ਹਾਰ ਦੇ ਡਰ ਤੋਂ ਲੋਕਤੰਤਰ ਦੀ ਹੱਤਿਆ ਕਰ ਰਹੀ ਮਾਨ ਸਰਕਾਰ — ਭਾਰਤ ਚੋਣ ਕਮਿਸ਼ਨ ਦੇ ਸਹੁੰ-ਪੱਤਰ ਨੇ ਪੂਰਾ ਝੂਠ ਬੇਨਕਾਬ ਕੀਤਾ, 12,280 ਮਸ਼ੀਨਾਂ ਜੈਪੁਰ ਤੋਂ ਰਵਾਨਾ : ਤਰੁਣ ਚੁੱਘ

ਹਾਰ ਦੇ ਡਰ ਤੋਂ ਲੋਕਤੰਤਰ ਦੀ ਹੱਤਿਆ ਕਰ ਰਹੀ ਮਾਨ ਸਰਕਾਰ — ਭਾਰਤ ਚੋਣ ਕਮਿਸ਼ਨ ਦੇ ਸਹੁੰ-ਪੱਤਰ ਨੇ ਪੂਰਾ ਝੂਠ ਬੇਨਕਾਬ ਕੀਤਾ, 12,280 ਮਸ਼ੀਨਾਂ ਜੈਪੁਰ ਤੋਂ ਰਵਾਨਾ : ਤਰੁਣ ਚੁੱਘ 

ਪੰਜਾਬ ਵਿੱਚ ਲੋਕਤੰਤਰ ਨੂੰ ਡੰਡਾਤੰਤਰ ਨਾਲ ਚਲਾਇਆ ਜਾ ਰਿਹਾ — ਇੱਕ ਵੀ ਵਾਅਦਾ ਪੂਰਾ ਨਾ ਕਰਨ ਵਾਲੀ ਮਾਨ ਸਰਕਾਰ ਹੁਣ ਜਨਾਦੇਸ਼ ਲੁੱਟਣ 'ਤੇ ਉੱਤਰੀ : ਤਰੁਣ ਚੁੱਘ 

ਈਵੀਐਮ ਸਨ, ਟਰੱਕ ਚੱਲ ਪਏ ਸਨ — ਫਿਰ ਵੀ ਝੂਠ ਬੋਲਦੇ ਰਹੇ, ਹੁਣ ਅਦਾਲਤ ਵਿੱਚ ਪੋਲ ਖੁੱਲ ਗਈ : ਤਰੁਣ ਚੁੱਘ 

ਜਨਾਦੇਸ਼ ਲੁੱਟਣ ਦੀ ਸਾਜ਼ਿਸ਼ ਬੇਨਕਾਬ — ਰੱਦ ਕੀਤੇ ਉਮੀਦਵਾਰਾਂ ਦੇ ਕਾਗਜ਼ ਬਹਾਲ ਕੀਤੇ ਜਾਣ, ਮਾਨ ਸਰਕਾਰ ਜਨਤਾ ਦਾ ਵਿਸ਼ਵਾਸ ਖੋਹ ਬੈਠੀ ਹੈ : ਤਰੁਣ ਚੁੱਘ 

