ਗਮਾਡਾ ਤੇ ਈਡੀ ਦੀ ਰੇਡ ਤੋਂ ਬਾਅਦ ਵੀ ਭ੍ਰਿਸ਼ਟ ਅਫਸਰ ਨਹੀਂ ਦੇ ਰਹੇ ਆਰ.ਟੀ.ਆਈ. ਦਾ ਜਵਾਬ, ਐਸ ਸੀ ਬੀ ਸੀ ਮੋਰਚੇ ਨੇ ਮੰਗਿਆ ਸੀ ਫਿਨਿਕਸ ਮਾਲ ਦਾ ਰਿਕਾਰਡ

ਗਮਾਡਾ ਤੇ ਈਡੀ ਦੀ ਰੇਡ ਤੋਂ ਬਾਅਦ ਵੀ ਭ੍ਰਿਸ਼ਟ ਅਫਸਰ ਨਹੀਂ ਦੇ ਰਹੇ ਆਰ.ਟੀ.ਆਈ. ਦਾ ਜਵਾਬ, ਐਸ ਸੀ ਬੀ ਸੀ ਮੋਰਚੇ ਨੇ ਮੰਗਿਆ ਸੀ ਫਿਨਿਕਸ ਮਾਲ ਦਾ ਰਿਕਾਰਡ

ਮੋਹਾਲੀ ਵਿੱਚ ਬਣ ਰਹੇ ਵੱਡੇ ਵੱਡੇ ਮਾਲਾਂ ਦੀ ਬਰੀਕੀ ਨਾਲ ਜਾਂਚ ਕਰਨ ਲਈ ਪ੍ਰਧਾਨ ਕੁੰਭੜਾ ਨੇ ਈਡੀ ਤੋਂ ਕੀਤੀ ਮੰਗ

30 ਦਿਨਾਂ ਵਿੱਚ ਆਰ.ਟੀ.ਆਈ. ਦਾ ਜਵਾਬ ਦੇਣਾ ਜਰੂਰੀ, ਚਾਰ ਮਹੀਨੇ ਵਿੱਚ ਨਹੀਂ ਦਿੱਤਾ ਜਵਾਬ : ਕੁੰਭੜਾ

ਐਸ.ਏ.ਐਸ.ਨਗਰ 5 ਅਕਤੂਬਰ ( ਰਣਜੀਤ ਧਾਲੀਵਾਲ ) : ਕਿਸੇ ਵੀ ਮਹਿਕਮੇ ਬਾਰੇ ਜਾਣਕਾਰੀ ਲੈਣ ਲਈ ਸਾਡੇ ਸੰਵਿਧਾਨ ਵਿੱਚ ਸੂਚਨਾ ਅਧਿਕਾਰ ਐਕਟ 2005 ਬਣਿਆ ਹੋਇਆ ਹੈ। ਜਿਸ ਦੇ ਤਹਿਤ 30 ਦਿਨਾਂ ਦੇ ਅੰਦਰ-ਅੰਦਰ ਮੰਗੀ ਗਈ ਜਾਣਕਾਰੀ ਦੇਣਾ ਜਰੂਰੀ ਹੁੰਦਾ ਹੈ। ਪਰ ਭ੍ਰਿਸ਼ਟ ਅਫਸਰਾਂ ਦੇ ਸਬੰਧੀ ਮੰਗੀ ਗਈ ਜਾਣਕਾਰੀ ਚਾਰ ਮਹੀਨੇ ਬੀਤਣ ਤੇ ਵੀ ਨਹੀਂ ਦਿੱਤੀ ਗਈ ਤੇ ਜਦੋਂ ਵੀ ਦਫਤਰ ਤੋਂ ਜਾਣਕਾਰੀ ਮੰਗੀ, ਟਾਲ ਮਟੋਲ ਕੀਤਾ ਗਿਆ। ਸਿਰਫ ਦਫਤਰ ਵਿੱਚੋਂ ਪੱਤਰ ਜਾਰੀ ਕਰਕੇ ਲੋਕਾਂ ਨੂੰ ਭਰੋਸਾ ਦਿੱਤਾ ਜਾਂਦਾ ਹੈ ਕਿ ਤੁਹਾਡੀ ਜਾਣਕਾਰੀ ਸਬੰਧਤ ਬ੍ਰਾਂਚ ਨੂੰ ਭੇਜ ਦਿੱਤੀ ਗਈ ਹੈ, ਪਰ ਕੋਈ ਜਾਣਕਾਰੀ ਨਹੀਂ ਮਿਲਦੀ। ਉਪਰੁਕਤ ਬਿਆਨ ਐਸ ਸੀ ਬੀਸੀ ਮਹਾ ਪੰਚਾਇਤ ਪੰਜਾਬ ਦੇ ਪ੍ਰਧਾਨ ਬਲਵਿੰਦਰ ਸਿੰਘ ਕੁੰਭੜਾ ਨੇ ਪ੍ਰੈਸ ਸਾਹਮਣੇ ਦੱਸਦਿਆਂ ਕਿਹਾ ਕਿ ਅਸੀਂ ਫਿਨਿਕਸ ਮਾਲ ਬਾਰੇ ਪੁੱਡਾ ਗਮਾਡਾ ਤੋਂ ਜਾਣਕਾਰੀ ਮੰਗੀ ਸੀ, ਪਰ ਚਾਰ ਮਹੀਨੇ ਬੀਤਣ ਦੇ ਬਾਅਦ ਵੀ ਸਾਨੂੰ ਸਿਰਫ ਲੈਟਰ ਆਇਆ ਜਾਣਕਾਰੀ ਅੱਜ ਤੱਕ ਨਹੀਂ ਦਿੱਤੀ ਗਈ।

 ਇਸ ਮੌਕੇ ਪ੍ਰਧਾਨ ਕੁੰਭੜਾ ਨੇ ਈਡੀ ਦੇ ਡਾਇਰੈਕਟਰ ਨੂੰ ਬੇਨਤੀ ਕੀਤੀ ਕਿ ਮੋਹਾਲੀ ਵਿੱਚ ਵੱਡੇ ਬਣ ਰਹੇ ਮਾਲਾਂ ਦੀ ਬਰੀਕੀ ਨਾਲ ਜਾਂਚ ਪੜਤਾਲ ਕੀਤੀ ਜਾਵੇ ਕਿਉਂਕਿ ਇਹ ਬਹੁਤ ਵੱਡੇ ਕੁਰਪਸ਼ਨ ਦੇ ਅੱਡੇ ਹਨ। ਉਹਨਾਂ ਕਿਹਾ ਕਿ ਜੇਕਰ ਇਹਨਾਂ ਬਣ ਰਹੇ ਮਾਲਾਂ ਬਾਰੇ ਜਾਂਚ ਕੀਤੀ ਜਾਵੇ ਤਾਂ ਪੁੱਡਾ ਗਮਾਡਾ ਦੇ ਕਈ ਸੀਨੀਅਰ ਅਧਿਕਾਰੀ ਇਸ ਨਾਲ ਸਬੰਧਤ ਹੋਣ ਦਾ ਪਰਦਾਫਾਸ਼ ਹੋਵੇਗਾ। ਇਸ ਇਸ ਮੌਕੇ ਮੋਰਚਾ ਆਗੂਆਂ ਨੇ ਮਾਨਯੋਗ ਹਾਈਕੋਰਟ ਵੱਲੋਂ ਜੋ ਸੀਬੀਆਈ ਜਾਂਚ ਲਈ ਹੁਕਮ ਦਿੱਤੇ ਹਨ, ਉਸ ਦਾ ਵੀ ਐਸ ਸੀ ਬੀਸੀ ਮੋਰਚੇ ਦੇ ਆਗੂਆਂ ਨੇ ਸਵਾਗਤ ਕੀਤਾ ਤੇ ਇਨਸਾਫ ਹੋਣ ਦੀ ਆਸ ਪ੍ਰਗਟਾਈ। 

ਇਸ ਮੌਕੇ ਮੋਰਚੇ ਦੇ ਸੀਨੀਅਰ ਆਗੂ ਮਾਸਟਰ ਬਨਵਾਰੀ ਲਾਲ ਨੇ ਵੀ ਆਰਟੀਆਈ ਦੇ ਅਧਿਕਾਰ ਬਾਰੇ ਬੋਲਦਿਆਂ ਕਿਹਾ ਕਿ ਇਸ ਦਾ ਕੋਈ ਵੀ ਤਸੱਲੀ ਬਖਸ਼ ਜਵਾਬ ਨਹੀਂ ਦਿੰਦਾ, ਸਿਰਫ ਆਰਟੀਆਈ ਪਾਉਣ ਵਾਲੇ ਨੂੰ ਟਾਲਮਟੋਲ ਕੀਤਾ ਜਾਂਦਾ ਹੈ। ਉਹਨਾਂ ਕਿਹਾ ਕਿ ਸੂਚਨਾ ਅਧਿਕਾਰ ਕਮਿਸ਼ਨ ਕੁੰਭਕਰਨੀ ਨੀਂਦ ਸੌਂ ਰਿਹਾ ਹੈ। ਇਸ ਮੌਕੇ ਹਰਨੇਕ ਸਿੰਘ ਮਲੋਆ, ਬਾਪੂ ਲਾਭ ਸਿੰਘ, ਕਰਮਜੀਤ ਸਿੰਘ, ਗੁਰਵਿੰਦਰ ਸਿੰਘ, ਗੁਰਸ਼ਰਨ ਸਿੰਘ, ਪਰਮਜੀਤ ਕੌਰ, ਬੱਬਲ ਚੋਪੜਾ, ਹਰਵਿੰਦਰ ਸਿੰਘ, ਕਰਮ ਸਿੰਘ ਕੁਰੜੀ ਆਦ ਹਾਜ਼ਰ ਹੋਏ।