14 ਖਰੀਫ਼ ਫ਼ਸਲਾਂ 'ਤੇ ਇਤਿਹਾਸਕ MSP ਵਾਧਾ — PM ਮੋਦੀ ਦੀ ਅੰਨਦਾਤਾ ਪ੍ਰਤੀ ਅਟੱਲ ਵਚਨਬੱਧਤਾ ਦਾ ਅਮਿੱਟ ਪ੍ਰਮਾਣ : ਤਰੁਣ ਚੁੱਘ

14 ਖਰੀਫ਼ ਫ਼ਸਲਾਂ 'ਤੇ ਇਤਿਹਾਸਕ MSP ਵਾਧਾ — PM ਮੋਦੀ ਦੀ ਅੰਨਦਾਤਾ ਪ੍ਰਤੀ ਅਟੱਲ ਵਚਨਬੱਧਤਾ ਦਾ ਅਮਿੱਟ ਪ੍ਰਮਾਣ : ਤਰੁਣ ਚੁੱਘ 

ਪੰਜਾਬ ਵਿੱਚ BJP ਦੀ ਡਬਲ ਇੰਜਣ ਸਰਕਾਰ ਬਣਨ 'ਤੇ ਕਿਸਾਨਾਂ ਦੀ ਦੋਹਰੀ ਖੁਸ਼ਹਾਲੀ ਯਕੀਨੀ — AAP-ਕਾਂਗਰਸ ਦੇ ਝੂਠੇ ਵਾਅਦੇ ਬੇਨਕਾਬ

BJP ਦੇ ਹਰਿਆਣੇ ਵਿੱਚ ਸਾਰੀਆਂ ਫ਼ਸਲਾਂ 'ਤੇ MSP ਯਕੀਨੀ — ਭਗਵੰਤ ਮਾਨ ਦੱਸਣ, ਪੰਜਾਬ ਦੇ ਕਿਸਾਨਾਂ ਨਾਲ MSP ਅਤੇ ਕਰਜ਼ਾ ਮੁਆਫ਼ੀ ਦੇ ਵਾਅਦੇ ਕਦੋਂ ਪੂਰੇ ਹੋਣਗੇ?

ਚੰਡੀਗੜ੍ਹ 14 ਮਈ ( ਰਣਜੀਤ ਧਾਲੀਵਾਲ ) : ਭਾਰਤੀ ਜਨਤਾ ਪਾਰਟੀ ਦੇ ਰਾਸ਼ਟਰੀ ਮਹਾਮੰਤਰੀ ਤਰੁਣ ਚੁੱਘ ਨੇ PM ਨਰੇਂਦਰ ਮੋਦੀ ਦੀ ਅਗਵਾਈ ਵਿੱਚ CCEA ਵੱਲੋਂ ਖਰੀਫ਼ ਮਾਰਕੀਟਿੰਗ ਸੀਜ਼ਨ 2026-27 ਲਈ 14 ਖਰੀਫ਼ ਫ਼ਸਲਾਂ ਦੇ MSP ਵਿੱਚ ਇਤਿਹਾਸਕ ਵਾਧੇ ਦੇ ਫ਼ੈਸਲੇ ਦਾ ਖੁੱਲ੍ਹੇ ਦਿਲ ਨਾਲ ਸਵਾਗਤ ਕੀਤਾ। ਕਿਸਾਨਾਂ ਨੂੰ Rs. 2.60 ਲੱਖ ਕਰੋੜ ਦੀ ਅਨੁਮਾਨਿਤ ਅਦਾਇਗੀ ਅਤੇ 824.41 ਲੱਖ ਮੀਟ੍ਰਿਕ ਟਨ ਖਰੀਦ ਦੀ ਗਾਰੰਟੀ ਦੇ ਨਾਲ ਇਹ ਫ਼ੈਸਲਾ PM ਮੋਦੀ ਦੀ ਦੂਰਦਰਸ਼ੀ, ਨਿਰਣਾਇਕ ਅਤੇ ਗਤੀਸ਼ੀਲ ਅਗਵਾਈ ਦਾ ਅਮਿੱਟ ਪ੍ਰਮਾਣ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਸੋਧੇ ਹੋਏ MSP ਨੂੰ ਸਮੁੱਚੇ ਭਾਰਤ ਦੀ ਭਾਰਿਤ ਔਸਤ ਉਤਪਾਦਨ ਲਾਗਤ ਦੇ ਘੱਟੋ-ਘੱਟ 1.5 ਗੁਣਾ 'ਤੇ ਤੈਅ ਕੀਤਾ ਗਿਆ ਹੈ, ਜਿਸ ਨਾਲ ਕਿਸਾਨਾਂ ਨੂੰ ਉਨ੍ਹਾਂ ਦੀ ਲਾਗਤ 'ਤੇ ਘੱਟੋ-ਘੱਟ 50 ਪ੍ਰਤੀਸ਼ਤ ਮੁਨਾਫ਼ਾ ਯਕੀਨੀ ਹੋਵੇਗਾ। ਮੋਦੀ ਸਰਕਾਰ ਦੇ ਕਾਰਜਕਾਲ (2014-15 ਤੋਂ 2025-26) ਵਿੱਚ 14 ਖਰੀਫ਼ ਫ਼ਸਲਾਂ ਦੇ ਕਿਸਾਨਾਂ ਨੂੰ MSP ਵਜੋਂ Rs. 18.99 ਲੱਖ ਕਰੋੜ ਦੀ ਅਦਾਇਗੀ ਕੀਤੀ ਗਈ — ਜੋ UPA ਦੇ ਪੂਰੇ ਦਹਾਕੇ (2004-05 ਤੋਂ 2013-14) ਦੌਰਾਨ ਕੀਤੀ ਗਈ Rs. 4.75 ਲੱਖ ਕਰੋੜ ਦੀ ਅਦਾਇਗੀ ਨਾਲੋਂ ਲਗਭਗ ਚਾਰ ਗੁਣਾ ਵੱਧ ਹੈ। ਖਰੀਫ਼ ਫ਼ਸਲਾਂ ਦੀ ਖਰੀਦ UPA ਦੇ 4,679 ਲੱਖ ਮੀਟ੍ਰਿਕ ਟਨ ਤੋਂ ਵਧ ਕੇ ਮੋਦੀ ਸਰਕਾਰ ਵਿੱਚ 8,746 ਲੱਖ ਮੀਟ੍ਰਿਕ ਟਨ ਹੋ ਗਈ ਹੈ — ਇਹੀ ਫ਼ਰਕ ਹੈ ਵਾਅਦੇ ਅਤੇ ਕੰਮ ਵਿੱਚ।

ਚੁੱਘ ਨੇ ਕਿਹਾ ਕਿ ਇਸ MSP ਵਾਧੇ ਨਾਲ ਪੰਜਾਬ ਦੇ ਕਿਸਾਨਾਂ ਨੂੰ ਵਿਸ਼ੇਸ਼ ਲਾਭ ਮਿਲੇਗਾ, ਕਿਉਂਕਿ ਸੂਬੇ ਦੀਆਂ ਮੁੱਖ ਫ਼ਸਲਾਂ — ਝੋਨਾ ਅਤੇ ਕਪਾਹ — ਦੋਵਾਂ 'ਤੇ ਚੋਖਾ ਵਾਧਾ ਕੀਤਾ ਗਿਆ ਹੈ। ਪੰਜਾਬ ਵਿੱਚ ਵੱਡੇ ਪੱਧਰ 'ਤੇ ਉਗਾਏ ਜਾਂਦੇ ਗ੍ਰੇਡ-A ਝੋਨੇ ਦਾ MSP ਹੁਣ Rs. 2,461 ਪ੍ਰਤੀ ਕੁਇੰਟਲ ਅਤੇ ਲੰਮੇ ਰੇਸ਼ੇ ਵਾਲੀ ਕਪਾਹ ਦਾ MSP Rs. 8,667 ਪ੍ਰਤੀ ਕੁਇੰਟਲ ਹੋ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਜਿੱਥੇ ਪੰਜਾਬ ਦੀ AAP ਸਰਕਾਰ ਕਰਜ਼ਾ ਮੁਆਫ਼ੀ, ਝੋਨੇ ਦਾ ਬੋਨਸ ਅਤੇ ਸਮੇਂ ਸਿਰ ਖਰੀਦ ਵਰਗੇ ਵਾਅਦਿਆਂ 'ਤੇ ਬੇਸ਼ਰਮੀ ਨਾਲ ਝੂਠ ਬੋਲਦੀ ਰਹੀ ਹੈ, ਉੱਥੇ ਕੇਂਦਰ ਵਿੱਚ PM ਮੋਦੀ ਦੀ ਸਰਕਾਰ ਹਰ ਸਾਲ ਪੰਜਾਬ ਦੇ ਅੰਨਦਾਤੇ ਨੂੰ ਠੋਸ ਅਤੇ ਅਸਲ ਲਾਭ ਦਿੰਦੀ ਰਹੀ ਹੈ।

