Chairman Harchand Singh Barsat Visits Paris-based Rungis International Wholesale Market Inspected international marketing systems and modern technologies during a tour of the vast fruit and vegetable sections S.A.S. Nagar 30 June ( Ranjeet Singh Dhaliwal ) : With the aim of digitizing and modernizing agricultural marketing and boosting farmers' income, Harchand Singh Barsat—Chairman of the National Council of State Agricultural Marketing Boards (COSAMB) and the Punjab Mandi Board—undertook a special visit to the world-renowned Rungis International Wholesale Market in Paris, France. The primary objective of this visit was to closely study the operational dynamics of the fresh produce market, international trade and marketing systems, and modern supply chain management. Chairman Barsat toured the expansive fruit, vegetable, and cheese sections of the Rungis market. He met with managers and experts there to gather detailed information regarding international standards for product qual...
ਚੰਡੀਗੜ੍ਹ ਦੇ ‘ਸਵੱਛਤਾ ਦੂਤ’ ਸਰਦਾਰ ਇੰਦਰਜੀਤ ਸਿੰਘ ਸਿੱਧੂ ਨੂੰ ‘ਪਦਮ ਸ਼੍ਰੀ’ ਮਿਲਣ 'ਤੇ ਸ਼ਹਿਰ ਵਾਸੀਆਂ ਅਤੇ ਭਾਜਪਾ ਆਗੂਆਂ ਨੇ ਮਨਾਈ ਖੁਸ਼ੀ
ਚੰਡੀਗੜ੍ਹ ਦੇ ‘ਸਵੱਛਤਾ ਦੂਤ’ ਸਰਦਾਰ ਇੰਦਰਜੀਤ ਸਿੰਘ ਸਿੱਧੂ ਨੂੰ ‘ਪਦਮ ਸ਼੍ਰੀ’ ਮਿਲਣ 'ਤੇ ਸ਼ਹਿਰ ਵਾਸੀਆਂ ਅਤੇ ਭਾਜਪਾ ਆਗੂਆਂ ਨੇ ਮਨਾਈ ਖੁਸ਼ੀ
ਤਾਨਿਆਂ ਅਤੇ ਮਖੌਲ ਦੀ ਪਰਵਾਹ ਕੀਤੇ ਬਿਨਾਂ ਸਿੱਧੂ ਜੀ ਨੇ ਚੰਡੀਗੜ੍ਹ ਨੂੰ ਸਾਫ਼-ਸੁਥਰਾ ਅਤੇ ਚਮਕਦਾਰ ਬਣਾਇਆ, ਅੱਜ ਪੂਰਾ ਦੇਸ਼ ਉਨ੍ਹਾਂ 'ਤੇ ਮਾਣ ਕਰਦਾ ਹੈ : ਅਮਿਤ ਰਾਣਾ
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਮੁਲਾਕਾਤ ਦੌਰਾਨ ਕਿਹਾ – “ਇੰਦਰਜੀਤ ਜੀ, ਤੁਸੀਂ ਸਾਰਾ ਚੰਡੀਗੜ੍ਹ ਸਾਫ਼ ਕਰ ਦਿੱਤਾ ਹੈ।”
ਚੰਡੀਗੜ੍ਹ 30 ਜੂਨ ( ਰਣਜੀਤ ਧਾਲੀਵਾਲ ) : ਚੰਡੀਗੜ੍ਹ ਦਾ ਨਾਮ ਦੇਸ਼ ਭਰ ਵਿੱਚ ਰੌਸ਼ਨ ਕਰਨ ਵਾਲੇ ਅਤੇ ਸਵੱਛਤਾ ਪ੍ਰਤੀ ਲੋਕ ਜਾਗਰੂਕਤਾ ਦੀ ਮਿਸਾਲ ਬਣੇ 88 ਸਾਲਾਂ ਇੰਦਰਜੀਤ ਸਿੰਘ ਸਿੱਧੂ, ਸਾਬਕਾ ਆਈ ਪੀ ਐਸ, ਅਫਸਰ ਨੂੰ ਦੇਸ਼ ਦੇ ਸਰਵੋੱਚ ਨਾਗਰਿਕ ਸਨਮਾਨਾਂ ਵਿੱਚੋਂ ਇੱਕ ‘ਪਦਮ ਸ਼੍ਰੀ’ ਨਾਲ ਸਨਮਾਨਿਤ ਕੀਤੇ ਜਾਣ ਦੀ ਖੁਸ਼ੀ ਵਿੱਚ ਅੱਜ ਪੂਰੇ ਸ਼ਹਿਰ ਵਿੱਚ ਜਸ਼ਨ ਦਾ ਮਾਹੌਲ ਰਿਹਾ। ਇਸ ਇਤਿਹਾਸਕ ਉਪਲਬਧੀ 'ਤੇ ਸਮਾਜਿਕ ਸੰਸਥਾਵਾਂ ਦੇ ਨੁਮਾਇੰਦਿਆਂ, ਚੰਡੀਗੜ੍ਹ ਦੇ ਨਿਵਾਸੀਆਂ ਅਤੇ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੇ ਸੀਨੀਅਰ ਆਗੂਆਂ ਨੇ ਸਿੱਧੂ ਜੀ ਨੂੰ ਸਿਰੋਪਾ ਭੇਟ ਕਰਕੇ, ਫੁੱਲਾਂ ਦੇ ਗੁਲਦਸਤੇ ਦੇ ਕੇ ਅਤੇ ਮਿਠਾਈ ਵੰਡ ਕੇ ਵਧਾਈ ਦਿੱਤੀ।
“ਮੈਂ ਤਾਨੇ ਅਤੇ ਮਖੌਲ ਸਹੇ, ਪਰ ਕਦੇ ਰੁਕਿਆ ਨਹੀਂ” — ਪਦਮਸ਼੍ਰੀ ਇੰਦਰਜੀਤ ਸਿੰਘ ਸਿੱਧੂ ਸਾਬਕਾ ਆਈ ਪੀ ਐਸ, ਅਫਸਰ
ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਭਾਵੁਕ ਹੋਏ ਪਦਮਸ਼੍ਰੀ ਇੰਦਰਜੀਤ ਸਿੰਘ ਸਿੱਧੂ ਸਾਬਕਾ ਆਈ ਪੀ ਐਸ, ਅਫਸਰ ਨੇ ਆਪਣੇ ਸੰਘਰਸ਼ ਭਰੇ ਸਫ਼ਰ ਨੂੰ ਯਾਦ ਕਰਦਿਆਂ ਕਿਹਾ ਕਿ ਜਦੋਂ ਉਨ੍ਹਾਂ ਨੇ ਸੜਕਾਂ 'ਤੇ ਖੁਦ ਸਫ਼ਾਈ ਕਰਨੀ ਸ਼ੁਰੂ ਕੀਤੀ ਸੀ, ਤਾਂ ਲੋਕ ਉਨ੍ਹਾਂ ਦਾ ਮਖੌਲ ਉਡਾਉਂਦੇ ਸਨ ਅਤੇ ਕਈ ਤਰ੍ਹਾਂ ਦੇ ਤਾਨੇ ਮਾਰਦੇ ਸਨ। ਪਰ ਉਨ੍ਹਾਂ ਨੇ ਕਦੇ ਵੀ ਇਸ ਦੀ ਪਰਵਾਹ ਨਹੀਂ ਕੀਤੀ ਅਤੇ ਆਪਣੇ ਸੇਵਾ ਦੇ ਮਿਸ਼ਨ ਨੂੰ ਜਾਰੀ ਰੱਖਿਆ। ਅੱਜ ਉਨ੍ਹਾਂ ਨੂੰ ਇਸ ਨਿਸ਼ਕਾਮ ਸੇਵਾ ਦਾ ਸਨਮਾਨ ਮਿਲਿਆ ਹੈ। ਉਨ੍ਹਾਂ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਹੋਈ ਆਪਣੀ ਮੁਲਾਕਾਤ ਨੂੰ ਵੀ ਯਾਦ ਕੀਤਾ ਅਤੇ ਦੱਸਿਆ ਕਿ ਪ੍ਰਧਾਨ ਮੰਤਰੀ ਨੇ ਬੜੇ ਸਨੇਹ ਨਾਲ ਉਨ੍ਹਾਂ ਨੂੰ ਕਿਹਾ ਸੀ, “ਇੰਦਰਜੀਤ ਜੀ, ਤੁਸੀਂ ਸਾਰਾ ਚੰਡੀਗੜ੍ਹ ਸਾਫ਼ ਕਰ ਦਿੱਤਾ ਹੈ।” ਇਹ ਸ਼ਬਦ ਉਨ੍ਹਾਂ ਲਈ ਹਮੇਸ਼ਾ ਪ੍ਰੇਰਣਾ ਦਾ ਸਰੋਤ ਰਹਿਣਗੇ। ਇਸ ਮੌਕੇ ਭਾਜਪਾ ਦੇ ਸੂਬਾ ਸਕੱਤਰ ਅਮਿਤ ਰਾਣਾ ਨੇ ਇੰਦਰਜੀਤ ਸਿੰਘ ਸਿੱਧੂ ਸਾਬਕਾ ਆਈ ਪੀ ਐਸ, ਅਫਸਰ ਦੀ ਸੇਵਾ ਭਾਵਨਾ ਨੂੰ ਨਮਨ ਕਰਦਿਆਂ ਕਿਹਾ ਕਿ ਸਿੱਧੂ ਜੀ ਹੁਣ ਸਿਰਫ਼ ਚੰਡੀਗੜ੍ਹ ਹੀ ਨਹੀਂ, ਸਗੋਂ ਪੂਰੇ ਦੇਸ਼ ਦੇ ਅਸਲ ‘ਸਵੱਛਤਾ ਦੂਤ’ ਹਨ। ਉਨ੍ਹਾਂ ਕਿਹਾ, “ਚਾਹੇ 44–45 ਡਿਗਰੀ ਦੀ ਤਪਦੀ ਗਰਮੀ ਹੋਵੇ, ਕੜਾਕੇ ਦੀ ਸਰਦੀ ਹੋਵੇ ਜਾਂ ਦੇਰ ਰਾਤ ਦਾ ਸਮਾਂ, ਸਿੱਧੂ ਜੀ ਹਮੇਸ਼ਾ ਸਫ਼ਾਈ ਲਈ ਸਭ ਤੋਂ ਅੱਗੇ ਰਹੇ। ਅੱਜ ਚੰਡੀਗੜ੍ਹ ਦਾ ਹਰ ਨਾਗਰਿਕ ਉਨ੍ਹਾਂ ਨੂੰ ਇਸ ਮਾਣਯੋਗ ਸਨਮਾਨ ਲਈ ਦਿਲੋਂ ਵਧਾਈ ਦਿੰਦਾ ਹੈ।” ਭਾਜਪਾ ਆਗੂ ਐਡਵੋਕੇਟ ਗੌਰਵ ਗੋਇਲ ਨੇ ਪੁਰਾਣੀਆਂ ਯਾਦਾਂ ਸਾਂਝੀਆਂ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੂੰ ਕਦੇ ਵੀ ਇਹ ਉਮੀਦ ਨਹੀਂ ਸੀ ਕਿ ਸਿੱਧੂ ਜੀ ਦੇ ਕੰਮ 'ਤੇ ਬਣਾਈ ਇੱਕ ਛੋਟੀ ਜਿਹੀ ਵੀਡੀਓ ਇੰਨੀ ਵੱਡੀ ਮੁਹਿੰਮ ਬਣ ਜਾਵੇਗੀ। ਉਨ੍ਹਾਂ ਕਿਹਾ, “ਜਦੋਂ ਮੈਂ ਸਿੱਧੂ ਜੀ ਦੇ ਕੰਮ ਦੀ ਵੀਡੀਓ ਬਣਾਈ ਸੀ, ਮੈਨੂੰ ਨਹੀਂ ਸੀ ਲੱਗਦਾ ਕਿ ਇਹ ਇੰਨੀ ਵਾਇਰਲ ਹੋ ਜਾਵੇਗੀ ਕਿ ਦੇਸ਼ ਦੀਆਂ ਸਭ ਤੋਂ ਉੱਚੀਆਂ ਸੰਸਥਾਵਾਂ ਤੱਕ ਪਹੁੰਚੇਗੀ ਅਤੇ ਉਨ੍ਹਾਂ ਨੂੰ ਪਦਮ ਸ਼੍ਰੀ ਵਰਗੇ ਮਾਣਯੋਗ ਸਨਮਾਨ ਨਾਲ ਨਿਵਾਜਿਆ ਜਾਵੇਗਾ। ਇਹ ਇੱਕ ਸੱਚੇ ਕਰਮਯੋਗੀ ਦੀ ਜਿੱਤ ਹੈ, ਜਿਸ ਨੇ ਜ਼ਮੀਨੀ ਪੱਧਰ 'ਤੇ ਨਿਸ਼ਕਾਮ ਸੇਵਾ ਕੀਤੀ।”
ਇਸ ਮੌਕੇ ਗਣੇਸ਼ ਝਾ, ਸ਼ੀਨੂ ਅਗਰਵਾਲ, ਵਿਜੇ ਬਾਲੀ, ਰਾਕੇਸ਼ ਸ਼ਰਮਾ, ਰੋਹਿਤ ਸ਼ਰਮਾ, ਸੁਸ਼ੀਲ ਅਗਰਵਾਲ, ਵਾਗੀਸ਼ ਦਿਕਸ਼ਿਤ, ਅਸ਼ਵਨੀ ਸ਼ਰਮਾ, ਮੋਹਿੰਦਰ ਨਿਰਾਲਾ, ਵਿਸ਼ਾਲ, ਗਗਨ ਜਿੰਦਲ, ਵਰਿੰਦਰ ਸਮੇਤ ਕਈ ਸਮਾਜਿਕ ਸੰਸਥਾਵਾਂ ਦੇ ਨੁਮਾਇੰਦਿਆਂ ਅਤੇ ਵੱਡੀ ਗਿਣਤੀ ਵਿੱਚ ਸ਼ਹਿਰ ਵਾਸੀਆਂ ਨੇ ਇੰਦਰਜੀਤ ਸਿੰਘ ਸਿੱਧੂ ਸਾਬਕਾ ਆਈ ਪੀ ਐਸ, ਅਫਸਰ ਨੂੰ ਸਨਮਾਨਿਤ ਕਰਦਿਆਂ ਵਧਾਈ ਦਿੱਤੀ। ਸਭ ਨੇ ਇੱਕ ਸੁਰ ਵਿੱਚ ਕਿਹਾ ਕਿ ਇਹ ਸਨਮਾਨ ਸਿਰਫ਼ ਸਿੱਧੂ ਜੀ ਦਾ ਹੀ ਨਹੀਂ, ਸਗੋਂ ਚੰਡੀਗੜ੍ਹ ਦੇ ਹਰ ਉਸ ਨਾਗਰਿਕ ਦਾ ਵੀ ਹੈ, ਜੋ ਸ਼ਹਿਰ ਨੂੰ ਸਾਫ਼-ਸੁਥਰਾ ਅਤੇ ਸੁੰਦਰ ਬਣਾਉਣ ਵਿੱਚ ਆਪਣਾ ਯੋਗਦਾਨ ਪਾ ਰਿਹਾ ਹੈ।
Comments
Post a Comment