ਮੋਹਾਲੀ ਵਿੱਚ ‘ਕਰੀ ਐਂਡ ਹਾਪਸ ਬ੍ਰੂਅਰੀ ਕੰਪਨੀ’ ਦਾ ਸ਼ੁਭਾਰੰਭ, ਵਿਸ਼ਵ-ਪੱਧਰੀ ਗੁਣਵੱਤਾ ਅਤੇ ਭਾਰਤੀ ਮੇਹਮਾਨਨਵਾਜ਼ੀ ਦਾ ਸੁੰਦਰ ਮਿਲਾਪ

ਮੋਹਾਲੀ ਵਿੱਚ ‘ਕਰੀ ਐਂਡ ਹਾਪਸ ਬ੍ਰੂਅਰੀ ਕੰਪਨੀ’ ਦਾ ਸ਼ੁਭਾਰੰਭ, ਵਿਸ਼ਵ-ਪੱਧਰੀ ਗੁਣਵੱਤਾ ਅਤੇ ਭਾਰਤੀ ਮੇਹਮਾਨਨਵਾਜ਼ੀ ਦਾ ਸੁੰਦਰ ਮਿਲਾਪ

ਐਸ.ਏ.ਐਸ.ਨਗਰ 28 ਫ਼ਰਵਰੀ ( ਰਣਜੀਤ ਧਾਲੀਵਾਲ ) : ਚੰਡੀ ਹੋਸਪੀਟੈਲਿਟੀ ਵੱਲੋਂ ਮੋਹਾਲੀ ਦੇ ਏਅਰੋਸਿਟੀ ਇਲਾਕੇ ਵਿੱਚ ਆਪਣੇ ਪਹਿਲੇ ਰੈਸਟੋਰੈਂਟ ਕਰੀ ਐਂਡ ਹੋਪਸ ਬਰੇਵੇਰੀ-ਕੋ  ਦਾ ਭਵਿਆ ਉਦਘਾਟਨ ਕੀਤਾ ਗਿਆ ਹੈ। ਇਹ ਰੈਸਟੋਰੈਂਟ ਹੁਣ ਆਮ ਲੋਕਾਂ ਲਈ ਖੁੱਲ੍ਹ ਚੁੱਕਾ ਹੈ ਅਤੇ ਸ਼ਹਿਰ ਦੀ ਲਾਈਫਸਟਾਈਲ ਵਿੱਚ ਇਕ ਨਵਾਂ ਵਿਕਲਪ ਜੋੜ ਰਿਹਾ ਹੈ। ਇਹ ਸ਼ੁਰੂਆਤ ਚੰਡੀ ਪਰਿਵਾਰ ਦੀ ਆਪਣੀਆਂ ਜੜ੍ਹਾਂ ਨਾਲ ਮੁੜ ਜੁੜਨ ਦੀ ਪ੍ਰੇਰਣਾਦਾਇਕ ਕਹਾਣੀ ਨੂੰ ਵੀ ਦਰਸਾਉਂਦੀ ਹੈ।

ਤਿੰਨ ਭਰਾਵਾਂ ਵੱਲੋਂ ਸ਼ੁਰੂ ਕੀਤੇ ਗਏ ਇਸ ਪਰਿਵਾਰ ਨੇ ਪਿਛਲੇ 20 ਸਾਲਾਂ ਵਿੱਚ ਕੈਲੀਫੋਰਨੀਆ ਵਿੱਚ ਕਈ ਕਾਮਯਾਬ ਕਵਿਕ ਸਰਵਿਸ ਰੈਸਟੋਰੈਂਟ ਚਲਾਏ ਅਤੇ ਰੈਸਟੋਰੈਂਟ ਤੇ ਰਿਅਲ ਐਸਟੇਟ ਖੇਤਰ ਵਿੱਚ ਵੱਖਰੀ ਪਹਿਚਾਣ ਬਣਾਈ। ਹੁਣ ਉਹ ਆਪਣਾ ਉਹੀ ਤਜਰਬਾ ਅਤੇ ਗੁਣਵੱਤਾ ਭਾਰਤ ਲੈ ਕੇ ਆਏ ਹਨ। ਜਲਦ ਹੀ ਉਹਨਾਂ ਦਾ ਨਵਾਂ ਪ੍ਰੋਜੈਕਟ ਕਰੀ ਲੇਨ ਕਿਚਨ ਵੀ ਸ਼ੁਰੂ ਹੋਣ ਜਾ ਰਿਹਾ ਹੈ, ਜੋ ਦੇਸ਼ ਵਿੱਚ ਭਾਰਤੀ ਖਾਣੇ ਦਾ ਪਹਿਲਾ ਡਰਾਈਵ-ਥਰੂ ਮਾਡਲ ਪੇਸ਼ ਕਰੇਗਾ।

