ਚੰਡੀਗੜ੍ਹ ਵਿੱਚ 6ਵੇਂ ਹਸਪਤਾਲ ਇੰਜੀਨੀਅਰਿੰਗ ਸੰਮੇਲਨ ਵਿੱਚ ਹਸਪਤਾਲਾਂ ਦੇ ਭਵਿੱਖ ਦੇ ਬੁਨਿਆਦੀ ਢਾਂਚੇ 'ਤੇ ਰਾਸ਼ਟਰੀ ਚਰਚਾ

ਚੰਡੀਗੜ੍ਹ ਵਿੱਚ 6ਵੇਂ ਹਸਪਤਾਲ ਇੰਜੀਨੀਅਰਿੰਗ ਸੰਮੇਲਨ ਵਿੱਚ ਹਸਪਤਾਲਾਂ ਦੇ ਭਵਿੱਖ ਦੇ ਬੁਨਿਆਦੀ ਢਾਂਚੇ 'ਤੇ ਰਾਸ਼ਟਰੀ ਚਰਚਾ_

ਹੋਸਮੈਕ ਦੇ ਹਸਪਤਾਲ ਇੰਜੀਨੀਅਰਿੰਗ ਸੰਮੇਲਨ ਵਿੱਚ ਸਿਹਤ ਸੇਵਾ ਖੇਤਰ ਦੇ ਦਿੱਗਜਾਂ, ਆਰਕੀਟੈਕਟਾਂ, ਇੰਜੀਨੀਅਰਾਂ ਅਤੇ ਬੁਨਿਆਦੀ ਢਾਂਚਾ ਮਾਹਿਰਾਂ ਨੇ ਮਜ਼ਬੂਤ, ਟਿਕਾਊ ਅਤੇ ਭਵਿੱਖ ਲਈ ਤਿਆਰ ਸਿਹਤ ਸਹੂਲਤਾਂ 'ਤੇ ਚਰਚਾ ਕੀਤੀ_

ਚੰਡੀਗੜ੍ਹ 26 ਸਤੰਬਰ ( ਰਣਜੀਤ ਧਾਲੀਵਾਲ ) : ਏਸ਼ੀਆ ਦੀ ਪ੍ਰਮੁੱਖ ਹਸਪਤਾਲ ਪਲੈਨਿੰਗ, ਡਿਜ਼ਾਈਨ ਅਤੇ ਮੈਨੇਜਮੈਂਟ ਕੰਸਲਟੈਂਸੀ ਹੋਸਮੈਕ ਨੇ ਅੱਜ ਚੰਡੀਗੜ੍ਹ ਦੇ ਹਯਾਤ ਰੀਜੈਂਸੀ ਵਿੱਚ ਹਸਪਤਾਲ ਇੰਜੀਨੀਅਰਿੰਗ ਸੰਮੇਲਨ (ਐੱਚਈਐੱਸ) ਦੇ ਛੇਵੇਂ ਐਡੀਸ਼ਨ ਦਾ ਆਯੋਜਨ ਕੀਤਾ। ‘ਬੈਂਚਮਾਰਕਿੰਗ ਐਕਸੀਲੈਂਸ: ਚੈਲੇਂਜਿਜ਼ ਫਾਰ ਹਸਪਤਾਲ ਇੰਫਰਾਸਟਰੱਕਚਰ’ ਥੀਮ ਤਹਿਤ ਆਯੋਜਿਤ ਇਸ ਸੰਮੇਲਨ ਵਿੱਚ ਭਾਰਤ ਵਿੱਚ ਹਸਪਤਾਲਾਂ ਦੇ ਬੁਨਿਆਦੀ ਢਾਂਚੇ ਨੂੰ ਪ੍ਰਭਾਵਿਤ ਕਰਨ ਵਾਲੀਆਂ ਬਦਲਦੀਆਂ ਜ਼ਰੂਰਤਾਂ, ਚੁਣੌਤੀਆਂ ਅਤੇ ਮੌਕਿਆਂ 'ਤੇ ਚਰਚਾ ਕਰਨ ਲਈ ਸਿਹਤ ਸੇਵਾ ਖੇਤਰ ਨਾਲ ਜੁੜੇ ਪ੍ਰਮੁੱਖ ਹਿੱਸੇਦਾਰ ਇਕੱਠੇ ਹੋਏ। ਸੰਮੇਲਨ ਵਿੱਚ ਪੀ.