AAP’s last-minute optics cannot hide ground reality : Raja Warring “Real workers ignored, millionaires rewarded — now party scrambling to save face” “Rajya Sabha exits just the beginning, more cracks to emerge soon” Chandigarh 29 April ( Ranjeet Singh Dhaliwal ) : Punjab Congress President Amarinder Singh Raja Warring today slammed the Aam Aadmi Party over its recent organisational exercise, calling it a desperate attempt to revive sinking morale within the party cadre.Warring said that the so-called large-scale meeting of observers in Jalandhar is nothing but a damage-control exercise, coming at a time when the party is facing serious internal turmoil and loss of credibility. He said, “*AAP is trying to create an artificial show of strength, but the reality on the ground is very different*. People of Punjab have already seen through their false promises and governance failures. No amount of staged meetings can change that.” Taking a direct swipe, Warring added that the party is now tr...
ਪੰਜਾਬ ਵਿਧਾਨ ਸਭਾ ਦਾ ਵਿਸ਼ੇਸ਼ ਸੈਸ਼ਨ ਸਿਰਫ਼ ਸਿਆਸੀ ਸਰਕਸ ਅਤੇ ਮਾਨ ਸਰਕਾਰ ਦੀ ਨਾਕਾਮੀ ਤੇ ਵਾਅਦਾ ਖ਼ਿਲਾਫ਼ੀ ਤੋਂ ਉਪਜੇ ਜਨ ਆਕਰੋਸ਼ ਤੋਂ ਧਿਆਨ ਭਟਕਾਉਣ ਦੀ ਕੋਸ਼ਿਸ਼ : ਤਰੁਣ ਚੁੱਘ
ਪੰਜਾਬ ਵਿਧਾਨ ਸਭਾ ਦਾ ਵਿਸ਼ੇਸ਼ ਸੈਸ਼ਨ ਸਿਰਫ਼ ਸਿਆਸੀ ਸਰਕਸ ਅਤੇ ਮਾਨ ਸਰਕਾਰ ਦੀ ਨਾਕਾਮੀ ਤੇ ਵਾਅਦਾ ਖ਼ਿਲਾਫ਼ੀ ਤੋਂ ਉਪਜੇ ਜਨ ਆਕਰੋਸ਼ ਤੋਂ ਧਿਆਨ ਭਟਕਾਉਣ ਦੀ ਕੋਸ਼ਿਸ਼ : ਤਰੁਣ ਚੁੱਘ
