Mohali Congress Submits Memorandum to DC Mohali Over Indo-US Trade Deal Threatening Punjab’s Agrarian Economy This Trade Deal Will Break Punjab’s Farmers and Push Youth Into Crisis,” Says Former Health Minister Balbir Singh Sidhu S.A.S.Nagar 20 February ( Ranjeet Singh Dhaliwal ) : Former Punjab Health Minister Balbir Singh Sidhu today said that the proposed Indo-US Trade Deal poses a grave threat to Punjab’s agrarian economy and the livelihood of farmers. A memorandum highlighting these concerns was submitted to the Deputy Commissioner, Mohali by District Congress President Kamal Kishore Sharma, Balbir Singh Sidhu and other Congress workers from Mohali. Balbir Singh Sidhu stated that Punjab, being a border state with a predominantly agrarian economy, will be among the worst affected if cheap foreign agricultural produce is allowed into Indian markets. He said that Punjab’s small and marginal farmers, who survive on limited landholdings, cannot compete with large, highly mechanised Ame...
ਪੁਲਿਸ ਥਾਣਾ ਮੰਡੀ ਮੰਡੀ ਗੋਬਿੰਦਗੜ੍ਹ ਦੀ ਪੁਲਿਸ ਘਿਰੀ ਵਿਵਾਦਾਂ 'ਚ, ਪੀੜਤ ਵਿਧਵਾ ਮਹਿਲਾ ਨੂੰ ਥਾਣੇ ਬੁਲਾਕੇ ਕੀਤੀ ਮਾਰਕੁਟਾਈ ਤੇ ਦਿੱਤੀਆਂ ਧਮਕੀਆਂ ਮਹਿਲਾ ਹੋਈ ਬੇਹੋਸ਼
ਪੁਲਿਸ ਥਾਣਾ ਮੰਡੀ ਮੰਡੀ ਗੋਬਿੰਦਗੜ੍ਹ ਦੀ ਪੁਲਿਸ ਘਿਰੀ ਵਿਵਾਦਾਂ 'ਚ, ਪੀੜਤ ਵਿਧਵਾ ਮਹਿਲਾ ਨੂੰ ਥਾਣੇ ਬੁਲਾਕੇ ਕੀਤੀ ਮਾਰਕੁਟਾਈ ਤੇ ਦਿੱਤੀਆਂ ਧਮਕੀਆਂ ਮਹਿਲਾ ਹੋਈ ਬੇਹੋਸ਼