ਐੱਲ. ਮਹਿਤਾ, ਵਾਈਸ ਚੇਅਰਮੈਨ, ਅੰਬੂਜਾ ਨਿਓਟੀਆ ਹੈਲਥਕੇਅਰ ਵੈਂਚਰ ਲਿਮਟਿਡ; ਆਰਕੀਟੈਕਟ ਪ੍ਰਿਥੀ ਪੇਂਡਾਰਕਰ, ਬਿਜ਼ਨਸ ਪ੍ਰੈਕਟਿਸ ਡਾਇਰੈਕਟਰ, ਕੈਨਨਡਿਜ਼ਾਈਨ; ਡਾ. ਵਿਸ਼ਵਦੀਪ ਗੋਇਲ, ਸੀਓਓ, ਆਈਆਈਟੀਕੇ-ਐੱਫਐੱਮਆਰ ਅਤੇ ਡਾ. ਰੁਦਰਦੱਤ ਸ਼੍ਰੋਤਰੀਆ, ਹੈੱਡ-ਕਮਿਸ਼ਨਿੰਗ ਐਂਡ ਆਪਰੇਸ਼ਨਜ਼, ਟਾਟਾ ਕੈਂਸਰ ਕੇਅਰ ਫਾਊਂਡੇਸ਼ਨ ਸਮੇਤ ਕਈ ਉਦਯੋਗ ਮਾਹਿਰਾਂ ਨੇ ਭਾਗ ਲਿਆ। ਪ੍ਰੋਗਰਾਮ ਵਿੱਚ ਇਸ ਗੱਲ 'ਤੇ ਵਿਸ਼ੇਸ਼ ਜ਼ੋਰ ਦਿੱਤਾ ਗਿਆ ਕਿ ਸਿਹਤ ਸੇਵਾਵਾਂ ਦੇ ਬਦਲਦੇ ਮਾਡਲ ਦੇ ਨਾਲ ਹਸਪਤਾਲਾਂ ਦੇ ਬੁਨਿਆਦੀ ਢਾਂਚੇ ਦਾ ਵੀ ਵਿਕਾਸ ਹੋਣਾ ਜ਼ਰੂਰੀ ਹੈ। ਚਰਚਾ ਵਿੱਚ ਹਸਪਤਾਲ ਦੀ ਯੋਜਨਾ ਅਤੇ ਡਿਜ਼ਾਈਨ, ਇੰਜੀਨੀਅਰਿੰਗ ਅਤੇ ਐੱਮਈਪੀ ਸਿਸਟਮ, ਐੱਚਵੀਏਸੀ, ਮੈਡੀਕਲ ਬੁਨਿਆਦੀ ਢਾਂਚਾ, ਪ੍ਰੋਜੈਕਟ ਅਤੇ ਫੈਸਿਲਿਟੀ ਮੈਨੇਜਮੈਂਟ, ਸਥਿਰਤਾ, ਤਕਨਾਲੋਜੀ ਦਾ ਏਕੀਕਰਨ ਅਤੇ ਸੰਚਾਲਨ ਕੁਸ਼ਲਤਾ ਵਰਗੇ ਵਿਸ਼ੇ ਸ਼ਾਮਲ ਰਹੇ।