Warring seeks MSP guarantee as promised to farmers Demands Rs 50-70 cr annual research grant for PAU Seeks debt relief for farmers on pattern of industry loan waiver Reveals, Punjab didn’t get a penny of Rs 1600 cr flood relief Demands withdrawal of the law on stubble burning Chandigarh/New Delhi 18 March ( Ranjeet Singh Dhaliwal ) : Punjab Congress president and Ludhiana MP Amarinder Singh Raja Warring today demanded that the government of India should bring the law to provide MSP guarantee to the farmers as had been promised to them when they withdrew their 15 month long strike against three farm laws. He also demanded Rs 50 crore to Rs 70 crores annual research grant for the Punjab Agricultural University, Ludhiana to improve the research facilities for better agriculture. The Ludhiana MP made a strong case for providing debt relief to the small and marginal farmers through one time settlement by waiving off their interests. He asked, if the government can waive off loans worth Rs 1...
ਕੱਲ੍ਹ ਤੋਂ ਸ਼ੁਰੂ ਹੋਵੇਗਾ ਚਾਰ ਦਿਨਾਂ ਦਾ ‘ਰਾਗਿਨੀ ਉਤਸਵ’
ਸਫ਼ਾਈ ਥੀਮ ’ਤੇ ਆਧਾਰਿਤ ਨਾਟਕ ‘ਸਵੱਛਤਾ ਪਖਵਾੜਾ’ ਨਾਲ ਹੋਵੇਗੀ ਸ਼ੁਰੂਆਤ, ਦਰਸ਼ਕਾਂ ਲਈ ਦਾਖਲਾ ਮੁਫ਼ਤ
ਚੰਡੀਗੜ੍ਹ 10 ਮਾਰਚ ( ਰਣਜੀਤ ਧਾਲੀਵਾਲ ) : ਨਾਰਥ ਜੋਨ ਕਲਚਰਲ ਸੈਂਟਰ (ਐਨਜ਼ੀਸੀਸੀ), ਮਿਨਿਸਟਰੀ ਆਫ਼ ਕਲਚਰ, ਭਾਰਤ ਸਰਕਾਰ ਦੇ ਤਹਿਤ ਕਲਾਗ੍ਰਾਮ, ਚੰਡੀਗੜ੍ਹ ਵਿੱਚ ਚਾਰ ਦਿਨਾਂ ਦਾ “ਰਾਗਿਨੀ ਉਤਸਵ–2026” 12 ਮਾਰਚ ਤੋਂ ਆਯੋਜਿਤ ਕੀਤਾ ਜਾ ਰਿਹਾ ਹੈ। ਇਹ ਸੱਭਿਆਚਾਰਕ ਮੇਲਾ 15 ਮਾਰਚ ਤੱਕ ਚੱਲੇਗਾ ਅਤੇ ਦਰਸ਼ਕਾਂ ਲਈ ਦਾਖਲਾ ਪੂਰੀ ਤਰ੍ਹਾਂ ਮੁਫ਼ਤ ਰਹੇਗਾ। ਉਤਸਵ ਦੀ ਸ਼ੁਰੂਆਤ ਸਫ਼ਾਈ ਵਿਸ਼ੇ ’ਤੇ ਆਧਾਰਿਤ ਨੁੱਕੜ ਨਾਟਕ ‘ਸਵੱਛਤਾ ਪਖਵਾੜਾ’ ਨਾਲ ਹੋਵੇਗੀ, ਜਿਸਦਾ ਮੰਚਨ ਚੰਡੀਗੜ੍ਹ ਦੇ ਸੰਵਾਦ ਥੀਏਟਰ ਗਰੁੱਪ ਵੱਲੋਂ ਕੀਤਾ ਜਾਵੇਗਾ। ਇਹ ਨਾਟਕ ਕੇਂਦਰ ਸਰਕਾਰ ਦੇ ਸਵੱਛ ਭਾਰਤ ਅਭਿਆਨ ’ਤੇ ਆਧਾਰਿਤ ਹੈ, ਜਿਸਦਾ ਮਕਸਦ ਲੋਕਾਂ ਨੂੰ ਸਫ਼ਾਈ ਪ੍ਰਤੀ ਜਾਗਰੂਕ ਕਰਨਾ ਅਤੇ ਸਾਫ਼-ਸੁਥਰੇ ਤੇ ਹਰੇ-ਭਰੇ ਮਾਹੌਲ ਵਿੱਚ ਜੀਵਨ ਬਤੀਤ ਕਰਨ ਲਈ ਪ੍ਰੇਰਿਤ ਕਰਨਾ ਹੈ।
ਹਰਿਆਣਾ ਦੀ ਧਨਾਢ ਲੋਕ-ਸੱਭਿਆਚਾਰਕ ਵਿਰਾਸਤ ਨੂੰ ਸਮਰਪਿਤ ਇਸ ਚਾਰ ਦਿਨਾਂ ਦੇ ਮਹੋਤਸਵ ਦੇ ਪ੍ਰੋਗਰਾਮ ਹਰ ਰੋਜ਼ ਸ਼ਾਮ 5 ਵਜੇ ਤੋਂ ਸ਼ੁਰੂ ਹੋਣਗੇ। ਐਨਜ਼ੀਸੀਸੀ ਦੇ ਪ੍ਰੋਗਰਾਮ ਅਫਸਰ ਰਾਜੇਸ਼ ਬਖ਼ਸ਼ੀ ਨੇ ਦੱਸਿਆ ਕਿ ਇਸ ਉਤਸਵ ਵਿੱਚ ਹਰਿਆਣਾ, ਰਾਜਸਥਾਨ, ਦਿੱਲੀ ਅਤੇ ਉੱਤਰ ਪ੍ਰਦੇਸ਼ ਤੋਂ 12 ਰਾਗਿਨੀ ਮੰਡਲੀਆਂ ਨੂੰ ਸੱਦਾ ਦਿੱਤਾ ਗਿਆ ਹੈ। ਉਦਘਾਟਨੀ ਦਿਨ 12 ਮਾਰਚ ਨੂੰ ਰਵੀ ਸਾਂਪਲਾ ਅਤੇ ਪਾਰਟੀ (ਰੋਹਤਕ), ਮਾਸਟਰ ਰਣਬੀਰ ਖੇੜੀ ਦਮਕਨ ਅਤੇ ਪਾਰਟੀ (ਸੋਨੀਪਤ) ਅਤੇ ਵਿਕਾਸ ਪਹਸੋਰਿਆ ਅਤੇ ਪਾਰਟੀ (ਝੱਜਰ) ਆਪਣੀਆਂ ਪੇਸ਼ਕਾਰੀਆਂ ਦੇਣਗੇ। 