ਗਿਆਨੀ ਰਘਬੀਰ ਸਿੰਘ ਵੱਲੋਂ ਲਗਾਏ ਗਏ ਇਲਜ਼ਾਮਾਂ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਸ਼੍ਰੋਮਣੀ ਕਮੇਟੀ ਤੇ ਜਥੇਦਾਰ ਤੁਰੰਤ ਕਾਰਵਾਈ ਕਰਨ : ਸਰਨਾ ਚੰਡੀਗੜ੍ਹ 19 ਫਰਵਰੀ ( ਰਣਜੀਤ ਧਾਲੀਵਾਲ ) : ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਸਾਬਕਾ ਪ੍ਰਧਾਨ ਅਤੇ ਸ਼੍ਰੋਮਣੀ ਅਕਾਲੀ ਦਲ ਦਿੱਲੀ ਇਕਾਈ ਦੇ ਪ੍ਰਧਾਨ ਪਰਮਜੀਤ ਸਿੰਘ ਸਰਨਾ ਨੇ ਕਿਹਾ ਕਿ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਦੇ ਮੁੱਖ ਗ੍ਰੰਥੀ ਸਿੰਘ ਸਾਹਿਬ ਗਿਆਨੀ ਰਘਬੀਰ ਸਿੰਘ ਨੇ ਪ੍ਰੈਸ ਕਲੱਬ ਜਲੰਧਰ ਵਿਖੇ ਪੱਤਰਕਾਰਾਂ ਦੇ ਸਾਹਮਣੇ ਜੋ ਗੰਭੀਰ ਦੋਸ਼ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਉੱਪਰ ਲਗਾਏ ਹਨ ਉਸ ਨੂੰ ਦੇਖਦੇ ਹੋਏ ਸ਼੍ਰੋਮਣੀ ਕਮੇਟੀ ਅਤੇ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਤੁਰੰਤ ਕਾਰਵਾਈ ਕਰਨੀ ਚਾਹੀਦੀ ਹੈ । ਉਨ੍ਹਾਂ ਕਿਹਾ ਕਿ ਜੇਕਰ ਇਹ ਦੋਸ਼ ਸੱਚੇ ਹਨ ਤਾਂ ਦੋਸ਼ੀਆਂ ਵਿਰੁੱਧ ਬਣਦੀ ਕਾਰਵਾਈ ਕਰਨੀ ਬਣਦੀ ਹੈ। ਜੇਕਰ ਇਹ ਦੋਸ਼ ਬੇਬੁਨਿਆਦ ਹਨ ਤਾਂ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਗਿਆਨੀ ਰਘਬੀਰ ਸਿੰਘ ਤੇ ਕਾਰਵਾਈ ਕਰਨ ਲਈ ਕਿਸੇ ਵੀ ਤਰ੍ਹਾਂ ਦੀ ਝਿਜਕ ਨਾ ਕਰੇ। ਇਸ ਮਾਮਲੇ ਵਿਚ ਗਿਆਨੀ ਸੁਲਤਾਨ ਸਿੰਘ ਦੇ ਨਾਮ ਦੀ ਜੋ ਵਰਤੋਂ ਕੀਤੀ ਗਈ ਹੈ ਉਸ ਨੂੰ ਵੀ ਵਿਚਾਰਿਆ ਜਾਣਾ ਚਾਹੀਦਾ ਹੈ। ਇਸ ਦੇ ਨਾਲ ਹੀ ਇਹ ਕੇਸ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੂੰ ਸ੍ਰੀ ਅਕਾਲ ਤਖਤ ਸਾਹਿਬ ਦੀ ਸਰਪ੍ਰਸਤੀ ਹੇਠ ਦੇ ਦੇਣਾ ਚਾਹੀਦਾ ਹੈ।ਉਹਨਾਂ ਕਿਹਾ ਕਿ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਨੂੰ ਬੇਨਤ...
