ਅੱਜ 1 ਮਈ ਤੋਂ ਬਦਲ ਜਾਣਗੇ ਕਈ ਨਿਯਮ

ਚੰਡੀਗੜ੍ਹ 30 ਅਪ੍ਰੈਲ ( ਰਣਜੀਤ ਧਾਲੀਵਾਲ ) : ਕੱਲ੍ਹ ਤੋਂ ਮਈ ਮਹੀਨਾ ਸ਼ੁਰੂ ਹੋ ਰਿਹਾ ਹੈ। ਪਹਿਲੀ ਤਾਰੀਕ ਨੂੰ ਹੀ ਕਈ ਨਿਯਮਾਂ ਵਿੱਚ ਬਦਲਾਅ ਹੋਵੇਗਾ ਜਿਸ ਨਾਲ ਆਮ ਲੋਕ ਪ੍ਰਭਾਵਿਤ ਹੋਣਗੇ। 1 ਮਈ 2026 ਤੋਂ ਕਈ ਵੱਡੇ ਫਾਈਨੈਸ਼ੀਅਲ ਬਦਲਾਅ ਲਾਗੂ ਹੋਣਗੇ। ਕੱਲ੍ਹ ਤੋਂ ਹੋਣ ਵਾਲੇ ਬਦਲਾਅ ਵਿੱਚ ਰਸੋਈ ਗੈਸ ਦੀਆਂ ਕੀਮਤਾਂ, ਏਟੀਐਮ, ਕ੍ਰੇਡਿਟ ਕਾਰਡ, ਤੇਲ,ਯਾਤਰਾ ਅਤੇ ਆਨਲਾਈਨ ਗੇਮਾਂ ਤੱਕ ਦੇਖਣ ਨੂੰ ਮਿਲਣਗੇ।

ਭਾਰਤੀ ਰਜਿਰਵ ਬੈਂਕ (RBI) ਨੇ ਏਟੀਐਮ ਇੰਟਰਚੇਂਜ ਫੀਸ ਵਧਾਉਣ ਦੀ ਮਨਜ਼ੂਰੀ ਦੇ ਦਿੱਤੀ ਹੈ। ਹੁਣ ਮੁਫਤ ਟ੍ਰਾਂਜੈਕਸ਼ਨ ਲਿਮਿਟ ਖਤਮ ਹੋਣ ਦੇ ਬਾਅਦ ਹਰ ਵਾਰ ਕੈਸ਼ ਕੱਢਣ ਉਤੇ 23 ਰੁਪਏ ਦੇਣੇ ਹੋਣਗੇ, ਜੋ ਪਹਿਲਾਂ 21 ਰੁਪਏ ਸੀ। ਮੁਫਤ ਲਿਮਿਟ ਦੀ ਗੱਲ ਕੀਤੀ ਜਾਵੇ ਤਾਂ, ਆਪਣੇ ਬੈਂਕ ਦੇ ਏਟੀਐਮ ਉਤੇ ਹਰ ਮਹੀਨੇ 5 ਮੁਫਤ ਟ੍ਰਾਂਜੈਕਸ਼ਨ ਮਿਲਦੇ ਹਨ। ਦੂਜੇ ਬੈਂਕ ਦੇ ਏਟੀਐਮ ਉਤੇ ਮੇਟ੍ਰੋ ਸ਼ਹਿਰਾਂ ਵਿੱਚ 3 ਅਤੇ ਨਾਨ ਮੇਟ੍ਰੋ ਵਿੱਚ 5 ਫ੍ਰੀ ਟ੍ਰਾਂਜੈਕਸ਼ਨ ਮਿਲਦੇ ਹਨ। ਇਸ ਤੋਂ ਬਾਅਦ ਟ੍ਰਾਂਜੈਕਸ਼ਨ ਉਤੇ ਚਾਰਜ ਦੇਣਾ ਹੋਵੇਗਾ।