ਸੀਈਓ ਸੋਨੂ ਚੰਡੀ ਨੇ ਕਿਹਾ ਕਿ ਭਾਰਤ ਵਿੱਚ ਇਹ ਰੈਸਟੋਰੈਂਟ ਖੋਲ੍ਹਣਾ ਉਹਨਾਂ ਦੇ ਪਰਿਵਾਰ ਦਾ ਸੁਪਨਾ ਸੀ। ਉਹਨਾਂ ਨੇ ਦੱਸਿਆ ਕਿ ਕੈਲੀਫੋਰਨੀਆ ਵਿੱਚ ਹਾਸਲ ਕੀਤਾ ਤਜਰਬਾ ਭਾਰਤੀ ਸਵਾਦ ਅਤੇ ਮੇਹਮਾਨਨਵਾਜ਼ੀ ਨਾਲ ਜੋੜਿਆ ਗਿਆ ਹੈ। ਉਹਨਾਂ ਦਾ ਮਕਸਦ ਸਿਰਫ ਖਾਣਾ ਅਤੇ ਕ੍ਰਾਫਟ ਬੀਅਰ ਪਰੋਸਣਾ ਨਹੀਂ, ਸਗੋਂ ਗਾਹਕਾਂ ਨੂੰ ਇਕ ਖਾਸ ਤਜਰਬਾ ਦੇਣਾ ਹੈ। ਵਾਈਸ ਪ੍ਰੈਜ਼ੀਡੈਂਟ ਸਨੀ ਚੰਡੀ, ਜੋ ਤਿੰਨ ਸਾਲ ਪਹਿਲਾਂ ਭਾਰਤ ਵਾਪਸ ਆਏ, ਨੇ ਕਿਹਾ ਕਿ ਇਹ ਉਹਨਾਂ ਲਈ ਮਾਣ ਦਾ ਪਲ ਹੈ। ਰੈਸਟੋਰੈਂਟ ਦੀ ਸਜਾਵਟ ਤੋਂ ਲੈ ਕੇ ਮੈਨੂ ਤੱਕ ਹਰ ਚੀਜ਼ ਵਿੱਚ ਪਰੰਪਰਾ ਅਤੇ ਆਧੁਨਿਕ ਸੋਚ ਦੀ ਝਲਕ ਦਿਖਾਈ ਦਿੰਦੀ ਹੈ। ਗਾਹਕਾਂ ਨੂੰ ਵਿਲੱਖਣ ਵਿਅੰਜਨ ਅਤੇ ਹੱਥ ਨਾਲ ਤਿਆਰ ਕੀਤੇ ਪੇਯ ਪਸੰਦ ਆ ਰਹੇ ਹਨ। ਮੁੱਖ ਸੰਚਾਲਨ ਅਧਿਕਾਰੀ ਜੋਤੀ ਚੰਡੀ ਨੇ ਦੱਸਿਆ ਕਿ ‘ਕਰੀਲੇਨ ਕਿਚਨ’ ਰਾਹੀਂ ਭਾਰਤੀ ਖਾਣੇ ਨੂੰ ਤੇਜ਼ ਅਤੇ ਆਸਾਨ ਢੰਗ ਨਾਲ ਲੋਕਾਂ ਤੱਕ ਪਹੁੰਚਾਇਆ ਜਾਵੇਗਾ, ਬਿਨਾਂ ਸਵਾਦ ਅਤੇ ਗੁਣਵੱਤਾ ਨਾਲ ਸਮਝੌਤਾ ਕੀਤੇ।

ਕਰੀ ਐਂਡ ਹਾਪਸ ਬ੍ਰੂਅਰੀ ਕੰਪਨੀ ਵਿੱਚ ਭਾਰਤੀ ਵਿਅੰਜਨਾਂ ਨੂੰ ਆਧੁਨਿਕ ਅੰਦਾਜ਼ ਵਿੱਚ ਪੇਸ਼ ਕੀਤਾ ਜਾ ਰਿਹਾ ਹੈ। ਇੱਥੇ ਖ਼ਾਸ ਕਿਸਮ ਦੀ ਕ੍ਰਾਫਟ ਬੀਅਰ, ਸਿਗਨੇਚਰ ਡ੍ਰਿੰਕਸ ਅਤੇ ਸੁਆਦੀ ਖਾਣੇ ਲੋਕਾਂ ਨੂੰ ਆਕਰਸ਼ਿਤ ਕਰ ਰਹੇ ਹਨ। ਆਰਾਮਦਾਇਕ ਮਾਹੌਲ ਅਤੇ ਵਧੀਆ ਸੇਵਾ ਇਸ ਨੂੰ ਪਰਿਵਾਰਾਂ ਅਤੇ ਨੌਜਵਾਨਾਂ ਲਈ ਖ਼ਾਸ ਬਣਾਉਂਦੀ ਹੈ। ਇਹ ਸ਼ੁਰੂਆਤ ਸਿਰਫ ਇਕ ਨਵੇਂ ਰੈਸਟੋਰੈਂਟ ਦੀ ਨਹੀਂ, ਸਗੋਂ ਮੋਹਾਲੀ ਦੀ ਬਦਲਦੀ ਲਾਈਫਸਟਾਈਲ ਦਾ ਹਿੱਸਾ ਵੀ ਹੈ।