ਪੀੜਿਤ ਮਹਿਲਾ ਨੇ ਮਹਿਲਾ ਕਮਿਸ਼ਨ ਪੰਜਾਬ ਕੋਲ ਲਗਾਈ ਇਨਸਾਫ ਦੀ ਗੁਹਾਰ, ਸਬੰਧਤ ਪੁਲਿਸ ਮੁਲਾਜ਼ਮ ਦਫਤਰ ਵਿੱਚ ਤਲਬ
ਐਸ ਸੀ ਬੀਸੀ ਮੋਰਚਾ ਪ੍ਰਧਾਨ ਬਲਵਿੰਦਰ ਕੁੰਭੜਾ ਨੇ ਦੋਸ਼ੀਆਂ ਤੇ ਕਾਰਵਾਈ ਕਰਨ ਲਈ ਪੁਲਿਸ ਨੂੰ ਦਿੱਤਾ ਇੱਕ ਹਫਤੇ ਦਾ ਅਲਟੀਮੇਟਮ, ਉਨ੍ਹਾਂ ਕਿਹਾ ਨਹੀਂ ਕੀਤੀ ਕਾਰਵਾਈ ਤਾਂ ਡੀਐਸਪੀ ਦਾ ਕਰਾਂਗੇ ਘਿਰਾਓ
ਐਸ.ਏ.ਐਸ.ਨਗਰ 20 ਫਰਵਰੀ ( ਰਣਜੀਤ ਧਾਲੀਵਾਲ ) : ਮਹਿਲਾਵਾਂ ਤੇ ਹੋਰ ਰਹੇ ਅੱਤਿਆਚਾਰ ਦੀਆਂ ਘਟਨਾਵਾਂ ਅਕਸਰ ਸਾਹਮਣੇ ਆਉਂਦੀਆਂ ਰਹਿੰਦੀਆਂ ਹਨ। ਮਹਿਲਾ ਕਮਿਸ਼ਨ ਅਤੇ ਮਹਿਲਾ ਸੁਰੱਖਿਆ ਕਾਨੂੰਨ ਬਣਨ ਦੇ ਬਾਅਦ ਵੀ ਘਟਨਾਵਾਂ ਨਹੀਂ ਰੁਕ ਰਹੀਆਂ। ਐਸ ਸੀ ਬੀਸੀ ਮਹਾ ਪੰਚਾਇਤ ਪੰਜਾਬ ਵੱਲੋਂ ਮੋਹਾਲੀ ਫੇਸ ਸੱਤ ਦੀਆਂ ਲਾਈਟਾਂ ਤੇ ਚੱਲ ਰਹੇ ਮੋਰਚੇ ਤੇ ਇੱਕ ਦੁਖਦਾਇਕ ਘਟਨਾ ਸਾਹਮਣੇ ਆਈ। ਜਿੱਥੇ ਕਿਸੇ ਆਮ ਵਿਅਕਤੀ ਵੱਲੋਂ ਨਹੀਂ ਬਲਕਿ ਪੁਲਿਸ ਮੰਡੀ ਗੋਬਿੰਦਗੜ੍ਹ ਦੇ ਮੁਲਾਜ਼ਮਾਂ ਵੱਲੋਂ ਇੱਕ ਵਿਧਵਾ ਮਹਿਲਾ ਨਾਲ ਥਾਣੇ ਬੁਲਾਕੇ ਕੁੱਟਮਾਰ ਕੀਤੀ ਗਈ। ਉਸ ਦੇ ਸਿਰ ਵਿੱਚ ਜੁੱਤੀਆਂ ਮਾਰੀਆਂ ਗਈਆਂ, ਮੂੰਹ ਤੇ ਚਪੇੜਾਂ ਮਾਰੀਆਂ। ਮਹਿਲਾ ਮਾਰ ਨਾ ਸਹਾਰਦੀ ਹੋਈ ਬੇਹੋਸ਼ ਹੋ ਗਈ, ਫਿਰ ਵੀ ਪੁਲਿਸ ਮੁਲਾਜ਼ਮ ਗੁਰਜੀਤ ਸਿੰਘ ਮੁਨਸ਼ੀ ਅਤੇ ਉਸ ਦੀ ਸਹਾਇਕ ਮਹਿਲਾ ਕਾਂਸਟੇਬਲ ਨੂੰ ਤਰਸ ਨਹੀਂ ਆਇਆ ਤੇ ਭੱਦੀ ਸ਼ਬਦਾਵਲੀ ਬੋਲਦਿਆਂ ਮਹਿਲਾ ਨੂੰ ਧਮਕੀਆਂ ਵੀ ਦਿੱਤੀਆਂ ਗਈਆਂ। ਪੀੜਤ ਮਹਿਲਾ ਨੇ ਮਹਿਲਾ ਕਮਿਸ਼ਨ ਪੰਜਾਬ ਦੇ ਦਫਤਰ ਜਾਕੇ ਇਨਸਾਫ ਦੀ ਗੁਹਾਰ ਲਗਾਈ। ਮਾਨਯੋਗ ਚੇਅਰਪਰਸਨ ਮੈਡਮ ਰਾਜ ਲਾਲੀ ਗਿੱਲ ਨੇ ਤੁਰੰਤ ਕਾਰਵਾਈ ਕਰਦਿਆਂ ਪੁਲਿਸ ਮੁਲਾਜ਼ਮਾਂ ਨੂੰ ਤਲਬ ਕਰਕੇ ਚੰਗੀ ਝਾੜ ਪਾਈ ਤੇ ਸੀਨੀਅਰ ਅਧਿਕਾਰੀਆਂ ਨੂੰ ਜਲਦ ਕਾਰਵਾਈ ਕਰਨ ਦੇ ਹੁਕਮ ਜਾਰੀ ਕੀਤੇ।
