Former Health Minister Balbir Singh Sidhu Hands Over Appointment Letter to Narinder Pal Singh as District Vice President of OBC Cell Bringing hardworking and honest leaders forward to strengthen the party organization is the main need of the hour : Balbir Singh Sidhu OBC Cell Chairman Rajinder Singh Dharamgarh also made a special appearance S.A.S. Nagar 22 June ( Ranjeet Singh Dhaliwal ) : Following the guidelines of the Punjab Pradesh Congress Committee and upholding the vision of the party high command, Punjab’s former Health Minister, Balbir Singh Sidhu, handed over the appointment letter to senior leader Narinder Pal Singh as the District Vice President of the OBC Cell during a special event today. This appointment has been made under the leadership and directives of the Punjab Pradesh Congress Committee President, Amrinder Singh Raja Warring, with the objective of making the party structure more active and stronger at the grassroots level. On the occasion of handing over the appoi...
ਪੰਜਾਬ ਯੂਨੀਵਰਸਿਟੀ, ਚੰਡੀਗੜ੍ਹ ਵਿੱਚ ਆਧਾਰ ਪ੍ਰਮਾਣੀਕਰਣ ਈਕੋਸਿਸਟਮ ‘ਤੇ ਰਾਜ ਪੱਧਰੀ ਇੱਕ ਦਿਨ ਦਾ ਮੈਗਾ ਸਿਖਲਾਈ ਪ੍ਰੋਗਰਾਮ ਆਯੋਜਿਤ
