Influencer Raftaar Rai faces allegations of blackmail and threats to defame a businessman Pressure for 50,000 rupees monthly by making a video viral on social media Chandigarh 9 June ( Ranjeet Singh Dhaliwal ) : Amidst the growing power of social media, a new controversy has emerged. Lovepreet Singh, alias Harman, the owner of Wah Productions in Sector 22, Chandigarh, has leveled serious allegations against social media influencer Raftaar Rai. It is alleged that Raftaar Rai is trying to tarnish his image on social media by linking his name with various immigration companies and is pressuring him with defamation threats. He is repeatedly pressuring him to pay 50,000 rupees monthly. According to reports, various posts and comments against Lovepreet Singh, alias Harman, have been surfacing on social media platforms for some time. These posts allegedly link his name to certain immigration companies. Harman claims that these claims have no factual basis and are being carried out with the in...
ਆਪਣੀ ਜਥੇਬੰਦੀ ਦੇ ਸ਼ਹੀਦਾਂ ਦੀ ਯਾਦ ਮਨਾਉਣਾ ਦਮਦਮੀ ਟਕਸਾਲ ਦਾ ਹੱਕ ਹੈ : ਇੰਜੀ. ਸਰਬਜੀਤ ਸਿੰਘ ਸੋਹਲ, ਡਾ. ਭਗਵਾਨ ਸਿੰਘ
ਚੰਡੀਗੜ੍ਹ 5 ਜੂਨ ( ਰਣਜੀਤ ਧਾਲੀਵਾਲ ) : ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲਿਆਂ ਦੀ ਛਤਰ ਛਾਇਆ ਹੇਠ ਵਿਚਰੇ ਅਤੇ ਸ਼ਹੀਦ ਭਾਈ ਅਮਰੀਕ ਸਿੰਘ ਦੇ ਨਜਦੀਕੀ ਸਾਥੀ ਰਹੇ ਇੰਜੀਨੀਅਰ ਸਰਬਜੀਤ ਸਿੰਘ ਸੋਹਲ ਅਤੇ ਡਾਕਟਰ ਭਗਵਾਨ ਸਿੰਘ ਨੇ ਇਕ ਸਾਂਝੇ ਪ੍ਰੈੱਸ ਬਿਆਨ ਵਿੱਚ ਕਿਹਾ ਹੈ ਕਿ ਛੇ ਜੂਨ 1984 ਨੂੰ ਸ੍ਰੀ ਦਰਬਾਰ ਸਾਹਿਬ ਕੰਪਲੈਕਸ ਵਿੱਚ ਸ਼ਹੀਦ ਹੋਏ ਆਪਣੇ ਸਿੰਘਾਂ ਦੀ ਯਾਦ ਵਿੱਚ ਸਮਾਗਮ ਕਰਨਾ ਦਮਦਮੀ ਟਕਸਾਲ ਦਾ ਫਰਜ ਵੀ ਹੈ ਅਤੇ ਹੱਕ ਵੀ ਹੈ। ਉਹਨਾਂ ਦੇ ਸਮਾਗਮ ਵਿੱਚ ਜਾਣ ਤੋਂ ਸੰਗਤਾਂ ਨੂੰ ਰੋਕਣ ਵਾਲਿਆਂ ਨੂੰ ਆਪਣੀ ਔਕਾਤ ਵਿੱਚ ਰਹਿ ਕੇ ਹੀ ਬਿਆਨਬਾਜੀ ਕਰਨੀ ਚਾਹੀਦੀ ਹੈ।
