ਸੰਤ ਨਿਰੰਕਾਰੀ ਸਤਿਸੰਗ ਭਵਨ ਮੁਹਾਲੀ 'ਚ ਹੋਇਆ ਮਹਿਲਾ ਸਮਾਗਮ

ਸੰਤ ਨਿਰੰਕਾਰੀ ਸਤਿਸੰਗ ਭਵਨ ਮੁਹਾਲੀ 'ਚ ਹੋਇਆ ਮਹਿਲਾ ਸਮਾਗਮ

ਐਸ.ਏ.ਐਸ.ਨਗਰ 30 ਮਈ ( ਰਣਜੀਤ ਧਾਲੀਵਾਲ ) : ਸਤਿਸੰਗ ਵਿੱਚ ਆ ਕੇ ਕੇਵਲ ਸੁਣਨਾ ਨਹੀਂ , ਸਗੋਂ ਇਸ ਦਾ ਮਨਨ ਕਰਕੇ  ਆਤਮ-ਨਿਰੀਖਣ ਵੀ ਕਰਨਾ ਚਾਹੀਦਾ ਹੈ। ਇਹ ਵਿਚਾਰ ਭੈਣ ਮੋਨਿਕਾ ਰਾਜਾ ਨੇ ਫੇਜ਼ 6 ਦੇ ਸੰਤ ਨਿਰੰਕਾਰੀ ਸਤਿਸੰਗ ਭਵਨ ਵਿੱਚ ਆਯੋਜਿਤ ਮਹਿਲਾ ਸੰਤ ਸਮਾਗਮ ਪ੍ਰਗਟ ਕੀਤੇ। ਇਸ ਮੌਕੇ ਮਹਿਲਾ ਸ਼ਰਧਾਲੂਆਂ ਨੇ ਗੀਤਾਂ ਅਤੇ ਵਿਚਾਰਾਂ ਰਾਹੀਂ ਆਪਣੀਆਂ ਭਾਵਨਾਵਾਂ ਦਾ ਪ੍ਰਗਟਾਵਾ ਕੀਤਾ। ਉਨ੍ਹਾਂ ਅੱਗੇ ਕਿਹਾ ਕਿ ਸਤਿਗੁਰੂ ਮਾਤਾ ਸੁਦੀਕਸ਼ਾ ਜੀ ਮਹਾਰਾਜ ਦੱਸਦੇ ਹਨ ਕਿ ਜਗਤ ਮਾਤਾ ਬੁਧਵੰਤੀ ਅਤੇ ਰਾਜਮਾਤਾ ਕੁਲਵੰਤ ਕੌਰ ਨੇ ਜੀਵਨ ਭਰ ਪਰਿਵਾਰ ਅਤੇ ਸਤਿਸੰਗ ਦੋਵਾਂ ਨੂੰ ਪਹਿਲ ਦੇ ਕੇ ਸਦਭਾਵਨਾ ਸਥਾਪਿਤ ਕੀਤੀ। 