ਪੀੜਿਤ ਮਹਿਲਾ ਨੇ ਐਸ ਸੀ ਬੀਸੀ ਮੋਰਚੇ ਤੇ ਆਕੇ ਮੋਰਚਾ ਆਗੂ ਬਲਵਿੰਦਰ ਸਿੰਘ ਕੁੰਭੜਾ ਅਤੇ ਆਗੂ ਸਹਿਬਾਨਾਂ ਨੂੰ ਆਪਣੀ ਸਾਰੀ ਵਿਥਿਆ ਦੱਸੀ ਤੇ ਮੋਰਚਾ ਆਗੂਆਂ ਨੇ ਤੁਰੰਤ ਹਰਕਤ ਵਿੱਚ ਆਉਂਦਿਆਂ ਪ੍ਰੈਸ ਕਾਨਫਰੰਸ ਕਰਕੇ ਇਸ ਸ਼ਰਮਨਾਕ ਘਟਨਾ ਦੀ ਸਖਤ ਸ਼ਬਦਾਂ ਵਿੱਚ ਨਿੰਦਿਆ ਕਰਦਿਆਂ ਐਲਾਨ ਕੀਤਾ ਕਿ ਜੇ ਇਨਾਂ ਮੁਲਾਜ਼ਮਾਂ ਤੇ ਕਾਰਵਾਈ ਨਾ ਹੋਈ ਤਾਂ ਇੱਕ ਹਫਤੇ ਦੇ ਬਾਅਦ ਡੀਐਸਪੀ ਮੰਡੀ ਗੋਬਿੰਦਗੜ੍ਹ ਦਾ ਘਿਰਾਓ ਕੀਤਾ ਜਾਵੇਗਾ।
ਪੀੜਤ ਮਹਿਲਾ ਮਨਪ੍ਰੀਤ ਕੌਰ ਨੇ ਦੱਸਿਆ ਕਿ ਪੁਲਿਸ ਥਾਣੇ ਮੇਰੇ ਸਿਰ ਵਿੱਚ ਜੁੱਤੀਆਂ ਮਾਰੀਆਂ ਗਈਆਂ ਅਤੇ ਮੇਰੇ ਮੂੰਹ ਤੇ ਥੱਪੜ ਮਾਰੇ ਗਏ ਤੇ ਮੈਨੂੰ ਪੁਲਿਸ ਅਧਿਕਾਰੀ ਨੇ ਭੱਦੀ ਸ਼ਬਦਾਵਲੀ ਵਰਤਦਿਆਂ ਧਮਕੀਆਂ ਦਿੱਤੀਆਂ। ਮੈਂ ਮਾਰ ਨਾ ਸਹਾਰਦੀ ਹੋਈ ਬੇਹੋਸ਼ ਹੋਕੇ ਡਿੱਗ ਪਈ। ਫਿਰ ਜਾਕੇ ਮੈਨੂੰ ਰਾਤ 8:30 ਵਜੇ ਛੱਡਿਆ ਗਿਆ। ਪੀੜਿਤ ਮਹਿਲਾ ਨੇ ਪ੍ਰੈਸ ਨੂੰ ਜਾਣਕਾਰੀ ਦਿੱਤੀ ਕਿ ਇਹ ਸਾਰਾ ਮਾਮਲਾ ਇੱਕ 19 ਸਾਲਾ ਲੜਕੀ ਆਪਣੇ ਘਰੋਂ ਭੱਜ ਗਈ। ਉਹ ਲੜਕੀ ਕਦੀ ਕਦੀ ਮੈਨੂੰ ਮਿਲਦੀ ਸੀ ਤੇ ਇੱਕ ਦੋ ਵਾਰ ਉਸਨੇ ਮੇਰੇ ਮੋਬਾਇਲ ਤੋਂ ਫੋਨ ਵੀ ਕਰ ਲੈਂਦੀ ਸੀ। ਮੇਰਾ ਕਸੂਰ ਸਿਰਫ ਇਨਾ ਹੈ ਕਿ ਲੜਕੀ ਨੇ ਮੇਰੇ ਫੋਨ ਤੋਂ ਕਿਸੇ ਨੂੰ ਫੋਨ ਕੀਤਾ। ਮੈਂ ਪੁਲਿਸ ਮੁਲਾਜ਼ਮ ਦੇ ਬਹੁਤ ਤੜਲੇ ਮਿਨਤਾਂ ਕੀਤੀਆਂ ਪਰ ਕਿਸੇ ਨੇ ਇੱਕ ਨਹੀਂ ਸੁਣੀ। ਲੜਕੀ ਦੇ ਪਰਿਵਾਰ ਨੇ ਮੇਰੇ ਘਰ ਆਕੇ ਮੇਰੇ ਸਾਰੇ ਸਮਾਨ ਨੂੰ ਅੱਗ ਲਗਾ ਦਿੱਤੀ ਅਤੇ ਮੈਂ ਤੇ ਮੇਰੇ ਦੋ ਨਾਬਾਲਗ ਬੱਚੇ ਅਸੀਂ ਆਪਣੇ ਘਰ ਤੋਂ ਦੂਰ ਡਰ ਦੇ ਮਾਹੌਲ 'ਚ ਸਮਾਂ ਕੱਢ ਰਹੇ ਹਾਂ। ਮੈਨੂੰ ਡਰ ਹੈ ਕਿ ਲੜਕੀ ਦੇ ਪਰਿਵਾਰਿਕ ਮੈਂਬਰ ਮੈਨੂੰ ਜਾਂ ਮੇਰੇ ਬੱਚਿਆਂ ਨੂੰ ਕੋਈ ਜਾਨੀ ਜਾਂ ਮਾਲੀ ਨੁਕਸਾਨ ਪਹੁੰਚਾ ਸਕਦੇ ਹਨ। ਇਸ ਮੌਕੇ ਹਰਨੇਕ ਸਿੰਘ ਮਲੋਆ, ਮਾਸਟਰ ਬਨਵਾਰੀ ਲਾਲ, ਕਰਮ ਸਿੰਘ ਕੁਰੜੀ, ਗੁਰਵਿੰਦਰ ਸਿੰਘ, ਕਰਮਜੀਤ ਸਿੰਘ, ਦਲਜੀਤ ਸਿੰਘ, ਅਵਤਾਰ ਸਿੰਘ, ਕੁਲਦੀਪ ਸਿੰਘ, ਬਲਵਿੰਦਰ ਸਿੰਘ ਮਲੋਆ, ਬੱਬਲ ਚੌਪੜਾ ਆਦਿ ਹਾਜ਼ਰ ਹੋਏ।
Comments
Post a Comment