13 ਮਾਰਚ ਨੂੰ ਸਤਵੀਰ (ਕਪਤਾਨ ਬਿਸ਼ਨੀਆ) ਅਤੇ ਪਾਰਟੀ (ਦਿੱਲੀ), ਸੋਮਵੀਰ ਅਤੇ ਪਾਰਟੀ (ਭਿਵਾਨੀ) ਅਤੇ ਓਮ ਪ੍ਰਕਾਸ਼ ਬਾਲੀ ਸ਼ਰਮਾ ਅਤੇ ਪਾਰਟੀ (ਭਿਵਾਨੀ) ਆਪਣੀ ਰਾਗਿਨੀ ਨਾਲ ਦਰਸ਼ਕਾਂ ਨੂੰ ਮੋਹ ਲੈਣਗੇ। 14 ਮਾਰਚ ਨੂੰ ਇੰਦਰਜੀਤ (ਕੁੰਡੀਆਂ) ਅਤੇ ਪਾਰਟੀ (ਸੋਨੀਪਤ), ਸੋਨੂ ਭਾਗਨਾ ਅਤੇ ਪਾਰਟੀ (ਹਿਸਾਰ) ਅਤੇ ਨਰੇਂਦਰ ਡਾਂਗੀ ਅਤੇ ਪਾਰਟੀ (ਰੋਹਤਕ) ਮੰਚ ਸੰਭਾਲਣਗੇ।
ਸਮਾਰੋਹ ਦੇ ਆਖ਼ਰੀ ਦਿਨ 15 ਮਾਰਚ ਨੂੰ ਰਾਕੇਸ਼ ਬਹਿਰਾਨੀਆ ਅਤੇ ਪਾਰਟੀ (ਰੋਹਤਕ), ਸੰਧਿਆ ਸ਼ਰਮਾ ਅਤੇ ਪਾਰਟੀ (ਹਿਸਾਰ) ਅਤੇ ਸੁਰੇਂਦਰ ਸ਼ਰਮਾ ਅਤੇ ਪਾਰਟੀ (ਭਿਵਾਨੀ) ਆਪਣੀਆਂ ਦਮਦਾਰ ਪੇਸ਼ਕਾਰੀਆਂ ਨਾਲ ਪ੍ਰੋਗਰਾਮ ਦਾ ਸਮਾਪਨ ਕਰਨਗੇ। ਰਾਗਿਨੀ ਹਰਿਆਣਾ ਦੀ ਇੱਕ ਜੀਵੰਤ ਲੋਕ-ਗਾਇਕੀ ਪਰੰਪਰਾ ਹੈ, ਜੋ ਸੰਗੀਤ ਅਤੇ ਕਹਾਣੀਆਂ ਰਾਹੀਂ ਵੀਰਤਾ, ਪ੍ਰੇਮ ਅਤੇ ਸਮਾਜਿਕ ਮਸਲਿਆਂ ਨਾਲ ਜੁੜੀਆਂ ਗੱਲਾਂ ਨੂੰ ਪੇਸ਼ ਕਰਦੀ ਹੈ। ਇਹ ਲੋਕ ਸੰਗੀਤ ਦੀ ਐਸੀ ਵਿਧਾ ਹੈ ਜਿਸ ਨੇ ਸਮੇਂ ਦੇ ਨਾਲ ਕਈ ਚੁਣੌਤੀਆਂ ਦੇ ਬਾਵਜੂਦ ਆਪਣੀ ਪਛਾਣ ਕਾਇਮ ਰੱਖੀ ਹੈ।
ਐਨਜ਼ੀਸੀਸੀ ਦੇ ਨਿਰਦੇਸ਼ਕ ਫੁਰਕਾਨ ਖ਼ਾਨ ਨੇ ਕਿਹਾ ਕਿ ਇਹ ਚਾਰ ਦਿਨਾਂ ਦਾ ਰਾਗਿਨੀ ਮਹੋਤਸਵ ਹਰਿਆਣਾ ਦੀ ਸਮ੍ਰਿੱਧ ਸੱਭਿਆਚਾਰਕ ਵਿਰਾਸਤ ਨੂੰ ਸ਼ਹਿਰ ਦੇ ਲੋਕਾਂ ਤੱਕ ਪਹੁੰਚਾਉਣ ਦੀ ਕੋਸ਼ਿਸ਼ ਹੈ। ਉਨ੍ਹਾਂ ਕਿਹਾ ਕਿ ਖ਼ਾਸ ਕਰਕੇ ਨੌਜਵਾਨ ਪੀੜ੍ਹੀ, ਜੋ ਆਪਣੀਆਂ ਸੱਭਿਆਚਾਰਕ ਜੜ੍ਹਾਂ ਤੋਂ ਦੂਰ ਹੁੰਦੀ ਜਾ ਰਹੀ ਹੈ, ਲਈ ਇਹ ਪ੍ਰੋਗਰਾਮ ਬਹੁਤ ਮਹੱਤਵਪੂਰਨ ਹੈ। ਉਨ੍ਹਾਂ ਟਰਾਈਸਿਟੀ ਦੇ ਸੰਗੀਤ ਪ੍ਰੇਮੀਆਂ ਨੂੰ ਇਸ ਵਿਲੱਖਣ ਸੱਭਿਆਚਾਰਕ ਉਤਸਵ ਵਿੱਚ ਸ਼ਾਮਲ ਹੋਣ ਦੀ ਅਪੀਲ ਕੀਤੀ।
Comments
Post a Comment