ਪਤੀ-ਪਤਨੀ ਇੱਕ ਗੱਡੀ ਦੇ ਦੋ ਪਹੀਏ ਹਨ ਅਤੇ ਬੱਚੇ ਗੱਡੀ ਦੇ ਯਾਤਰੀ ਹਨ। ਗ੍ਰਹਿਸਤ ਦੀ ਗੱਡੀ ਪਤੀ-ਪਤਨੀ ਦੀ ਸਦਭਾਵਨਾ ਕਾਰਨ ਹੀ ਸੁਚਾਰੂ ਢੰਗ ਨਾਲ ਚੱਲਦੀ ਹੈ। ਉਨ੍ਹਾਂ ਕਿਹਾ ਕਿ ਵਿਆਹੁਤਾ ਜੀਵਨ ਉਦੋਂ ਹੀ ਸੰਭਵ ਹੈ ਜਦੋਂ ਦੋ ਲੋਕ ਇੱਕ ਬੰਧਨ ਵਿੱਚ ਬੱਝੇ ਹੋਣ। ਇਸੇ ਤਰ੍ਹਾਂ, ਪਰਮਾਤਮਾ ਨਾਲ ਆਤਮਾ ਦਾ ਮੇਲ ਜਾਂ ਬੰਧਨ ਪਰਮਾਤਮਾ ਦੇ ਗਿਆਨ, ਬ੍ਰਹਮਗਿਆਨ ਦੀ ਭਾਵਨਾ ਦੁਆਰਾ ਹੀ ਹੁੰਦਾ ਹੈ। ਇਸ ਲਈ ਬ੍ਰਹਮਗਿਆਨ ਦੀ ਪ੍ਰਾਪਤੀ ਮਨੁੱਖੀ ਜੀਵਨ ਵਿੱਚ ਹੀ ਸੰਭਵ ਹੈ। ਉਨ੍ਹਾਂ ਅੱਗੇ ਦੱਸਿਆ ਕਿ ਸੰਤਾਂ ਦਾ ਜੀਵਨ ਹਮੇਸ਼ਾ ਅੰਗਰੇਜ਼ੀ ਸ਼ਬਦ "ਈਜ਼" ਵਰਗਾ ਹੁੰਦਾ ਹੈ। ਈ ਦਾ ਅਰਥ ਹੈ (ਇੰਜੋਆਏ ਦ ਪ੍ਰੋਸੇਸ ਆਫ਼ ਲਾਈਫ) ਭਾਵ ਜੀਵਨ ਦੀ ਪ੍ਰਕਿਰਿਆ ਦਾ ਆਨੰਦ ਮਾਣੋ, ਭਾਵ  ਹਰ ਸਥਿਤੀ ਵਿੱਚ ਖੁਸ਼ੀ ਨਾਲ ਜੀਓ। ਏ ਦਾ ਅਰਥ ਹੈ(ਐਕਸਪਟ )ਭਾਵ ਸਵੀਕਾਰ ਕਰਨਾ । ਉਸ ਨੂੰ ਵੀ ਸਵੀਕਾਰ ਕਰਨਾ ਜੋ ਪਸੰਦ ਨਹੀਂ ਹੈ। ਸ (ਸਾਈਲੈਂਟ) ਦਾ ਅਰਥ ਹੈ ਚੁੱਪ, ਭਾਵ ਇੱਕ ਚੁੱਪ ਸੌ ਸੁੱਖ । ਆਖਰੀ ਸ਼ਬਦ ਈ ਦਾ ਭਾਵ (ਇਨਵਾਲਵ ਯੌਰਸੈਲਫ ਇਨ ਯੂਅਰ ਲਾਈਫ) ਆਪਣੇ ਆਪ ਨੂੰ ਆਪਣੇ ਜੀਵਨ ਵਿੱਚ ਸ਼ਾਮਲ ਕਰਨਾ, ਭਾਵ ਆਪਣੇ ਆਪ ਦਾ ਵਿਸ਼ਲੇਸ਼ਣ ਕਰਨਾ ਕਿ ਤੁਸੀਂ ਸਤਿਗੁਰੂ ਦੀਆਂ ਸਿੱਖਿਆਵਾਂ ਦੀ ਕਿਸ ਹੱਦ ਤੱਕ ਪਾਲਣਾ ਕਰ ਰਹੇ ਹੋ। ਇਸ ਮੌਕੇ ਚੰਡੀਗੜ੍ਹ ਜ਼ੋਨ ਦੇ ਜ਼ੋਨਲ ਇੰਚਾਰਜ ਓ.ਪੀ. ਨਿਰੰਕਾਰੀ ਅਤੇ ਮੋਹਾਲੀ ਦੇ ਸੰਜੋਯਕ ਡਾ. ਜੇ.ਕੇ. ਚੀਮਾ ਨੇ ਮਹਿਲਾ ਸਮਾਗਮ ਦੇ ਸਫਲ ਆਯੋਜਨ ਲਈ ਸਤਿਗੁਰੂ ਮਾਤਾ ਦਾ ਧੰਨਵਾਦ ਕੀਤਾ ਅਤੇ ਸਾਰਿਆਂ ਦੇ ਕਲਿਆਣ ਲਈ ਪ੍ਰਾਰਥਨਾ ਕੀਤੀ।