SAD urges all political parties to contest Assembly election on real issues facing Punjab (Avoid false and baseless narrative or else you will face legal action : Arshdeep Singh Kler, Amardeep S Dharni Chandigarh 3 October ( Ranjeet Singh Dhaliwal ) : The Shiromani Akali Dal (SAD) today urged all political parties to contest elections on real issues facing Punjab and avoid false and baseless charges or be ready to face legal action. Addressing a press conference here, Chief Spokesman Arshdeep Singh Kler said the sub committee headed by Amardeep Singh Dharni would look into all baseless allegations aimed at indulging in character assassination on social media. Kler said “the twelve member sub- committee had been tasked with examinations all false allegations being spread on social media. “These allegations will be met head on and criminal defamation cases will be filed against all these indulging in spreading false rumours and malicious content”. Kler and Dharni said SAD Chief Sukh...
ਸੋਇਆ ਫੈਸਟ 2026 ਵਿੱਚ ਪ੍ਰੋਟੀਨ, ਪੋਸ਼ਣ ਅਤੇ ਸਿਹਤਮੰਦ ਖੁਰਾਕ ਬਾਰੇ ਜਾਗਰੂਕਤਾ
ਸਿਹਤਮੰਦ ਜੀਵਨਸ਼ੈਲੀ ਲਈ ਪੋਸ਼ਣ ਅਤੇ ਪ੍ਰੋਟੀਨ ਬਾਰੇ ਜਾਗਰੂਕਤਾ ਜ਼ਰੂਰੀ ਮੇਅਰ ਸੌਰਭ ਜੋਸ਼ੀ
ਚੰਡੀਗੜ੍ਹ 3 ਅਕਤੂਬਰ ( ਰਣਜੀਤ ਧਾਲੀਵਾਲ ) : ਸਿਹਤਮੰਦ ਖੁਰਾਕ, ਸੰਤੁਲਿਤ ਪੋਸ਼ਣ ਅਤੇ ਪ੍ਰੋਟੀਨ ਦੀ ਮਹੱਤਤਾ ਬਾਰੇ ਲੋਕਾਂ ਨੂੰ ਜਾਗਰੂਕ ਕਰਨ ਦੇ ਉਦੇਸ਼ ਨਾਲ ਇੰਡੋ ਸੋਇਆ ਫੂਡ ਐਸੋਸੀਏਸ਼ਨ ਵੱਲੋਂ ਚੰਡੀਗੜ੍ਹ ਇੰਸਟੀਚਿਊਟ ਆਫ ਹੋਟਲ ਮੈਨੇਜਮੈਂਟ ਐਂਡ ਕੇਟਰਿੰਗ ਟੈਕਨਾਲੋਜੀ ਦੇ ਸਹਿਯੋਗ ਨਾਲ ਸ਼ਨੀਵਾਰ ਨੂੰ ਹੋਟਲ ਬੇਕਨਜ਼, ਸੈਕਟਰ-42, ਚੰਡੀਗੜ੍ਹ ਵਿਖੇ ‘ਸੋਇਆ ਫੈਸਟ 2026’ ਕਰਵਾਇਆ ਗਿਆ। ਚੰਡੀਗੜ੍ਹ ਦੇ ਮੇਅਰ ਸੌਰਭ ਜੋਸ਼ੀ ਇਸ ਮੌਕੇ ਮੁੱਖ ਮਹਿਮਾਨ ਸਨ। ਫੈਸਟ ਵਿੱਚ ਸੋਇਆ ਤੋਂ ਬਣੇ ਖਾਣ-ਪੀਣ ਵਾਲੇ ਉਤਪਾਦਾਂ ਦੇ ਨਾਲ ਮਿਲੇਟਸ, ਵੀਗਨ ਫੂਡ ਅਤੇ ਮਾਈਕ੍ਰੋਗ੍ਰੀਨਜ਼ ਨਾਲ ਸਬੰਧਤ ਵੱਖ-ਵੱਖ ਸਟਾਲ ਲਗਾਏ ਗਏ। ਇਨ੍ਹਾਂ ਰਾਹੀਂ ਲੋਕਾਂ ਨੂੰ ਪੌਸ਼ਟਿਕ ਖੁਰਾਕ ਦੇ ਵੱਖ-ਵੱਖ ਵਿਕਲਪਾਂ ਅਤੇ ਉਨ੍ਹਾਂ ਨੂੰ ਰੋਜ਼ਾਨਾ ਖੁਰਾਕ ਵਿੱਚ ਸ਼ਾਮਲ ਕਰਨ ਬਾਰੇ ਜਾਣਕਾਰੀ ਦਿੱਤੀ ਗਈ। ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਤੋਂ ਆਏ ਸੋਇਆ ਉਦਮੀਆਂ, ਪੋਸ਼ਣ ਮਾਹਿਰਾਂ, ਸ਼ੈੱਫ, ਵਿਦਿਆਰਥੀਆਂ ਅਤੇ ਆਮ ਲੋਕਾਂ ਨੇ ਫੈਸਟ ਵਿੱਚ ਉਤਸ਼ਾਹ ਨਾਲ ਹਿੱਸਾ ਲਿਆ।
ਮੇਅਰ ਸੌਰਭ ਜੋਸ਼ੀ ਨੇ ਕਿਹਾ ਕਿ ਸਿਹਤਮੰਦ ਜੀਵਨਸ਼ੈਲੀ ਲਈ ਸੰਤੁਲਿਤ ਅਤੇ ਪੌਸ਼ਟਿਕ ਖੁਰਾਕ ਬਹੁਤ ਜ਼ਰੂਰੀ ਹੈ। ਉਨ੍ਹਾਂ ਨੇ ‘ਸੋਇਆ ਫੈਸਟ 2026’ ਵਰਗੇ ਉਪਰਾਲਿਆਂ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਅਜਿਹੇ ਸਮਾਗਮ ਲੋਕਾਂ, ਖਾਸ ਕਰਕੇ ਨੌਜਵਾਨਾਂ ਨੂੰ ਪ੍ਰੋਟੀਨ, ਪੋਸ਼ਣ ਅਤੇ ਸਿਹਤਮੰਦ ਖਾਣ-ਪੀਣ ਬਾਰੇ ਜਾਗਰੂਕ ਕਰਨ ਵਿੱਚ ਅਹਿਮ ਭੂਮਿਕਾ ਨਿਭਾਉਂਦੇ ਹਨ। ‘ਰਾਈਟ ਟੂ ਪ੍ਰੋਟੀਨ’ ਦੀ ਭਾਵਨਾ ਤਹਿਤ ਕਰਵਾਏ ਗਏ ਇਸ ਸਮਾਗਮ ਦਾ ਉਦੇਸ਼ ਲੋਕਾਂ ਨੂੰ ਸਿਹਤਮੰਦ, ਪੌਸ਼ਟਿਕ ਅਤੇ ਟਿਕਾਊ ਖੁਰਾਕ ਦੇ ਵਿਕਲਪਾਂ ਨਾਲ ਜਾਣੂ ਕਰਵਾਉਣਾ, ਸੋਇਆ ਉਤਪਾਦਾਂ ਦਾ ਸਿੱਧਾ ਤਜਰਬਾ ਕਰਵਾਉਣਾ ਅਤੇ ਇਸ ਖੇਤਰ ਵਿੱਚ ਕੰਮ ਕਰ ਰਹੇ ਉਦਮੀਆਂ ਨੂੰ ਇੱਕ ਮੰਚ ਪ੍ਰਦਾਨ ਕਰਨਾ ਸੀ। ਇਸ ਸਮਾਗਮ ਨੂੰ ਚੰਡੀਗੜ੍ਹ ਡਿਸਟੈਂਸ ਰਨਰਜ਼, ਚੰਡੀਗੜ੍ਹ ਮੈਨੇਜਮੈਂਟ ਐਸੋਸੀਏਸ਼ਨ, ਇੰਫੋਸਿਸ ਅਰਪਣ ਅਤੇ ਯੂ.ਐੱਸ. ਸੋਇਆਬੀਨ ਐਕਸਪੋਰਟ ਕੌਂਸਲ ਦਾ ਵੀ ਸਹਿਯੋਗ ਮਿਲਿਆ।
ਫੈਸਟ ਦੌਰਾਨ ਕਰਵਾਏ ਗਏ ਸੈਮੀਨਾਰ ਅਤੇ ਐਵਾਰਡ ਫੰਕਸ਼ਨ ਵਿੱਚ ਪੋਸ਼ਣ, ਫੂਡ ਸੇਫਟੀ, ਹਾਸਪਿਟੈਲਿਟੀ ਅਤੇ ਸਮਾਜਿਕ ਵਿਕਾਸ ਨਾਲ ਜੁੜੇ ਮਾਹਿਰਾਂ ਨੇ ਸਿਹਤਮੰਦ ਖਾਣ-ਪੀਣ ਨਾਲ ਸਬੰਧਤ ਵੱਖ-ਵੱਖ ਪਹਿਲੂਆਂ ’ਤੇ ਵਿਚਾਰ ਸਾਂਝੇ ਕੀਤੇ। ਮਾਹਿਰਾਂ ਨੇ ਬਦਲਦੀ ਜੀਵਨਸ਼ੈਲੀ ਦੇ ਮੱਦੇਨਜ਼ਰ ਸੰਤੁਲਿਤ ਖੁਰਾਕ, ਲੋੜੀਂਦੀ ਮਾਤਰਾ ਵਿੱਚ ਪ੍ਰੋਟੀਨ ਅਤੇ ਪੋਸ਼ਕ ਤੱਤਾਂ ਨਾਲ ਭਰਪੂਰ ਖੁਰਾਕ ਨੂੰ ਰੋਜ਼ਾਨਾ ਭੋਜਨ ਦਾ ਹਿੱਸਾ ਬਣਾਉਣ ਦੀ ਮਹੱਤਤਾ ਬਾਰੇ ਦੱਸਿਆ। ਇੰਡੋ ਸੋਇਆ ਫੂਡ ਐਸੋਸੀਏਸ਼ਨ ਦੇ ਪ੍ਰਧਾਨ ਰਾਜੀਵ ਸ਼ਰਮਾ ਅਤੇ ਸਲਾਹਕਾਰ ਨਿਸ਼ਿਥ ਪਟੇਲ ਨੇ ਕਿਹਾ ਕਿ ਵਿਅਸਤ ਜੀਵਨਸ਼ੈਲੀ ਕਾਰਨ ਲੋਕਾਂ ਦੀਆਂ ਖਾਣ-ਪੀਣ ਦੀਆਂ ਆਦਤਾਂ ਵਿੱਚ ਤੇਜ਼ੀ ਨਾਲ ਬਦਲਾਅ ਆਇਆ ਹੈ। ਅਜਿਹੇ ਵਿੱਚ ਪੌਸ਼ਟਿਕ ਅਤੇ ਪ੍ਰੋਟੀਨ ਨਾਲ ਭਰਪੂਰ ਖੁਰਾਕ ਬਾਰੇ ਜਾਗਰੂਕਤਾ ਵਧਾਉਣਾ ਸਮੇਂ ਦੀ ਲੋੜ ਹੈ। ਫੈਸਟ ਵਿੱਚ ਸੋਇਆ ਦੇ ਵੱਖ-ਵੱਖ ਰੂਪ ਵੀ ਪ੍ਰਦਰਸ਼ਿਤ ਕੀਤੇ ਗਏ। ਸੋਇਆ ਚੰਕਸ, ਸੋਇਆ ਗ੍ਰੈਨਿਊਲਜ਼, ਟੋਫੂ, ਸੋਇਆ ਮਿਲਕ ਅਤੇ ਹੋਰ ਸੋਇਆ ਆਧਾਰਿਤ ਉਤਪਾਦਾਂ ਰਾਹੀਂ ਦੱਸਿਆ ਗਿਆ ਕਿ ਸੋਇਆ ਨੂੰ ਰਵਾਇਤੀ ਭਾਰਤੀ ਪਕਵਾਨਾਂ ਦੇ ਨਾਲ-ਨਾਲ ਆਧੁਨਿਕ ਰੈਸਿਪੀਜ਼ ਵਿੱਚ ਵੀ ਆਸਾਨੀ ਨਾਲ ਸ਼ਾਮਲ ਕੀਤਾ ਜਾ ਸਕਦਾ ਹੈ।
ਪ੍ਰੋਗਰਾਮ ਵਿੱਚ ਡਾਇਟੀਸ਼ੀਅਨ ਡਾ. ਅਨੁਰੀਤ ਲੂਥਰਾ ਅਤੇ ਪੀਜੀਆਈ ਦੀ ਨਿਊਟ੍ਰੀਸ਼ਨਿਸਟ ਡਾ. ਪੂਨਮ ਖੰਨਾ ਨੇ ਸੰਤੁਲਿਤ ਖੁਰਾਕ ਅਤੇ ਲੋੜੀਂਦੇ ਪ੍ਰੋਟੀਨ ਦੀ ਮਹੱਤਤਾ ਬਾਰੇ ਜਾਣਕਾਰੀ ਦਿੱਤੀ। ਚੰਡੀਗੜ੍ਹ ਪ੍ਰਸ਼ਾਸਨ ਦੇ ਡੈਜ਼ਿਗਨੇਟਿਡ ਅਫਸਰ, ਫੂਡ ਸੇਫਟੀ ਸੁਖਵਿੰਦਰ ਸਿੰਘ ਨੇ ਸੁਰੱਖਿਅਤ ਅਤੇ ਗੁਣਵੱਤਾ ਵਾਲੇ ਖਾਦ ਪਦਾਰਥਾਂ ਦੀ ਮਹੱਤਤਾ ਬਾਰੇ ਦੱਸਿਆ। ਇੰਸਟੀਚਿਊਟ ਦੇ ਪ੍ਰਿੰਸੀਪਲ ਵਿਸ਼ਾਲ ਕਾਲੀਆ ਨੇ ਸਿਹਤਮੰਦ ਭੋਜਨ ਅਤੇ ਹਾਸਪਿਟੈਲਿਟੀ ਖੇਤਰ ਵਿਚਕਾਰ ਸਬੰਧ ਬਾਰੇ ਆਪਣੇ ਵਿਚਾਰ ਸਾਂਝੇ ਕੀਤੇ, ਜਦਕਿ ਨਗਰ ਨਿਗਮ ਚੰਡੀਗੜ੍ਹ ਦੇ ਸੋਸ਼ਲ ਡਿਵੈਲਪਮੈਂਟ ਅਫਸਰ ਡਾ. ਵਿਵੇਕ ਤ੍ਰਿਵੇਦੀ ਨੇ ਪੋਸ਼ਣ ਸਬੰਧੀ ਜਾਗਰੂਕਤਾ ਅਤੇ ਭਾਈਚਾਰਕ ਭਾਗੀਦਾਰੀ ਦੀ ਭੂਮਿਕਾ ’ਤੇ ਜ਼ੋਰ ਦਿੱਤਾ। ਇਸ ਮੌਕੇ ਉਦਯੋਗ ਵਿੱਚ ਯੋਗਦਾਨ ਲਈ ਸੋਇਆ ਪਾਇਨੀਅਰ ਐਵਾਰਡ, ਸੋਇਆ ਯੰਗ ਐਂਟਰਪ੍ਰਿਨਿਊਰ ਐਵਾਰਡ, ਸੋਇਆ ਫੈਸਟ ਸਪੋਰਟਰ ਐਵਾਰਡ, ਸੋਇਆ ਫੈਸਟ ਮੀਡੀਆ ਐਪ੍ਰੀਸੀਏਸ਼ਨ ਐਵਾਰਡ, ਸੋਇਆ ਇਨੋਵੇਸ਼ਨ ਐਵਾਰਡ ਅਤੇ ਸੋਇਆ ਆਊਟਸਟੈਂਡਿੰਗ ਕੰਟ੍ਰੀਬਿਊਸ਼ਨ ਐਵਾਰਡ ਸਮੇਤ ਵੱਖ-ਵੱਖ ਸ਼੍ਰੇਣੀਆਂ ਵਿੱਚ ਪੁਰਸਕਾਰ ਵੀ ਦਿੱਤੇ ਗਏ।
Comments
Post a Comment