ਪੰਜਾਬ ਯੂਨੀਵਰਸਿਟੀ, ਚੰਡੀਗੜ੍ਹ ਵਿੱਚ ਆਧਾਰ ਪ੍ਰਮਾਣੀਕਰਣ ਈਕੋਸਿਸਟਮ ‘ਤੇ ਰਾਜ ਪੱਧਰੀ ਇੱਕ ਦਿਨ ਦਾ ਮੈਗਾ ਸਿਖਲਾਈ ਪ੍ਰੋਗਰਾਮ ਆਯੋਜਿਤ
ਚੰਡੀਗੜ੍ਹ 22 ਜੂਨ ( ਰਣਜੀਤ ਧਾਲੀਵਾਲ ) : ਭਾਰਤੀ ਵਿਲੱਖਣ ਪਛਾਣ ਅਥਾਰਿਟੀ (ਯੂਆਈਡੀਏਆਈ), ਖੇਤਰੀ ਦਫ਼ਤਰ ਚੰਡੀਗੜ੍ਹ ਦੁਆਰਾ ਅੱਜ ਪੰਜਾਬ ਯੂਨੀਵਰਸਿਟੀ, ਚੰਡੀਗੜ੍ਹ ਦੇ ਰਾਜੀਵ ਗਾਂਧੀ ਕਾਨਫਰੰਸ ਹਾਲ ਵਿੱਚ ਆਧਾਰ ਪ੍ਰਮਾਣੀਕਰਣ ਈਕੋਸਿਸਟਮ (Aadhaar Authentication Ecosystem) ‘ਤੇ ਇੱਕ ਦਿਨ ਦੀ ਰਾਜ ਪੱਧਰੀ ਮੈਗਾ ਸਿਖਲਾਈ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ। ਸਿਖਲਾਈ ਪ੍ਰੋਗਰਾਮ ਦਾ ਉਦਘਾਟਨ ਯੂਆਈਡੀਏਆਈ ਖੇਤਰੀ ਦਫ਼ਤਰ, ਚੰਡੀਗੜ੍ਹ ਦੇ ਡਾਇਰੈਕਟਰ ਸੋਨੂ ਕੁਮਾਰ ਕੋਠਾਰੀ ਨੇ ਕੀਤਾ। ਇਸ ਪ੍ਰੋਗਰਾਮ ਵਿੱਚ ਵੱਖ ਵੱਖ ਵਿਭਾਗਾਂ ਅਤੇ ਸੰਸਥਾਵਾਂ ਦੇ ਲਗਭਗ 140 ਅਧਿਕਾਰੀਆਂ ਅਤੇ ਪ੍ਰਤੀਨਿਧੀਆਂ ਨੇ ਉਤਸ਼ਾਹਪੂਰਨ ਹਿੱਸਾ ਲਿਆ। ਇਨ੍ਹਾਂ ਵਿੱਚ ਪੰਜਾਬ ਦੇ ਖੁਰਾਕ, ਨਾਗਰਿਕ ਸਪਲਾਈ ਅਤੇ ਉਪਭੋਗਤਾ ਮਾਮਲੇ ਵਿਭਾਗ, ਹਰਿਆਣਾ ਖੁਰਾਕ ਅਤੇ ਨਾਗਰਿਕ ਸਪਲਾਈ ਵਿਭਾਗ, ਚੰਡੀਗੜ੍ਹ ਆਬਕਾਰੀ ਵਿਭਾਗ, ਜ਼ਿਲ੍ਹਾ ਸੈਨਿਕ ਭਲਾਈ ਵਿਭਾਗ ਚੰਡੀਗੜ੍ਹ, ਸਿਹਤ ਵਿਭਾਗ, ਐੱਸਬੀਆਈ ਕਾਰਡ, ਸਰਵ ਹਰਿਆਣਾ ਗ੍ਰਾਮੀਣ ਬੈਂਕ (ਐੱਸਐੱਚਜੀਬੀ), ਪੰਜਾਬ ਗ੍ਰਾਮੀਣ ਬੈਂਕ (ਪੀਜੀਬੀ), ਕੈਪੀਟਲ ਸਮਾਲ ਫਾਈਨੈਂਸ ਬੈਂਕ, ਏਅਰਟੇਲ ਪੇਅਮੈਂਟਸ ਬੈਂਕ, ਇੰਡੀਆ ਪੋਸਟ ਪੇਅਮੈਂਟਸ ਬੈਂਕ (ਆਈਪੀਪੀਬੀ) ਅਤੇ ਆਧਾਰ ਈਕੋਸਿਸਟਮ ਨਾਲ ਜੁੜੇ ਹੋਰ ਹਿਤਧਾਰਕ ਸ਼ਾਮਲ ਰਹੇ।