ਭਗਵੰਤ ਮਾਨ ਆਪਣੇ ਚਾਰ ਸਾਲਾਂ ਦੇ ਫੇਲ ਮਾਡਲ ਦਾ ਹਿਸਾਬ ਦੇਣ
ਬਾਜਵਾ ਵਿਰੋਧੀ ਧਿਰ ਦੀ ਭੂਮਿਕਾ ਨਿਭਾਉਣ; ਆਪ ਕਾਂਗਰਸ ਦੇ ਪਾਪਾਂ ਨਾਲ ਪੈਦਾ ਹੋਈ ਪਾਰਟੀ : ਚੁੱਘ
ਚੰਡੀਗੜ੍ਹ 29 ਅਪ੍ਰੈਲ ( ਰਣਜੀਤ ਧਾਲੀਵਾਲ ) : ਭਾਜਪਾ ਦੇ ਰਾਸ਼ਟਰੀ ਮਹਾਮੰਤਰੀ ਤਰੁਣ ਚੁੱਘ ਨੇ 1 ਮਈ ਨੂੰ ਮੁੱਖ ਮੰਤਰੀ ਭਗਵੰਤ ਮਾਨ ਵੱਲੋਂ ਬੁਲਾਏ ਗਏ ਵਿਧਾਨ ਸਭਾ ਦੇ ਵਿਸ਼ੇਸ਼ ਸੈਸ਼ਨ ਨੂੰ “ਖ਼ਜ਼ਾਨੇ ਦੀ ਬਰਬਾਦੀ ਅਤੇ ਸਿਰਫ਼ ਸਿਆਸੀ ਸਰਕਸ” ਕਰਾਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਮਾਨ ਸਰਕਾਰ ਆਪਣੀ ਟੁੱਟ ਰਹੀ ਪਾਰਟੀ ਅਤੇ ਡਗਮਗਾਉਂਦੇ ਵਿਧਾਇਕਾਂ ਨੂੰ ਸੰਭਾਲਣ ਦੇ ਨਾਲ ਨਾਲ ਆਪਣੀ ਨਾਕਾਮੀ, ਨਲਾਇਕੀ, ਵਾਅਦਾ ਖ਼ਿਲਾਫ਼ੀ, ਮਾਫੀਆ ਰਾਜ, ਗੈਂਗਸਟਰ ਰਾਜ ਅਤੇ ਉਗਾਹੀ ਤੰਤਰ ਤੋਂ ਪੈਦਾ ਹੋਏ ਜਨ ਆਕਰੋਸ਼ ਤੋਂ ਧਿਆਨ ਹਟਾਉਣ ਲਈ ਵਿਧਾਨ ਸਭਾ ਵਰਗੇ ਪਵਿੱਤਰ ਸਦਨ ਦੀ ਦੁਰਵਰਤੋਂ ਕਰ ਰਹੀ ਹੈ।
ਚੁੱਘ ਨੇ ਕਿਹਾ, “ਮਾਨ ਸਾਹਿਬ ਪਹਿਲਾਂ ਇਹ ਦੱਸਣ ਕਿ ਚਾਰ ਸਾਲਾਂ ਵਿੱਚ ‘ਬਦਲਾਅ’ ਦੇ ਨਾਂ ’ਤੇ ਕੀ ਦਿੱਤਾ। ਭ੍ਰਿਸ਼ਟਾਚਾਰ, ਕਾਨੂੰਨ ਵਿਵਸਥਾ ਦੀ ਨਾਕਾਮੀ ਅਤੇ ਅੰਦਰੂਨੀ ਟਕਰਾਅ ਨੇ ਤੁਹਾਡੀ ਸਰਕਾਰ ਨੂੰ ਅਣਵਿਸ਼ਵਾਸ ਵਿੱਚ ਧੱਕ ਦਿੱਤਾ ਹੈ।” ਉਨ੍ਹਾਂ ਕਿਹਾ ਕਿ ਜੇ ਸਰਕਾਰ ਗੰਭੀਰ ਹੈ ਤਾਂ ਮਜ਼ਦੂਰ ਦਿਵਸ ’ਤੇ ਨਾਟਕਬਾਜ਼ੀ ਛੱਡ ਕੇ ਕਰਮਚਾਰੀਆਂ ਦੇ ਡੀਏ ਅਤੇ ਬਕਾਇਆ ਲਈ Rs. 15,000 ਕਰੋੜ ਤੁਰੰਤ ਜਾਰੀ ਕਰੇ। ਕਾਂਗਰਸ ਅਤੇ ਆਮ ਆਦਮੀ ਪਾਰਟੀ ’ਤੇ ਹਮਲਾ ਕਰਦੇ ਹੋਏ ਚੁੱਘ ਨੇ ਕਿਹਾ ਕਿ ਦੋਵੇਂ ਪਾਰਟੀਆਂ ਪੰਜਾਬ ਵਿੱਚ “ਨੂਰਾ ਕੁਸ਼ਤੀ” ਖੇਡ ਰਹੀਆਂ ਹਨ। “ਦਿੱਲੀ ਵਿੱਚ ਦੋਸਤੀ ਅਤੇ ਪੰਜਾਬ ਵਿੱਚ ਵਿਰੋਧ ਦਾ ਨਾਟਕ ਕਰਕੇ ਲੋਕਾਂ ਨੂੰ ਗੁੰਮਰਾਹ ਕੀਤਾ ਜਾ ਰਿਹਾ ਹੈ। ਕਾਂਗਰਸ ਪੂਰੀ ਤਰ੍ਹਾਂ ਨਾਕਾਮ ਵਿਰੋਧੀ ਧਿਰ ਸਾਬਤ ਹੋਈ ਹੈ।”