ਚੰਡੀਗੜ੍ਹ 21 ਮਈ ( ਰਣਜੀਤ ਧਾਲੀਵਾਲ ) : ਭਾਰਤੀ ਜਨਤਾ ਪਾਰਟੀ ਦੇ ਰਾਸ਼ਟਰੀ ਮਹਾਸਚਿਵ ਤਰੁਣ ਚੁੱਘ ਨੇ ਕਿਹਾ ਕਿ ਪੰਜਾਬ ਦੀ ਭਗਵੰਤ ਮਾਨ ਸਰਕਾਰ ਆਪਣੀ ਹਾਰ ਦੇ ਡਰ ਤੋਂ ਅਤੇ ਜਨਤਾ ਦੇ ਮਨ ਵਿੱਚ ਉਹਨਾਂ ਦੇ ਪ੍ਰਤੀ ਪਨਪੀ ਨਫ਼ਰਤ ਤੋਂ ਬਚਣ ਵਾਸਤੇ ਲੋਕਤੰਤਰ ਦੀ ਹੱਤਿਆ ਕਰਨ 'ਤੇ ਉੱਤਰ ਆਈ ਹੈ। ਉਹਨਾਂ ਨੇ ਇੱਕ ਵੀ ਵਾਅਦਾ ਪੂਰਾ ਨਹੀਂ ਕੀਤਾ, ਜਨਤਾ ਦਾ ਵਿਸ਼ਵਾਸ ਗੁਆ ਲਿਆ ਅਤੇ ਹੁਣ ਉਸੇ ਜਨਤਾ ਦੇ ਵੋਟ ਨੂੰ ਲੁੱਟਣ ਲਈ ਪੰਜਾਬ ਦੇ ਅੰਦਰ ਲੋਕਤੰਤਰ ਨੂੰ ਡੰਡਾਤੰਤਰ ਨਾਲ ਚਲਾਇਆ ਜਾ ਰਿਹਾ ਹੈ। ਈਵੀਐਮ ਮਸ਼ੀਨਾਂ ਉਪਲਬਧ ਹੋਣ ਦੇ ਬਾਵਜੂਦ ਬੈਲਟ ਪੇਪਰ 'ਤੇ ਚੋਣਾਂ ਕਰਾਉਣ ਦਾ ਢੋਂਗ ਕੀਤਾ ਜਾ ਰਿਹਾ ਸੀ। ਤਰੁਣ ਚੁੱਘ ਨੇ ਕਿਹਾ ਕਿ ਅੱਜ ਭਾਰਤ ਚੋਣ ਕਮਿਸ਼ਨ ਨੇ ਪੰਜਾਬ-ਹਰਿਆਣਾ ਹਾਈਕੋਰਟ ਵਿੱਚ ਜੋ ਸਹੁੰ-ਪੱਤਰ ਦਿੱਤਾ ਅਤੇ ਪੱਤਰਾਂ ਦੀ ਪੂਰੀ ਡਿਟੇਲ ਸਾਹਮਣੇ ਰੱਖੀ, ਉਸ ਨੇ ਸਭ ਕੁਝ ਸਾਫ਼ ਕਰ ਦਿੱਤਾ। ਫ਼ਰਵਰੀ 2026 ਵਿੱਚ ਹੀ ਭਾਰਤ ਚੋਣ ਕਮਿਸ਼ਨ ਨੇ ਮਸ਼ੀਨਾਂ ਦੇਣ ਦੀ ਗੱਲ ਕਹਿ ਦਿੱਤੀ ਸੀ। ਪਰ ਪੰਜਾਬ ਸਰਕਾਰ ਈਵੀਐਮ ਦੀ ਕਮੀ ਦਾ ਬਹਾਨਾ ਲਾਉਂਦੀ ਰਹੀ। ਚੋਣ ਕਮਿਸ਼ਨ ਕਹਿੰਦਾ ਰਿਹਾ ਕਿ "ਈਵੀਐਮ ਲੈ ਜਾਓ" — ਪਰ ਪੰਜਾਬ ਸਰਕਾਰ ਲੈਣ ਨਹੀਂ ਆਈ। ਇਹ ਪ੍ਰਸ਼ਾਸਨਿਕ ਲਾਪਰਵਾਹੀ ਨਹੀਂ, ਇਹ ਜਾਣਬੁੱਝ ਕੇ ਰਚੀ ਗਈ ਸਾਜ਼ਿਸ਼ ਸੀ।