ਸਿਖਲਾਈ ਪ੍ਰੋਗਰਾਮ ਦਾ ਉਦੇਸ਼ ਆਧਾਰ ਪ੍ਰਮਾਣੀਕਣ ਸੇਵਾਵਾਂ, ਉਨ੍ਹਾਂ ਦੀਆਂ ਅਰਜ਼ੀਆਂ, ਰੈਗੁਲੇਟਰੀ ਢਾਂਚੇ, ਸੁਰੱਖਿਆ ਵਿਸ਼ੇਸ਼ਤਾਵਾਂ ਅਤੇ ਉਨ੍ਹਾਂ ਦੇ ਪ੍ਰਭਾਵੀ ਲਾਗੂਕਰਨ ਲਈ ਅਪਣਾਈ ਜਾਣ ਵਾਲੀਆਂ ਸਭ ਤੋਂ ਉੱਤਮ ਪ੍ਰਕਿਰਿਆਵਾਂ ਦੇ ਸਬੰਧ ਵਿੱਚ ਜਾਗਰੂਕਤਾ ਅਤੇ ਸਮਝ ਨੂੰ ਵਧਾਉਣਾ ਸੀ। ਪ੍ਰਤੀਭਾਗੀਆਂ ਨੂੰ ਵਿਭਿੰਨ ਸਰਕਾਰੀ ਯੋਜਨਾਵਾਂ ਅਤੇ ਨਾਗਰਿਕ-ਕੇਂਦ੍ਰਿਤ ਸੇਵਾਵਾਂ ਵਿੱਚ ਸੇਵਾ ਵੰਡ, ਪਾਰਦਰਸ਼ਿਤਾ ਅਤੇ ਲਾਭਾਰਥੀਆਂ ਦੇ ਵੈਰੀਫਿਕੇਸ਼ਨ ਨੂੰ ਮਜ਼ਬੂਤ ਬਣਾਉਣ ਵਿੱਚ ਆਧਾਰ ਪ੍ਰਮਾਣੀਕਰਣ ਦੀ ਭੂਮਿਕਾ ਤੋਂ ਜਾਣੂ ਕਰਵਾਇਆ ਗਿਆ। ਪ੍ਰੋਗਰਾਮ ਦੌਰਾਨ ਯੂਆਈਡੀਏਆਈ, ਚੰਡੀਗੜ੍ਹ ਦੇ ਪ੍ਰੋਜੈਕਟ ਮੈਨੇਜਰ ਰਮਨਪ੍ਰੀਤ ਸਿੰਘ ਅਤੇ ਸਹਾਇਕ ਮੈਨੇਜਰ (ਪਾਲਣਾ) ਕੁਲਦੀਪ ਸ਼ਰਮਾ ਨੇ ਭਾਗੀਦਾਰਾਂ ਨਾਲ ਗੱਲਬਾਤ ਕੀਤੀ ਅਤੇ ਪ੍ਰਮਾਣੀਕਰਣ ਪ੍ਰਕਿਰਿਆਵਾਂ ਅਤੇ ਸੰਚਾਲਨ ਸਬੰਧੀ ਚੁਣੌਤੀਆਂ ਨਾਲ ਜੁੜੇ ਉਨ੍ਹਾਂ ਦੇ ਸਵਾਲਾਂ ਦਾ ਸਮਾਧਾਨ ਕੀਤਾ। ਇਸ ਮੌਕੇ 'ਤੇ ਆਧਾਰ ਪ੍ਰਮਾਣੀਕਰਣ ਸੇਵਾਵਾਂ ਦਾ ਲਾਈਵ ਪ੍ਰਦਰਸ਼ਨ ਵੀ ਕੀਤਾ ਗਿਆ, ਜਿਸ ਨਾਲ ਭਾਗੀਦਾਰਾਂ ਨੂੰ ਪ੍ਰਮਾਣੀਕਰਣ ਪ੍ਰਕਿਰਿਆ ਅਤੇ ਉਸ ਦੇ ਵਿਵਹਾਰਕ ਵਰਤੋਂ ਦੀ ਪ੍ਰਤੱਖ ਜਾਣਕਾਰੀ ਹਾਸਲ ਹੋਈ।
ਪ੍ਰੋਗਰਾਮ ਅਧੀਨ ਆਯੋਜਿਤ ਇੰਟਰਐਕਟਿਵ ਸੈਸ਼ਨ ਨੇ ਭਾਗੀਦਾਰਾਂ ਨੂੰ ਆਧਾਰ ਪ੍ਰਮਾਣੀਕਰਣ ਈਕੋਸਿਸਟਮ ਦੀ ਡੂੰਘੀ ਸਮਝ ਪ੍ਰਦਾਨ ਕੀਤੀ ਅਤੇ ਆਧਾਰ ਸੇਵਾਵਾਂ ਦੀ ਵਰਤੋਂ ਕਰਨ ਵਾਲੇ ਵੱਖ-ਵੱਖ ਵਿਭਾਗਾਂ ਵਿੱਚ ਬਿਹਤਰ ਤਾਲਮੇਲ ਅਤੇ ਸਹਿਯੋਗ ਨੂੰ ਵੀ ਉਤਸ਼ਾਹਿਤ ਕੀਤਾ। ਯੂਆਈਡੀਏਆਈ ਸੁਰੱਖਿਅਤ, ਪ੍ਰਭਾਵਸ਼ਾਲੀ ਅਤੇ ਨਾਗਰਿਕ-ਅਨੁਕੂਲ ਸੇਵਾ ਵੰਡ ਨੂੰ ਉਤਸ਼ਾਹਿਤ ਕਰਨ ਅਤੇ ਆਧਾਰ ਈਕੋਸਿਸਟਮ ਨੂੰ ਹੋਰ ਮਜ਼ਬੂਤ ਬਣਾਉਣ ਲਈ ਇਸ ਤਰ੍ਹਾਂ ਦੀ ਸਮਰੱਥਾ-ਨਿਰਮਾਣ ਪਹਿਲਕਦਮੀਆਂ ਦਾ ਨਿਰੰਤਰ ਆਯੋਜਨ ਕਰਦਾ ਰਹੇਗਾ।
Comments
Post a Comment