ਵਿਰੋਧੀ ਧਿਰ ਦੇ ਨੇਤਾ ਪ੍ਰਤਾਪ ਸਿੰਘ ਬਾਜਵਾ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਉਨ੍ਹਾਂ ਕਿਹਾ, “ਬਾਜਵਾ ਸਾਹਿਬ, ਮੁੱਖ ਮੰਤਰੀ ਦੇ ਚੁਟਕਲਿਆਂ ’ਤੇ ਤਾਲੀਆਂ ਮਾਰਣ ਦੀ ਬਜਾਏ ਲੋਕਾਂ ਦੇ ਮਸਲੇ ਉਠਾਓ। ਤੁਹਾਨੂੰ ਸਰਕਾਰ ਤੋਂ ਸਵਾਲ ਪੁੱਛਣ ਲਈ ਚੁਣਿਆ ਗਿਆ ਹੈ, ਨਾ ਕਿ ਆਪ ਦੀ ਲੁੱਟ ਦੀ ਸਕ੍ਰਿਪਟ ਦਾ ਹਿੱਸਾ ਬਣਨ ਲਈ।” ਚੁੱਘ ਨੇ ਕਿਹਾ, “ਸੱਚ ਇਹ ਹੈ ਕਿ ਆਪ ਕਾਂਗਰਸ ਦੇ ਪਾਪਾਂ ਤੋਂ ਜੰਮੀ ਪਾਰਟੀ ਹੈ ਅਤੇ ਕਾਂਗਰਸ ਦੇ ਸਮਰਥਨ ਨਾਲ ਦਿੱਲੀ ਵਿੱਚ ਸੱਤਾ ਵਿੱਚ ਆਈ। ਇਹ ਵੀ ਜਾਣਿਆ ਹੋਇਆ ਹੈ ਕਿ 2024 ਦੀਆਂ ਲੋਕ ਸਭਾ ਚੋਣਾਂ ਵਿੱਚ ਦੋਵੇਂ ਪਾਰਟੀਆਂ ਇਕੱਠਿਆਂ ਲੜੀਆਂ।”
‘ਗੱਦਾਰ’ ਦੇ ਮਾਮਲੇ ’ਤੇ ਚੁੱਘ ਨੇ ਕਿਹਾ, “ਪੰਜਾਬ ਜਾਣਦਾ ਹੈ ਅਸਲੀ ਗੱਦਾਰ ਕੌਣ ਹਨ। ਉਹ ਜਿਨ੍ਹਾਂ ਨੇ ਪੰਜਾਬ ਦੇ ਸੁਪਨੇ ਕੁਚਲੇ, ਖਨਨ ਮਾਫੀਆ ਰਾਹੀਂ Rs. 20,000 ਕਰੋੜ ਲੁੱਟੇ, ਅਤੇ ਨੌਜਵਾਨਾਂ ਦਾ ਭਵਿੱਖ ਬਰਬਾਦ ਕੀਤਾ।” ਉਨ੍ਹਾਂ ਕਿਹਾ ਕਿ “50 ਮਹੀਨੇ ਬੀਤ ਜਾਣ ਦੇ ਬਾਵਜੂਦ ਔਰਤਾਂ ਨੂੰ ਵਾਅਦਾ ਕੀਤਾ ਪੈਸਾ ਨਹੀਂ ਮਿਲਿਆ, ਹਜ਼ਾਰਾਂ ਕਰੋੜ ਦਾ ਬਕਾਇਆ ਲਟਕ ਰਿਹਾ ਹੈ। ਕਿਸਾਨਾਂ ਨਾਲ ਕੀਤੇ MSP ਅਤੇ ਕਰਜ਼ ਮਾਫੀ ਦੇ ਵਾਅਦੇ ਪੂਰੇ ਨਹੀਂ ਹੋਏ। ਸਿੱਖਿਆ ਅਤੇ ਸਿਹਤ ਕ੍ਰਾਂਤੀ ਸਿਰਫ਼ ਝੂਠ ਸਾਬਤ ਹੋਈ ਹੈ।”
ਚੁੱਘ ਨੇ ਦੋਸ਼ ਲਾਇਆ ਕਿ “ਅੱਜ ਪੰਜਾਬ ’ਤੇ Rs. 4.75 ਲੱਖ ਕਰੋੜ ਦਾ ਕਰਜ਼ਾ ਚੜ੍ਹਾ ਦਿੱਤਾ ਗਿਆ ਹੈ ਅਤੇ ਰਾਜ ਨੂੰ ਪਿੱਛੇ ਧੱਕ ਦਿੱਤਾ ਗਿਆ ਹੈ।” ਉਨ੍ਹਾਂ ਕਿਹਾ ਕਿ ਆਮ ਆਦਮੀ ਪਾਰਟੀ ਅੰਦਰੋਂ ਟੁੱਟ ਰਹੀ ਹੈ ਅਤੇ ਇਸਦੇ ਬੁਨਿਆਦੀ ਨੇਤਾ ਵੀ ਛੱਡ ਚੁੱਕੇ ਹਨ। ਨਿਆਂ ਪ੍ਰਣਾਲੀ ’ਤੇ ਸਵਾਲ ਉਠਾਉਣ ਸਬੰਧੀ ਉਨ੍ਹਾਂ ਕਿਹਾ, “ਭਾਰਤ ਦਾ ਲੋਕਤੰਤਰ ਕਿਸੇ ਮੁਲਜ਼ਮ ਦੀ ਮਰਜ਼ੀ ਨਾਲ ਨਹੀਂ ਚਲਦਾ। ਇਹ ਸੰਵਿਧਾਨ ਅਤੇ ਨਿਆਂ ਪ੍ਰਕਿਰਿਆ ਨਾਲ ਚਲਦਾ ਹੈ। ਅਦਾਲਤ ਤੈਅ ਕਰੇਗੀ ਕਿ ਨਿਆਂ ਕਿਵੇਂ ਹੋਵੇਗਾ।” ਅੰਤ ਵਿੱਚ ਉਨ੍ਹਾਂ ਕਿਹਾ ਕਿ ਪੰਜਾਬ ਦੀ ਜਨਤਾ ਸਭ ਕੁਝ ਦੇਖ ਰਹੀ ਹੈ ਅਤੇ 2027 ਵਿੱਚ ਆਪ ਅਤੇ ਕਾਂਗਰਸ ਦੋਵਾਂ ਨੂੰ ਕਰਾਰਾ ਜਵਾਬ ਦੇਵੇਗੀ।
Comments
Post a Comment