ਉਨ੍ਹਾਂ ਕਿਹਾ ਕਿ ਹੁਣ 12,280 ਮਸ਼ੀਨਾਂ ਚੋਣ ਕਮਿਸ਼ਨ ਨੇ ਜੈਪੁਰ ਤੋਂ ਕੱਲ੍ਹ ਰਾਤ ਨੂੰ ਚਲਾ ਦਿੱਤੀਆਂ ਜੋ ਅੱਜ ਦੁਪਹਿਰ ਤੱਕ ਪੰਜਾਬ ਪਹੁੰਚਣ ਵਾਲੀਆਂ ਹਨ। ਇਸ ਆਦੇਸ਼ ਅਤੇ ਇਸ ਸਹੁੰ-ਪੱਤਰ ਨਾਲ ਇਹ ਪੂਰੀ ਤਰ੍ਹਾਂ ਸਪੱਸ਼ਟ ਹੋ ਗਿਆ ਹੈ ਕਿ ਪੰਜਾਬ ਦੀ ਭਗਵੰਤ ਮਾਨ ਸਰਕਾਰ ਜਨਾਦੇਸ਼ ਲੁੱਟਣ ਦੀ ਕੋਸ਼ਿਸ਼ ਕਰ ਰਹੀ ਸੀ। ਉਨ੍ਹਾਂ ਦੀ ਪੋਲ ਖੁੱਲ ਗਈ ਹੈ ਕਿ ਕਿਸ ਤਰ੍ਹਾਂ ਝੂਠ ਦਾ ਅਡੰਬਰ ਬਣਾ ਕੇ ਪੰਜਾਬ ਦੇ ਨਾਗਰਿਕਾਂ ਦੇ ਮਤਾਧਿਕਾਰਾਂ ਨੂੰ ਛਿੰਨਣ ਦੀ ਕੋਸ਼ਿਸ਼ ਹੋ ਰਹੀ ਸੀ। ਤਰੁਣ ਚੁੱਘ ਨੇ ਪੰਜਾਬ ਸਰਕਾਰ ਅੱਗੇ ਅਪੀਲ ਕਰਦਿਆਂ ਕਿਹਾ ਕਿ ਹੁਣ ਈਵੀਐਮ ਆ ਗਈਆਂ ਹਨ — ਪੰਜਾਬ ਦੀ ਜਨਤਾ ਨੂੰ ਈਵੀਐਮ ਨਾਲ ਚੋਣਾਂ ਕਰਾਓ ਤਾਂ ਕਿ ਦੁੱਧ ਦਾ ਦੁੱਧ ਪਾਣੀ ਦਾ ਪਾਣੀ ਹੋ ਸਕੇ। ਪਾਰਦਰਸ਼ੀ ਚੋਣਾਂ ਨਾਲ ਹੀ ਜਨਤਾ ਦਾ ਅਸਲ ਫੈਸਲਾ ਬਿਨਾਂ ਕਿਸੇ ਹੇਰਾਫੇਰੀ ਦੇ ਸਾਹਮਣੇ ਆਵੇਗਾ। ਬੈਲਟ ਪੇਪਰ 'ਤੇ ਅੜੇ ਰਹਿਣਾ ਇਸ ਗੱਲ ਦਾ ਸਬੂਤ ਸੀ ਕਿ ਆਮ ਆਦਮੀ ਪਾਰਟੀ ਨੂੰ ਨਿਰਪੱਖ ਚੋਣਾਂ ਤੋਂ ਡਰ ਲੱਗਦਾ ਹੈ।

