Mann Travels Abroad With Money Laundering Accused Minister & Women Harasser OSD, Then Questions PM Modi : Tarun Chugh Mann Must Answer — What Did He Bring Back for Punjab from His Foreign Trips, or Was It All Just Luxury at Taxpayers' Expense? : Tarun Chugh AAP Runs from Accountability, Shields the Accused — Punjab Drowns in Drugs & Lawlessness While CM Enjoys Foreign Junkets : Chugh Chandigarh 17 May ( Ranjeet Singh Dhaliwal ) : BJP National General Secretary Tarun Chugh launched a sharp attack on Punjab Chief Minister Bhagwant Mann, saying that questioning PM Narendra Modi's foreign tours is the height of Mann's hypocrisy. A Chief Minister who himself travels abroad with a minister currently in ED remand for money laundering of over Rs. 100 Crores, and an OSD accused of physically assaulting and harassing a woman Member of Parliament, has absolutely no moral standing to question PM Modi's service to the nation. Mann must first look at his own record before poi...
*ਸੱਚੀ ਭਗਤੀ ਸਿਰਫ਼ ਪਰਮਾਤਮਾ ਦੀ ਜਾਣਕਾਰੀ ਤੋਂ ਬਾਅਦ ਹੀ ਸੰਭਵ*