ਹੋਸਮੈਕ ਦੀ ਲੀਡਰਸ਼ਿਪ ਟੀਮ ਨੇ ਵੀ ਪ੍ਰੋਗਰਾਮ ਵਿੱਚ ਸਰਗਰਮ ਭਾਗੀਦਾਰੀ ਕੀਤੀ। ਇਸ ਵਿੱਚ ਡਾ. ਵਿਵੇਕ ਦੇਸਾਈ, ਫਾਊਂਡਰ ਅਤੇ ਮੈਨੇਜਿੰਗ ਡਾਇਰੈਕਟਰ; ਸਮੀਰ ਮਹਿਤਾ, ਡਾਇਰੈਕਟਰ-ਪ੍ਰੋਜੈਕਟਸ ਅਤੇ ਆਰਕੀਟੈਕਟ ਨੰਦਿਨੀ ਬਾਜ਼ਾਜ਼, ਡਾਇਰੈਕਟਰ-ਆਰਕੀਟੈਕਚਰ ਸਰਵਿਸਿਜ਼ ਸ਼ਾਮਲ ਰਹੇ। ਆਰਕੀਟੈਕਟ ਮਿਹਿਰ ਦੇਸਾਈ, ਡਾਇਰੈਕਟਰ-ਅਰਬਨ ਡਿਜ਼ਾਈਨ ਨੇ ਸੰਮੇਲਨ ਦਾ ਉਦਘਾਟਨੀ ਅਤੇ ਸਮਾਪਤੀ ਭਾਸ਼ਣ ਦਿੱਤਾ। ਜਦਕਿ ਆਰਕੀਟੈਕਟ ਈਸ਼ਾਨ ਦੇਸਾਈ, ਡਾਇਰੈਕਟਰ-ਕੰਪਿਊਟੇਸ਼ਨਲ ਆਰਕੀਟੈਕਚਰ ਨੇ ਸਮਾਰਟ ਹਸਪਤਾਲਾਂ ਦੀ ਯੋਜਨਾ 'ਤੇ ਇੱਕ ਸੈਸ਼ਨ ਦੀ ਅਗਵਾਈ ਕੀਤੀ, ਜਿਸ ਵਿੱਚ ਐਨਰਜੀ ਮੈਪਿੰਗ ਅਤੇ ਹੀਟ ਅਪਰੋਚ 'ਤੇ ਚਰਚਾ ਕੀਤੀ ਗਈ। ਇਸ ਮੌਕੇ 'ਤੇ ਹੋਸਮੈਕ ਦੇ ਫਾਊਂਡਰ ਅਤੇ ਮੈਨੇਜਿੰਗ ਡਾਇਰੈਕਟਰ ਡਾ. ਵਿਵੇਕ ਦੇਸਾਈ ਨੇ ਕਿਹਾ, “ਐੱਚਈਐੱਸ ਦੇ ਇਸ ਐਡੀਸ਼ਨ ਵਿੱਚ ਹੋਈਆਂ ਚਰਚਾਵਾਂ ਨੇ ਇਸ ਤੱਥ ਨੂੰ ਰੇਖਾਂਕਿਤ ਕੀਤਾ ਕਿ ਹਸਪਤਾਲ ਦੇ ਬੁਨਿਆਦੀ ਢਾਂਚੇ ਵਿੱਚ ਉੱਤਮਤਾ ਸਿਰਫ ਡਿਜ਼ਾਈਨ ਜਾਂ ਤਕਨਾਲੋਜੀ ਨਾਲ ਤੈਅ ਨਹੀਂ ਹੁੰਦੀ, ਸਗੋਂ ਇਸ ਗੱਲ ਨਾਲ ਤੈਅ ਹੁੰਦੀ ਹੈ ਕਿ ਇਹ ਸਾਰੇ ਤੱਤ ਕਲੀਨਿਕਲ ਨਤੀਜਿਆਂ, ਸੰਚਾਲਨ ਕੁਸ਼ਲਤਾ ਅਤੇ ਮਰੀਜ਼ਾਂ ਦੇ ਅਨੁਭਵ ਨੂੰ ਬਿਹਤਰ ਬਣਾਉਣ ਲਈ ਕਿੰਨੀ ਪ੍ਰਭਾਵਸ਼ਾਲੀ ਤਰੀਕੇ ਨਾਲ ਇਕੱਠੇ ਕੰਮ ਕਰਦੇ ਹਨ।”