ਉਨ੍ਹਾਂ ਮਾਣਯੋਗ ਨਿਆਂਲੇ ਅੱਗੇ ਵਿਸ਼ੇਸ਼ ਅਪੀਲ ਕਰਦਿਆਂ ਕਿਹਾ ਕਿ ਜਿਨ੍ਹਾਂ ਉਮੀਦਵਾਰਾਂ ਦੇ ਕਾਗਜ਼ ਜਬਰੀ ਰੱਦ ਕੀਤੇ ਗਏ, ਜਿਨ੍ਹਾਂ ਨੂੰ ਜਬਰੀ ਪਿੱਛੇ ਹਟਾਇਆ ਗਿਆ ਅਤੇ ਜਿਨ੍ਹਾਂ ਨੂੰ ਚੋਣ ਲੜਨ ਤੋਂ ਰੋਕਿਆ ਗਿਆ — ਇਹ ਲੋਕਤੰਤਰ ਦੀ ਹੱਤਿਆ ਹੈ। ਉਹਨਾਂ ਸਾਰਿਆਂ ਨੂੰ ਮੌਕਾ ਦਿੱਤਾ ਜਾਣਾ ਚਾਹੀਦਾ ਹੈ ਅਤੇ ਚੋਣ ਕਮਿਸ਼ਨ ਉਹਨਾਂ ਸਾਰਿਆਂ ਦੇ ਕਾਗਜ਼ ਬਹਾਲ ਕਰੇ। ਜੋ ਸਹੁੰ-ਪੱਤਰ ਆਇਆ ਹੈ ਅਤੇ ਜੋ ਪੱਤਰਾਂ ਦੀ ਸ਼੍ਰਿੰਖਲਾ ਸਾਹਮਣੇ ਆਈ ਹੈ, ਉਸ ਤੋਂ ਸਪੱਸ਼ਟ ਹੁੰਦਾ ਹੈ ਕਿ ਆਮ ਆਦਮੀ ਪਾਰਟੀ ਪੰਜਾਬ ਦੀ ਜਨਤਾ ਦੇ ਜਨਾਦੇਸ਼ ਨੂੰ ਲੁੱਟਣ ਦਾ ਪ੍ਰਯਾਸ ਕਰ ਰਹੀ ਹੈ। ਤਰੁਣ ਚੁੱਘ ਨੇ ਕਿਹਾ ਕਿ ਪੰਜਾਬ ਦੀ ਆਮ ਆਦਮੀ ਪਾਰਟੀ ਅਤੇ ਭਗਵੰਤ ਮਾਨ ਦੀ ਸਰਕਾਰ ਵਾਅਦਾਖਿਲਾਫ਼ੀ ਅਤੇ ਨੌਸਿੱਖੀਏਪਣ ਕਾਰਨ ਜਨਤਾ ਦਾ ਵਿਸ਼ਵਾਸ ਪੂਰੀ ਤਰ੍ਹਾਂ ਖੋਹ ਬੈਠੀ ਹੈ ਅਤੇ ਇਸੇ ਪਿੱਛੇ ਉਹ ਜਨਤਾ ਦੇ ਵੋਟ ਨੂੰ ਲੁੱਟਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਅੱਜ ਦੇ ਇਸ ਸਹੁੰ-ਪੱਤਰ ਨੇ ਸਾਰੀਆਂ ਚੀਜ਼ਾਂ ਸਪੱਸ਼ਟ ਕਰ ਦਿੱਤੀਆਂ ਹਨ। ਭਾਜਪਾ ਮੰਗ ਕਰਦੀ ਹੈ ਕਿ ਪੰਜਾਬ ਵਿੱਚ ਨਗਰ ਨਿਗਮ ਚੋਣਾਂ ਈਵੀਐਮ ਰਾਹੀਂ ਹੀ ਕਰਵਾਈਆਂ ਜਾਣ, ਸਾਰੇ ਜਬਰੀ ਰੱਦ ਕੀਤੇ ਨਾਮਜ਼ਦਗੀ ਕਾਗਜ਼ ਬਹਾਲ ਕੀਤੇ ਜਾਣ ਅਤੇ ਭਗਵੰਤ ਮਾਨ ਸਰਕਾਰ ਨੂੰ ਪੰਜਾਬ ਦੇ ਲੋਕਤੰਤਰ ਵਿਰੁੱਧ ਇਸ ਸਾਜ਼ਿਸ਼ ਲਈ ਜਵਾਬਦੇਹ ਠਹਿਰਾਇਆ ਜਾਵੇ।