ਸਿੱਖ ਆਰਟਸ ਐਂਡ ਫਿਲਮ ਫੈਸਟੀਵਲ 2026 ਚੰਡੀਗੜ੍ਹ ਵਿੱਚ 28 ਫਰਵਰੀ ਨੂੰ - ਐਂਟਰੀ ਮੁਫ਼ਤ
ਯੂਕੇ ਦੇ ਐਸਟਨ ਮਾਰਟਿਨ 'ਤੇ ਦਸਤਾਵੇਜ਼ੀ "ਕਰਾਫਟਿੰਗ ਲੀਗੇਸੀ" 6 ਦੇਸ਼ਾਂ ਦੀਆਂ 25 ਫਿਲਮਾਂ ਵਿੱਚ ਸ਼ਾਮਲ
1,000 ਵਿਰਾਸਤੀ ਕਲਾਕ੍ਰਿਤੀਆਂ ਨੂੰ ਪ੍ਰਦਰਸ਼ਿਤ ਕਰਨ ਲਈ 13 ਪ੍ਰਦਰਸ਼ਨੀਆਂ : ਓਜਸਵੀ ਸ਼ਰਮਾ
ਚੰਡੀਗੜ੍ਹ 19 ਫਰਵਰੀ ( ਰਣਜੀਤ ਧਾਲੀਵਾਲ ) : ਚੰਡੀਗੜ੍ਹ ਵਿੱਚ 28 ਫਰਵਰੀ ਨੂੰ ‘ਸਿਖਲੈਂਸ: ਸਿਖ ਆਰਟਸ ਐਂਡ ਫਿਲਮ ਫੈਸਟਿਵਲ 2026’ ਦਾ ਭਵਿਆ ਆਗਾਜ਼ ਹੋਣ ਜਾ ਰਿਹਾ ਹੈ। ਆਪਣੀ 25ਵੀਂ ਗਲੋਬਲ ਵਰ੍ਹੇਗੰਢ ਅਤੇ ਭਾਰਤ ਵਿੱਚ 7ਵੇਂ ਸਾਲ ਦੇ ਮੌਕੇ ‘ਤੇ ਇਹ ਫੈਸਟਿਵਲ ਇੱਕ ਇਤਿਹਾਸਕ ਮੰਜ਼ਿਲ ‘ਤੇ ਪਹੁੰਚ ਗਿਆ ਹੈ। 2026 ਦੀ ਗਲੋਬਲ ਯਾਤਰਾ ਦੀ ਸ਼ੁਰੂਆਤ ਚੰਡੀਗੜ੍ਹ ਦੇ ਟੈਗੋਰ ਥੀਏਟਰ ਤੋਂ ਹੋਵੇਗੀ। ਇੱਕ ਦਿਨਾ ਇਹ ਸਮਾਗਮ ਸਵੇਰੇ 11 ਵਜੇ ਤੋਂ ਸ਼ਾਮ 8 ਵਜੇ ਤੱਕ ਚੱਲੇਗਾ ਅਤੇ ਪ੍ਰਵੇਸ਼ ਪੂਰੀ ਤਰ੍ਹਾਂ ਮੁਫ਼ਤ ਰਹੇਗਾ।
ਸਿਖਲੈਂਸ ਦੇ ਇੰਡੀਆ ਹੈੱਡ ਓਜਸਵੀ ਸ਼ਰਮਾ ਮੁਤਾਬਕ, ਇਸ ਸਾਲ ਪਹਿਲੀ ਵਾਰ ਅਮਰੀਕਾ, ਕੈਨੇਡਾ ਅਤੇ ਯੂਨਾਈਟਿਡ ਕਿੰਗਡਮ ਤੋਂ ਸਿਖਲੈਂਸ ਦੇ ਅੰਤਰਰਾਸ਼ਟਰੀ ਫੈਸਟਿਵਲ ਡਾਇਰੈਕਟਰ ਇਕੱਠੇ ਭਾਰਤ ਵਿੱਚ ਮੌਜੂਦ ਰਹਿਣਗੇ। ਇਹ ਗਲੋਬਲ ਮਿਲਾਪ ਸਿਖ ਕੇਂਦਰਿਤ ਸਿਨੇਮਾ ਅਤੇ ਕਲਾ ਨੂੰ ਨਵੀਂ ਦਿਸ਼ਾ ਦੇਵੇਗਾ ਅਤੇ ਉਭਰਦੇ ਫਿਲਮਕਾਰਾਂ ਤੇ ਕਲਾਕਾਰਾਂ ਨੂੰ ਅੰਤਰਰਾਸ਼ਟਰੀ ਮੰਚ ਪ੍ਰਦਾਨ ਕਰੇਗਾ। ਫੈਸਟਿਵਲ ਦਾ ਵਿਸ਼ੇਸ਼ ਆਕਰਸ਼ਣ ਯੂਕੇ ਵਿੱਚ ਤਿਆਰ ਕੀਤੀ ਡਾਕਯੂਮੈਂਟਰੀ “Crafting Legacy” ਦਾ ਭਾਰਤ ਵਿੱਚ ਖਾਸ ਪ੍ਰਦਰਸ਼ਨ ਹੈ, ਜੋ ਪ੍ਰਸਿੱਧ ਲਗਜ਼ਰੀ ਕਾਰ ਨਿਰਮਾਤਾ ਕੰਪਨੀ Aston Martin ਦੇ ਲੀਡ ਇੰਜੀਨੀਅਰ ਅਤੇ ਆਵਿਸ਼ਕਾਰਕ ਬਾਲ ਛੋੜਾ ਦੇ ਕੰਮ ‘ਤੇ ਆਧਾਰਿਤ ਹੈ।
ਇਸ ਮੌਕੇ ‘ਤੇ ਪੁਸਤਕ “The Legend of 1972: Life, Hockey and Beyond” ਦਾ ਵੀ ਵਿਮੋਚਨ ਕੀਤਾ ਜਾਵੇਗਾ, ਜੋ ਓਲੰਪਿਅਨ Kuldeep Singh Bhogal ਅਤੇ 1972 Munich Olympics ਵਿੱਚ ਉਨ੍ਹਾਂ ਦੇ ਯੋਗਦਾਨ ਨੂੰ ਸਮਰਪਿਤ ਹੈ। ਪ੍ਰੋਗਰਾਮ ਦੌਰਾਨ ਸਿਖਲੈਂਸ 2026 ਆਰਟ ਕੈਲੰਡਰ ਦਾ ਅਨਾਵਰਣ ਵੀ ਕੀਤਾ ਜਾਵੇਗਾ। ਇਸ ਵਿੱਚ ਲਿਵਰਪੂਲ ਦੀ ਪ੍ਰਸਿੱਧ ਕਲਾਕਾਰ ਜੋੜੀ Singh Twins ਦੀ ਪ੍ਰਦਰਸ਼ਨੀ ਵੀ ਸ਼ਾਮਲ ਹੋਵੇਗੀ।
ਫੈਸਟਿਵਲ ਵਿੱਚ ਛੇ ਦੇਸ਼ਾਂ ਦੀਆਂ 25 ਤੋਂ ਵੱਧ ਫਿਲਮਾਂ ਦਾ ਪ੍ਰਦਰਸ਼ਨ ਕੀਤਾ ਜਾਵੇਗਾ। ਇਸ ਦੇ ਨਾਲ 13 ਵਿਸ਼ੇਸ਼ ਪ੍ਰਦਰਸ਼ਨੀਆਂ ਲਗਾਈਆਂ ਜਾਣਗੀਆਂ, ਜਿਨ੍ਹਾਂ ਵਿੱਚ ਸਿਖ ਸਮਰਾਜ ਕਾਲ ਦੇ ਪ੍ਰਾਚੀਨ ਸਿੱਕੇ, ਪਾਂਡੂਲਿਪੀਆਂ, ਲਘੁਚਿੱਤਰ ਕਲਾ, ਦੁਲਭ ਪੁਸਤਕਾਂ ਅਤੇ ਹੋਰ ਵਿਰਾਸਤੀ ਵਸਤੂਆਂ ਸ਼ਾਮਲ ਹੋਣਗੀਆਂ। ਕੁੱਲ ਮਿਲਾ ਕੇ 1000 ਤੋਂ ਵੱਧ ਵਿਰਾਸਤੀ ਨਮੂਨੇ ਦਰਸ਼ਕਾਂ ਲਈ ਆਕਰਸ਼ਣ ਦਾ ਕੇਂਦਰ ਬਣਣਗੇ। ਫੈਸਟਿਵਲ ਡਾਇਰੈਕਟਰੇਟ ਵੱਲੋਂ ਮੀਡੀਆ ਪ੍ਰਤੀਨਿਧੀਆਂ ਨੂੰ ਇਸ ਗਲੋਬਲ ਆਯੋਜਨ ਦੀ ਕਵਰੇਜ ਲਈ ਸੱਦਾ ਦਿੱਤਾ ਗਿਆ ਹੈ।
Comments
Post a Comment