ਉਨ੍ਹਾਂ ਅੱਗੇ ਕਿਹਾ, “ਅਸੀਂ ਆਪਣੇ ਸਾਰੇ ਸਾਂਝੇਦਾਰਾਂ, ਬੁਲਾਰਿਆਂ, ਪੈਨਲਿਸਟਾਂ ਅਤੇ ਭਾਗੀਦਾਰਾਂ ਦੇ ਧੰਨਵਾਦੀ ਹਾਂ, ਜਿਨ੍ਹਾਂ ਨੇ ਸੰਮੇਲਨ ਦੀ ਸਫਲਤਾ ਵਿੱਚ ਯੋਗਦਾਨ ਪਾਇਆ ਅਤੇ ਆਪਣੇ ਅਨੁਭਵ ਅਤੇ ਵਿਚਾਰ ਸਾਂਝੇ ਕੀਤੇ। ਅਸੀਂ ਭਵਿੱਖ ਵਿੱਚ ਵੀ ਇਸੇ ਤਰ੍ਹਾਂ ਦੇ ਹੋਰ ਸੰਵਾਦਾਤਮਕ ਅਤੇ ਗਿਆਨਵਰਧਕ ਸੰਮੇਲਨ ਆਯੋਜਿਤ ਕਰਦੇ ਹੋਏ ਉਦਯੋਗ ਨੂੰ ਇੱਕ ਮੰਚ 'ਤੇ ਲਿਆਉਣ ਦੀ ਦਿਸ਼ਾ ਵਿੱਚ ਕੰਮ ਜਾਰੀ ਰੱਖਣ ਲਈ ਉਤਸ਼ਾਹਿਤ ਹਾਂ।” ਦਿਨ ਭਰ ਚੱਲੇ ਇਸ ਸੰਮੇਲਨ ਵਿੱਚ ਅਜਿਹੇ ਹਸਪਤਾਲਾਂ ਦੇ ਨਿਰਮਾਣ ਦੇ ਮਹੱਤਵ 'ਤੇ ਚਰਚਾ ਹੋਈ, ਜੋ ਮਜ਼ਬੂਤ, ਅਨੁਕੂਲ, ਊਰਜਾ-ਕੁਸ਼ਲ ਅਤੇ ਮਰੀਜ਼-ਕੇਂਦਰਿਤ ਹੋਣ। ਨਾਲ ਹੀ ਇਹ ਯਕੀਨੀ ਬਣਾਉਣ ਦੀ ਜ਼ਰੂਰਤ 'ਤੇ ਵੀ ਜ਼ੋਰ ਦਿੱਤਾ ਗਿਆ ਕਿ ਬੁਨਿਆਦੀ ਢਾਂਚੇ ਨਾਲ ਜੁੜੇ ਫੈਸਲੇ ਹਸਪਤਾਲ ਦੀਆਂ ਸੰਚਾਲਨ ਅਤੇ ਕਲੀਨਿਕਲ ਜ਼ਰੂਰਤਾਂ ਦੇ ਅਨੁਕੂਲ ਹੋਣ। ਸਿਹਤ ਸੇਵਾ ਦੇ ਬੁਨਿਆਦੀ ਢਾਂਚੇ ਅਤੇ ਹਸਪਤਾਲਾਂ ਦੇ ਸੰਚਾਲਨ ਦੇ ਭਵਿੱਖ ਨੂੰ ਆਕਾਰ ਦੇਣ ਵਿੱਚ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (ਏਆਈ) ਦੀ ਭੂਮਿਕਾ ਵੀ ਚਰਚਾ ਦਾ ਇੱਕ ਮਹੱਤਵਪੂਰਨ ਵਿਸ਼ਾ ਰਹੀ।