ਚੁੱਘ ਨੇ ਕਿਹਾ ਕਿ ਇਹ ਤਾਂ ਕੇਵਲ ਸ਼ੁਰੂਆਤ ਹੈ। ਜਦੋਂ ਪੰਜਾਬ ਵਿੱਚ PM ਨਰੇਂਦਰ ਮੋਦੀ ਦੀ ਦੂਰਦਰਸ਼ੀ, ਨਿਰਣਾਇਕ ਅਤੇ ਗਤੀਸ਼ੀਲ ਅਗਵਾਈ ਦੀ ਲਹਿਰ 'ਤੇ ਸਵਾਰ ਹੋ ਕੇ ਭਾਰਤੀ ਜਨਤਾ ਪਾਰਟੀ ਦੀ ਸਰਕਾਰ ਬਣੇਗੀ, ਤਾਂ ਪੰਜਾਬ ਦੇ ਕਿਸਾਨ ਸਮਝਣਗੇ ਕਿ ਅਸਲ ਡਬਲ ਇੰਜਣ ਸਰਕਾਰ ਦਾ ਕੀ ਮਤਲਬ ਹੁੰਦਾ ਹੈ। ਹਰ ਪਿੰਡ ਤੱਕ MSP 'ਤੇ ਸਿੱਧੀ ਖਰੀਦ ਪਹੁੰਚੇਗੀ, ਖੇਤੀਬਾੜੀ ਬੁਨਿਆਦੀ ਢਾਂਚੇ ਵਿੱਚ ਨਿਵੇਸ਼ ਕਈ ਗੁਣਾ ਵਧੇਗਾ, ਅਤੇ ਕਾਂਗਰਸ ਵੱਲੋਂ ਲੁੱਟੇ ਗਏ ਅਤੇ AAP ਵੱਲੋਂ ਠੱਗੇ ਗਏ ਪੰਜਾਬ ਦੇ ਕਿਸਾਨਾਂ ਨੂੰ ਉਹ ਸਨਮਾਨ ਅਤੇ ਖੁਸ਼ਹਾਲੀ ਮਿਲੇਗੀ ਜਿਸ ਦੇ ਉਹ ਸੱਚਮੁੱਚ ਹੱਕਦਾਰ ਹਨ। ਚੁਗ ਨੇ ਪੰਜਾਬ ਦੀ ਜਨਤਾ ਨੂੰ ਅਪੀਲ ਕੀਤੀ ਕਿ ਉਹ ਧੋਖੇ ਦੀ ਰਾਜਨੀਤੀ ਨੂੰ ਰੱਦ ਕਰਨ ਅਤੇ BJP ਨੂੰ ਅੰਨਦਾਤਾ ਸਮ੍ਰਿੱਧੀ ਦਾ ਨਵਾਂ ਸੁਨਹਿਰਾ ਅਧਿਆਏ ਲਿਖਣ ਦਾ ਮੌਕਾ ਦੇਣ।

