ਹੈ। ਨਿਊ ਚੰਡੀਗੜ੍ਹ ਵਿੱਚ 1000 ਏਕੜ ਵਿੱਚ ਫੈਲੇ ਸਾਡੇ ਟਾਊਨਸ਼ਿਪ ਵਿੱਚ ਅੱਜ 5000 ਤੋਂ ਵੱਧ ਪਰਿਵਾਰ ਵੱਸ ਰਹੇ ਹਨ। ਆਉਣ ਵਾਲੇ ਸਮੇਂ ਵਿੱਚ ਅਸੀਂ ਇਨ੍ਹਾਂ ਵਰਗੇ ਸਮਾਰੋਹ ਕਰਦੇ ਰਹਾਂਗੇ, ਜੋ ਪੜੋਸੀਆਂ ਵਿੱਚ ਪਿਆਰ ਅਤੇ ਰਿਸ਼ਤੇ ਮਜ਼ਬੂਤ ਕਰਨਗੇ।