ਚੰਡੀਗੜ੍ਹ 17 ਮਈ ( ਰਣਜੀਤ ਧਾਲੀਵਾਲ ) : ਮਨੁੱਖ ਜੀਵਨ ਦੇ ਅਸਲ ਉਦੇਸ਼, ਪਰਮਾਤਮਾ ਦੀ ਪਹਿਚਾਣ, ਅਹੰਕਾਰ ਤਿਆਗ ਅਤੇ ਵਿਸ਼ਵ ਭਰਾਤ੍ਰਿਤਾ ਬਾਰੇ ਆਪਣੇ ਪ੍ਰੇਰਣਾਦਾਇਕ ਵਿਚਾਰ ਸੈਕਟਰ-32ਡੀ ਚੰਡੀਗੜ੍ਹ ਦੇ ਮੈਦਾਨ ਵਿੱਚ ਆਯੋਜਿਤ ਵਿਸ਼ਾਲ ਨਿਰੰਕਾਰੀ ਸੰਤ ਸਮਾਗਮ ਵਿੱਚ ਸ਼ਾਹਬਾਦ ਮਾਰਕੰਡਾ ਤੋਂ ਪਹੁੰਚੇ ਜੋਨਲ ਇੰਚਾਰਜ ਸੁਰਿੰਦਰ ਪਾਲ ਜੀ ਨੇ ਹਜ਼ਾਰਾਂ ਦੀ ਸੰਖਿਆ ਵਿੱਚ ਮੌਜੂਦ ਸੰਗਤ ਨੂੰ ਸੰਬੋਧਨ ਕਰਦੇ ਹੋਏ ਪ੍ਰਗਟ ਕੀਤੇ। ਸੁਰਿੰਦਰ ਪਾਲ ਜੀ ਨੇ ਅੱਗੇ ਕਿਹਾ ਕਿ ਸੱਚੀ ਭਗਤੀ ਤਦੋਂ ਹੀ ਸੰਭਵ ਹੈ ਜਦੋਂ ਮਨੁੱਖ ਪਰਮਾਤਮਾ ਨੂੰ ਸਹੀ ਰੂਪ ਵਿੱਚ ਜਾਣ ਲੈਂਦਾ ਹੈ। ਧਾਰਮਿਕ ਗ੍ਰੰਥਾਂ ਦਾ ਜ਼ਿਕਰ ਕਰਦੇ ਹੋਏ ਉਨ੍ਹਾਂ ਕਿਹਾ ਕਿ “ਬਿਨ ਜਾਣੇ ਨ ਹੋਏ ਪ੍ਰੀਤਿ”, ਅਰਥਾਤ ਪਰਮਾਤਮਾ ਦੀ ਪਹਿਚਾਣ ਤੋਂ ਬਿਨਾਂ ਉਸ ਪ੍ਰਤੀ ਸੱਚਾ ਪ੍ਰੇਮ ਅਤੇ ਭਗਤੀ ਪੈਦਾ ਨਹੀਂ ਹੋ ਸਕਦੀ। ਉਨ੍ਹਾਂ ਕਿਹਾ ਕਿ ਪਰਮਾਤਮਾ ਕਿਸੇ ਖ਼ਾਸ ਸਥਾਨ, ਮੰਦਰ, ਮਸਜਿਦ ਜਾਂ ਤੀਰਥ ਤੱਕ ਸੀਮਿਤ ਨਹੀਂ, ਬਲਕਿ ਉਹ ਹਰ ਜੀਵ ਅਤੇ ਹਰ ਕਣ ਵਿੱਚ ਵੱਸਦਾ ਹੈ। ਲੋੜ ਸਿਰਫ਼ ਉਸਨੂੰ ਪਹਿਚਾਣਣ ਅਤੇ ਅਨੁਭਵ ਕਰਨ ਦੀ ਹੈ। ਜਦੋਂ ਮਨੁੱਖ ਸਤਿਗੁਰੂ ਦੀ ਕਿਰਪਾ ਨਾਲ ਇਸ ਸੱਚ ਨੂੰ ਜਾਣ ਲੈਂਦਾ ਹੈ, ਤਾਂ ਉਸ ਦੇ ਜੀਵਨ ਵਿੱਚ ਆਤਮਿਕ ਸ਼ਾਂਤੀ ਅਤੇ ਆਨੰਦ ਆਪਣੇ ਆਪ ਆ ਜਾਂਦੇ ਹਨ।
ਉਨ੍ਹਾਂ ਕਿਹਾ ਕਿ ਹਰ ਯੁੱਗ ਵਿੱਚ ਸਮੇਂ ਦਾ ਸਤਿਗੁਰੂ ਹੀ ਉਹ ਮਾਧਿਅਮ ਰਿਹਾ ਹੈ ਜਿਸ ਨੇ ਮਨੁੱਖ ਨੂੰ ਨਿਰਾਕਾਰ ਪ੍ਰਭੂ ਦੀ ਜਾਣਕਾਰੀ ਦੇ ਕੇ ਉਸ ਦੇ ਜੀਵਨ ਨੂੰ ਸਹੀ ਦਿਸ਼ਾ ਦਿੱਤੀ ਹੈ। ਵਰਤਮਾਨ ਸਮੇਂ ਵਿੱਚ ਸਤਿਗੁਰੂ ਮਾਤਾ ਸੁਦੀਕਸ਼ਾ ਜੀ ਮਹਾਰਾਜ ਦੁਆਰਾ ਸਮੂਹ ਮਨੁੱਖਤਾ ਨੂੰ ਪਰਮਾਤਮਾ ਦੀ ਪਹਿਚਾਣ ਕਰਵਾਈ ਜਾ ਰਹੀ ਹੈ, ਜਿਸ ਨਾਲ ਮਨੁੱਖ ਆਪਣੇ ਜੀਵਨ ਦੇ ਅਸਲ ਉਦੇਸ਼ ਨੂੰ ਸਮਝ ਸਕਦਾ ਹੈ। ਮਨੁੱਖ ਜੀਵਨ ਸਿਰਫ਼ ਸੰਸਾਰੀ ਉਪਲਬਧੀਆਂ ਅਤੇ ਭੌਤਿਕ ਸੁਖਾਂ ਤੱਕ ਸੀਮਿਤ ਨਹੀਂ, ਬਲਕਿ ਇਸ ਦਾ ਅਸਲ ਉਦੇਸ਼ ਪਰਮਾਤਮਾ ਨੂੰ ਜਾਣਨਾ, ਮਨੁੱਖਤਾ ਦੀ ਸੇਵਾ ਕਰਨੀ ਅਤੇ ਪ੍ਰੇਮ ਅਤੇ ਨਿਮਰਤਾ ਨਾਲ ਜੀਵਨ ਬਿਤਾਉਣਾ ਹੈ। ਉਨ੍ਹਾਂ ਕਿਹਾ ਕਿ ਅੱਜ ਦਾ ਮਨੁੱਖ ਪੂਜਾ-ਪਾਠ, ਤੀਰਥ ਯਾਤਰਾਵਾਂ ਅਤੇ ਧਾਰਮਿਕ ਪਰੰਪਰਾਵਾਂ ਵਿੱਚ ਸਮਾਂ ਬਿਤਾਉਂਦਾ ਹੈ, ਪਰ ਆਤਮਾ ਅਤੇ ਪਰਮਾਤਮਾ ਦੇ ਅਸਲ ਸੰਬੰਧ ਨੂੰ ਸਮਝਣ ਦੀ ਕੋਸ਼ਿਸ਼ ਘੱਟ ਕਰਦਾ ਹੈ। ਸੰਤ ਨਿਰੰਕਾਰੀ ਮਿਸ਼ਨ ਇਹੀ ਸੰਦੇਸ਼ ਦਿੰਦਾ ਹੈ ਕਿ ਜਦੋਂ ਮਨੁੱਖ ਸਤਿਗੁਰੂ ਦੀ ਕਿਰਪਾ ਨਾਲ ਪਰਮਾਤਮਾ ਨੂੰ ਜਾਣ ਲੈਂਦਾ ਹੈ, ਤਾਂ ਉਸ ਦੇ ਜੀਵਨ ਵਿਚੋਂ ਡਰ, ਚਿੰਤਾ ਅਤੇ ਅਸੁਰੱਖਿਆ ਦੀ ਭਾਵਨਾ ਖਤਮ ਹੋਣ ਲੱਗਦੀ ਹੈ।ਉਨ੍ਹਾਂ ਕਿਹਾ ਕਿ ਸਭ ਧਰਮਾਂ ਦਾ ਮੂਲ ਸੰਦੇਸ਼ ਪ੍ਰੇਮ, ਮਨੁੱਖਤਾ ਅਤੇ ਭਰਾਤ੍ਰਿਤਾ ਹੈ। ਚਾਹੇ ਕੋਈ ਈਸ਼ਵਰ ਕਹੇ, ਅੱਲਾਹ ਕਹੇ, ਵਾਹਿਗੁਰੂ ਕਹੇ ਜਾਂ ਗਾਡ ਕਹੇ, ਸਾਰੇ ਨਾਮ ਉਸੇ ਇਕ ਨਿਰਾਕਾਰ ਪਰਮਾਤਮਾ ਵੱਲ ਇਸ਼ਾਰਾ ਕਰਦੇ ਹਨ। ਇਸ ਲਈ ਮਨੁੱਖ ਨੂੰ ਧਰਮ, ਜਾਤੀ, ਭਾਸ਼ਾ ਜਾਂ ਖੇਤਰ ਦੇ ਆਧਾਰ ’ਤੇ ਭੇਦਭਾਵ ਤੋਂ ਉੱਪਰ ਉੱਠ ਕੇ ਪ੍ਰੇਮ ਅਤੇ ਸਦਭਾਵਨਾ ਦੇ ਰਾਹ ’ਤੇ ਚੱਲਣਾ ਚਾਹੀਦਾ ਹੈ। ਨਿਰੰਕਾਰੀ ਮਿਸ਼ਨ ਸਮੂਹ ਮਨੁੱਖਤਾ ਨੂੰ ਇੱਕ ਪਰਿਵਾਰ ਮੰਨਦਾ ਹੋਇਆ ਵਿਸ਼ਵ ਭਰਾਤ੍ਰਿਤਾ ਦਾ ਸੰਦੇਸ਼ ਦੇ ਰਿਹਾ ਹੈ। ਅਹੰਕਾਰ ਤਿਆਗ ਬਾਰੇ ਉਨ੍ਹਾਂ ਕਿਹਾ ਕਿ ਮਨੁੱਖ ਅਤੇ ਪਰਮਾਤਮਾ ਵਿਚਕਾਰ ਸਭ ਤੋਂ ਵੱਡੀ ਰੁਕਾਵਟ “ਮੈਂ” ਅਤੇ “ਮੇਰਾ” ਦੀ ਭਾਵਨਾ ਹੈ। ਸੇਵਾ ਅਹੰਕਾਰ ਤਿਆਗਣ ਦਾ ਸਭ ਤੋਂ ਸਰਲ ਮਾਰਗ ਹੈ। ਜਦੋਂ ਮਨੁੱਖ ਨਿਸ਼ਕਾਮ ਭਾਵ ਨਾਲ ਸੇਵਾ ਕਰਦਾ ਹੈ, ਤਾਂ ਉਸ ਦੇ ਅੰਦਰ ਨਿਮਰਤਾ ਵਿਕਸਿਤ ਹੁੰਦੀ ਹੈ। ਸਮਾਗਮ ਤੋਂ ਪਹਿਲਾਂ ਇਥੋਂ ਦੇ ਜੋਨਲ ਇੰਚਾਰਜ ਓ.ਪੀ. ਨਿਰੰਕਾਰੀ ਜੀ ਨੇ ਸੁਰਿੰਦਰ ਪਾਲ ਜੀ ਦਾ ਚੰਡੀਗੜ੍ਹ ਆਉਣ ’ਤੇ ਸਵਾਗਤ ਅਤੇ ਧੰਨਵਾਦ ਕੀਤਾ। ਇਸ ਮੌਕੇ ’ਤੇ ਹੋਰ ਵਕਤਾਵਾਂ ਨੇ ਵੀ ਆਪਣੇ ਵਿਚਾਰ ਪ੍ਰਗਟ ਕੀਤੇ। ਸਮਾਗਮ ਵਿੱਚ ਨਵਨੀਤ ਪਾਠਕ ਅਤੇ ਹੋਰ ਗਣਮਾਨਯ ਵੀ ਮੌਜੂਦ ਸਨ।
Comments
Post a Comment