ਦੋਹਾਂ ਸਾਬਕਾ ਫੈਡਰੇਸ਼ਨ ਆਗੂਆਂ ਨੇ ਬਾਬਾ ਹਰਨਾਮ ਸਿੰਘ ਧੁੰਮਾ ਦੇ ਬਿਆਨ ਦੀ ਪ੍ਰੋੜਤਾ ਕਰਦਿਆਂ ਕਿਹਾ ਕਿ ਬਾਬਾ ਜੀ ਦਾ ਸਟੈਂਡ ਬਿਲਕੁਲ ਦਰੁਸਤ ਹੈ ਅਤੇ ਉਹਨਾਂ ਵੱਲੋਂ ਸੁਣਾਈਆਂ ਖਰੀਆਂ ਅਤੇ ਸੱਚੀਆਂ ਗੱਲਾਂ ਨਾਲ ਕਈਆਂ ਨੂੰ ਅੱਗ ਲੱਗਣੀ ਜਰੂਰੀ ਸੀ। ਮਹਿਤਾ ਚੌਂਕ ਸਮਾਗਮ ਵਿੱਚ ਜਾਣ ਤੋਂ ਰੋਕਣ ਵਾਲੇ ਅਖੌਤੀ ਆਗੂ ਬਾਰੇ ਸਪੱਸ਼ਟ ਕਰਦਿਆਂ ਉਹਨਾਂ ਨੇ ਕਿਹਾ ਕਿ ਪੰਥ ਦੀ ਏਕਤਾ ਨੂੰ ਤਾਰ ਤਾਰ ਕਰਨਾ, ਹੋਣ ਵਾਲੇ ਕੌਮੀ ਸਮਾਗਮਾਂ ਵਿੱਚ ਵਿਘਨ ਪਾਉਣਾ, ਕੌਮੀ ਨਿਸ਼ਾਨੇ ਪ੍ਰਤੀ ਭੰਬਲਭੂਸੇ ਪੈਦਾ ਕਰਨਾ ਉਸਦਾ ਪੁਰਾਣਾ ਸ਼ੌਂਕ ਹੈ ਅਤੇ ਇਸੇ ਕੰਮ ਦੇ ਸਿਰ ਤੋਂ ਹੀ ਉਸਦੀ ਦੁਕਾਨਦਾਰੀ ਚਲਦੀ ਹੈ। ਅੱਜ ਉਹ ਜਿਸ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਸਮਾਗਮ ਵਿੱਚ ਪਹੁੰਚਣ ਲਈ ਲੋਕਾਂ ਨੂੰ ਆਵਾਜ ਦੇ ਰਿਹਾ ਹੈ, ਉਸ ਵਿੱਚ ਖੱਲ੍ਹਲ ਪਾਉਣ ਦਾ ਕੰਮ ਉਹ ਸ਼ੁਰੂ ਤੋਂ ਕਰਦਾ ਰਿਹਾ ਹੈ। ਇਹ ਉਸੇ ਦੀ ਕਰਤੂਤ ਸੀ ਕਿ ਕੌਮੀ ਸਮਾਗਮ ਨੂੰ ਸ਼੍ਰੋਮਣੀ ਕਮੇਟੀ ਨੇ ਲੜਾਈ ਦਾ ਬਹਾਨਾ ਬਣਾਕੇ ਇਕ ਅਰਦਾਸ ਸਮਾਗਮ ਤੱਕ ਸੀਮਤ ਕਰ ਦਿੱਤਾ। ਜਿੱਥੇ ਅਰਦਾਸ ਤੋਂ ਬਾਅਦ ਸਿਰੋਪੇ ਵੰਡ ਕੇ ਸਾਰੇ ਪ੍ਰੋਗਰਾਮ ਨੂੰ ਫਟਾਫਟ ਸਮੇਟ ਦਿੱਤਾ ਜਾਂਦਾ ਹੈ।
ਦੋਹਾਂ ਆਗੂਆਂ ਨੇ ਯਾਦ ਕਰਵਾਇਆ ਕਿ ਅੱਜ ਜਿਸ ਬਾਬਾ ਜੋਗਿੰਦਰ ਸਿੰਘ ਦੇ ਸੋਹਲੇ ਉਹ ਆਗੂ ਅਤੇ ਉਸਦੇ ਚਾਟੜੇ ਗਾ ਰਹੇ ਹਨ। 1989 ਦੀ ਜਿੱਤ ਤੋਂ ਬਾਅਦ ਉਹਨਾਂ ਦੇ ਖਿਲਾਫ ਹੀ ਪਹਿਲਾ ਬਿਆਨ ਦਿੱਤਾ ਸੀ ਕਿ 'ਬਾਬਾ ਪਰਿਵਾਰ ਮੈਨੂੰ ਮਰਵਾਉਣਾ ਚਾਹੁੰਦੈ।' 1989 ਚੋਣਾਂ ਦੀ ਏਨੀ ਵੱਡੀ ਜਿੱਤ ਤੋਂ ਬਾਦ ਇਕ ਪਾਰਟੀ ਦਾ ਮਜ਼ਬੂਤ ਢਾਂਚਾ ਵੀ ਨਾ ਬਣਾ ਸਕਣ ਵਾਲੇ ਫੇਲ ਹੋਏ ਲੋਕ ਦੂਜਿਆਂ ਨੂੰ ਮੱਤਾਂ ਦੇਣ ਦਾ ਕੋਈ ਹੱਕ ਨਹੀਂ ਰੱਖਦੇ। ਕਿਉਂਕਿ ਲੱਖਾਂ ਵੋਟਾਂ ਨਾਲ ਜਿਤਾਉਣ ਵਾਲੀ ਹਮਾਇਤ ਹੁਣ ਸੈਂਕੜਿਆਂ ਵਿੱਚ ਰਹਿ ਗਈ ਹੈ। ਦੋਹਾਂ ਆਗੂਆਂ ਨੇ ਬਾਬਾ ਹਰਨਾਮ ਸਿੰਘ ਧੁੰਮਾ ਵੱਲੋਂ ਆਪਣੇ ਸਟੈਂਡ 'ਤੇ ਦ੍ਰਿੜ ਰਹਿਣ ਦੀ ਸ਼ਲਾਘਾ ਕਰਦਿਆਂ ਸਮੂਹ ਸੰਗਤਾਂ ਨੂੰ ਅਪੀਲ ਕੀਤੀ ਕਿ ਉਹ ਹਮੇਸ਼ਾਂ ਦੀ ਤਰਾਂ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਸਮਾਗਮ ਤੋਂ ਬਾਅਦ ਮਹਿਤਾ ਚੌਂਕ ਜਰੂਰ ਪਹੁੰਚਣ।
Comments
Post a Comment