ਐਸਬੀਆਈ ਕਾਰਡ ਨਾਲ ਜੁੜੇ ਗ੍ਰਾਹਕਾਂ ਲਈ ਵੀ 1 ਮਈ ਤੋਂ ਨਵੇਂ ਨਿਯਮ ਲਾਗੂ ਹੋਣਗੇ, ਲੇਟ ਪੇਮੈਂਟ ਚਾਰਜ ਵਿਚ ਬਦਲਾਅ ਕੀਤਾ ਗਿਆ ਹੈ। 100 ਤੋਂ 500 ਰੁਪਏ ਤੱਕ ਦੇ ਬਕਾਏ ਉਤੇ 100 ਰੁਪਏ ਚਾਰਜ ਲਗੇਗਾ। 500 ਤੋਂ 1000 ਰੁਪਏ ਤੱਕ ਦੇ ਬਕਾਇਆ ਉਤੇ 500 ਰੁਪਏ ਫੀਸ ਦੇਣੀ ਹੋਵੇਗੀ। ਇਸ ਤੋਂ ਇਲਾਵਾ BPCL SBI Credit Card ਦੀ ਸਾਲਾਨਾ ਫੀਸ ਨਾਲ ਜੁੜੇ ਨਿਯਮ ਵੀ ਬਦਲੇ ਹੈ। ਹੁਣ 1 ਲੱਖ ਰੁਪਏ ਸਾਲਾਨਾ ਖਰਚ ਕਰਨ ਉਤੇ ਫੀਸ ਰਿਵਰਸ ਹੋਵੇਗੀ, ਜੋ ਪਹਿਲਾਂ 50,000 ਰੁਪਏ ਤੱਕ ਮਿਲਦੀ ਸੀ।

ਹਰ ਮਹੀਨੇ ਦੀ ਪਹਿਲੀ ਤਾਰੀਕ ਨੂੰ ਤੇਲ ਕੰਪਨੀਆਂ ਐਲਪੀਜੀ ਸਿਲੰਡਰ ਦੇ ਨਵੇਂ ਭਾਅ ਜਾਰੀ ਕਰਦੀ ਹੈ। ਇਸ ਵਾਰ ਵੀ 1 ਮਈ ਨੂੰ ਘਰੇਲੂ ਅਤੇ ਵਪਾਰਿਕ ਗੈਸ ਸਿਲੰਡਰ ਦੀਆਂ ਕੀਮਤਾਂ ਵਿੱਚ ਬਦਲਾਅ ਹੋ ਸਕਦਾ ਹੈ। ਪਿਛਲੇ ਮਹੀਨੇ ਕੀਮਤਾਂ ਵਿੱਚ ਵਾਧਾ ਹੋਇਆ ਸੀ, ਇਸ ਲਈ ਇਸ ਵਾਰ ਵੀ ਲੋਕਾਂ ਉਤੇ ਨਜ਼ਰ ਨਵੇਂ ਭਾਅ ਉਤੇ ਰਹੇਗੀ।

1 ਮਈ ਤੋਂ ਏਅਰ ਟਰਬਾਈਨ ਫਿਊਲ (ATF) ਭਾਵ ਹਵਾਈ ਜਹਾਜ਼ ਦੇ ਈਧਣ ਦੇ ਭਾਅ ਵਿੱਚ ਬਦਲੇ ਜਾ ਸਕਦੇ ਹਨ। ਇਸ ਦਾ ਸਿੱਧਾ ਅਸਰ ਹਵਾਈ ਯਾਤਰਾ ਦੀਆਂ ਕੀਮਤਾਂ ਉਤੇ ਪੈ ਸਕਦਾ ਹੈ। ਇਸ ਦੇ ਨਾਲ ਹੀ ਸੀਐਨਜੀ ਅਤੇ ਪੀਐਨਜੀ ਦੀਆਂ ਕੀਮਤਾਂ ਵਿੱਚ ਵੀ ਸੋਧ ਹੋ ਸਕਦਾ ਹੈ। ਅਜਿਹੇ ਵਿੱਚ ਕਾਰ ਚੱਲਣ ਵਾਲਿਆਂ ਅਤੇ ਗੈਸ ਨਾਲ ਜੁੜੇ ਕੰਮ ਕਰਨ ਵਾਲਿਆਂ ਦੇ ਖਰਚ ਵਿੱਚ ਬਦਲਾਅ ਆ ਸਕਦਾ ਹੈ।