ਸੰਮੇਲਨ ਦਾ ਇੱਕ ਮੁੱਖ ਆਕਰਸ਼ਣ ਐੱਲਐਂਡਟੀ (ਲਾਰਸਨ ਐਂਡ ਟੁਬਰੋ) ਵੱਲੋਂ ਪੇਸ਼ ਕੀਤੇ ਗਏ ਪ੍ਰੀ-ਇੰਜੀਨੀਅਰਡ ਹਸਪਤਾਲ ਬਿਲਡਿੰਗਜ਼ 'ਤੇ ਕੇਸ ਸਟੱਡੀ ਰਹੀ। ਇਸ ਵਿੱਚ ਵੱਡੇ ਪੱਧਰ 'ਤੇ ਜਟਿਲ ਸਿਹਤ ਸਹੂਲਤਾਂ ਦੇ ਵਿਕਾਸ ਨਾਲ ਜੁੜੇ ਪਲੈਨਿੰਗ, ਇੰਜੀਨੀਅਰਿੰਗ, ਡਿਜ਼ਾਈਨ ਅਤੇ ਲਾਗੂ ਕਰਨ ਸਬੰਧੀ ਪਹਿਲੂਆਂ 'ਤੇ ਚਰਚਾ ਕੀਤੀ ਗਈ। ਇਸ ਸੈਸ਼ਨ ਦੀ ਅਗਵਾਈ ਆਰਕੀਟੈਕਟ ਨਿਥਿਆਨੰਦ ਐੱਨ., ਹੈੱਡ-ਇਨੀਸ਼ੀਏਟਿਵਜ਼, ਹੈਲਥ ਬਿਜ਼ਨਸ, ਐੱਲਐਂਡਟੀ ਕੰਸਟਰਕਸ਼ਨ ਨੇ ਕੀਤੀ। ਪਿਛਲੇ ਕੁਝ ਸਾਲਾਂ ਵਿੱਚ ਹੋਸਮੈਕ ਦਾ ਹਸਪਤਾਲ ਇੰਜੀਨੀਅਰਿੰਗ ਸੰਮੇਲਨ ਸਿਹਤ ਸੇਵਾ ਖੇਤਰ ਵਿੱਚ ਪਲੈਨਿੰਗ, ਡਿਜ਼ਾਈਨ, ਇੰਜੀਨੀਅਰਿੰਗ ਅਤੇ ਮੈਨੇਜਮੈਂਟ ਨਾਲ ਜੁੜੇ ਵੱਖ-ਵੱਖ ਖੇਤਰਾਂ ਵਿਚਕਾਰ ਸੰਵਾਦ ਦੇ ਇੱਕ ਮਹੱਤਵਪੂਰਨ ਮੰਚ ਵਜੋਂ ਵਿਕਸਤ ਹੋਇਆ ਹੈ। ਚੰਡੀਗੜ੍ਹ ਵਿੱਚ ਆਯੋਜਿਤ ਇਸਦੇ ਛੇਵੇਂ ਐਡੀਸ਼ਨ ਨੇ ਇਸ ਸੰਵਾਦ ਨੂੰ ਉੱਤਰ ਭਾਰਤ ਦੇ ਵਿਆਪਕ ਸਿਹਤ ਸੇਵਾ ਈਕੋਸਿਸਟਮ ਤੱਕ ਪਹੁੰਚਾਇਆ ਅਤੇ ਅਗਲੀ ਪੀੜ੍ਹੀ ਦੀਆਂ ਸਿਹਤ ਸਹੂਲਤਾਂ ਨੂੰ ਆਕਾਰ ਦੇਣ ਵਾਲੀਆਂ ਚੁਣੌਤੀਆਂ ਅਤੇ ਮੌਕਿਆਂ 'ਤੇ ਵਿਚਾਰ-ਵਟਾਂਦਰੇ ਲਈ ਵੱਖ-ਵੱਖ ਹਿੱਸੇਦਾਰਾਂ ਨੂੰ ਇੱਕ ਮੰਚ 'ਤੇ ਲਿਆਂਦਾ।