ਚੁੱਘ ਨੇ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਤੋਂ ਸਿੱਧਾ ਸਵਾਲ ਪੁੱਛਿਆ ਕਿ ਉਹ ਕਦੋਂ ਸੂਬੇ ਦੇ ਕਿਸਾਨਾਂ ਨਾਲ ਕੀਤੇ ਵਾਅਦਿਆਂ 'ਤੇ ਖਰੇ ਉਤਰਨਗੇ। ਉਨ੍ਹਾਂ ਕਿਹਾ ਕਿ PM ਮੋਦੀ ਨੇ ਵਾਰ-ਵਾਰ ਅੰਨਦਾਤੇ ਪ੍ਰਤੀ ਆਪਣੀ ਵਚਨਬੱਧਤਾ ਸਾਬਿਤ ਕੀਤੀ ਹੈ — ਅਤੇ ਇਸ ਦੀ ਸਭ ਤੋਂ ਵੱਡੀ ਮਿਸਾਲ ਗੁਆਂਢੀ ਸੂਬੇ ਹਰਿਆਣਾ ਵਿੱਚ ਦੇਖਣ ਨੂੰ ਮਿਲਦੀ ਹੈ, ਜਿੱਥੇ BJP ਦੀ ਡਬਲ ਇੰਜਣ ਸਰਕਾਰ ਸਾਰੀਆਂ ਫ਼ਸਲਾਂ 'ਤੇ MSP ਆਧਾਰਿਤ ਖਰੀਦ ਯਕੀਨੀ ਕਰਦੀ ਹੈ ਅਤੇ ਕਿਸਾਨਾਂ ਨੂੰ ਉਨ੍ਹਾਂ ਦੀ ਹਰ ਫ਼ਸਲ ਦਾ ਸਮੇਂ ਸਿਰ ਸਹੀ ਮੁੱਲ ਦਿਵਾਉਂਦੀ ਹੈ। ਹਰਿਆਣੇ ਦਾ ਕਿਸਾਨ ਅੱਜ ਸੁੱਖ ਦੀ ਨੀਂਦ ਸੌਂਦਾ ਹੈ ਕਿਉਂਕਿ ਉਸਨੂੰ ਪਤਾ ਹੈ ਕਿ ਉਸਦੀ ਫ਼ਸਲ ਦਾ ਇੱਕ-ਇੱਕ ਦਾਣਾ ਸਰਕਾਰ ਖਰੀਦੇਗੀ — ਜਦਕਿ ਪੰਜਾਬ ਦਾ ਕਿਸਾਨ AAP ਸਰਕਾਰ ਵੱਲੋਂ 2022 ਦੀਆਂ ਚੋਣਾਂ ਤੋਂ ਪਹਿਲਾਂ ਕੀਤੇ ਕਰਜ਼ਾ ਮੁਆਫ਼ੀ ਅਤੇ ਸਾਰੀਆਂ ਫ਼ਸਲਾਂ 'ਤੇ MSP ਖਰੀਦ ਦੇ ਵਾਅਦੇ ਦੇ ਪੂਰਾ ਹੋਣ ਦੀ ਅੱਜ ਵੀ ਉਡੀਕ ਕਰ ਰਿਹਾ ਹੈ। ਚੁਗ ਨੇ ਭਗਵੰਤ ਮਾਨ ਤੋਂ ਸਿੱਧਾ ਪੁੱਛਿਆ — ਆਖ਼ਰ ਕਦੋਂ ਤੱਕ ਪੰਜਾਬ ਦਾ ਕਿਸਾਨ ਬਹਾਨੇ ਸੁਣਦਾ ਰਹੇਗਾ? ਸਾਰੀਆਂ ਫ਼ਸਲਾਂ 'ਤੇ MSP ਖਰੀਦ ਅਤੇ Rs. 2 ਲੱਖ ਦੀ ਕਰਜ਼ਾ ਮੁਆਫ਼ੀ ਦਾ ਵਾਅਦਾ ਕਦੋਂ ਪੂਰਾ ਹੋਵੇਗਾ?