SAD will launch massive agitation against fresh land grab scheme in the name of revised land pooling scheme - Sukhbir Singh Badal. With elections around the corner Kejriwal & Co are under immense pressure to reward their political funders and cronies, with whom they have signed illegal deals last year: Sukhbir Singh Badal Chandigarh 2 July ( Ranjeet Singh Dhaliwal ) : Shiromani Akali Dal (SAD) president Sukhbir Singh Badal today said the party would launch a mass agitation to protect the farmers and their land from the fresh land grab being planned by the Aam Aadmi Party (AAP) government in the name of a “revised” land pooling policy. In a statement here, the SAD president said “it is shocking that the State cabinet has passed the same old land pooling policy after making a negligible amendment. Farmers are now being offered an additional ten yards of developed land vis a vis the old policy. This amounts to serving old wine in a new bottle as farmers will not gain anythi...
ਮੌਲੀਜਾਗਰਾਂ–ਹੱਲੋਮਾਜਰਾ ਵਰਗੀ ਸਥਿਤੀ ਬਣਨ ਤੋਂ ਪਹਿਲਾਂ ਪ੍ਰਸ਼ਾਸਨ ਚੇਤੇ ਹੋਵੇ, ਮਨੀਮਾਜਰਾ ਵਿੱਚ 24×7 ਸਮਾਰਟ ਸਿਟੀ ਪਾਣੀ ਪ੍ਰੋਜੈਕਟ ਦੇ ਬਾਵਜੂਦ ਗੰਦਾ ਪਾਣੀ ਅਤੇ ਘੱਟ ਪ੍ਰੈਸ਼ਰ ਕਾਰਨ ਲੋਕਾਂ ਵਿੱਚ ਰੋਸ : ਰਾਜਬੀਰ ਸਿੰਘ ਭਾਰਤੀ
ਮੌਲੀਜਾਗਰਾਂ–ਹੱਲੋਮਾਜਰਾ ਵਰਗੀ ਸਥਿਤੀ ਬਣਨ ਤੋਂ ਪਹਿਲਾਂ ਪ੍ਰਸ਼ਾਸਨ ਚੇਤੇ ਹੋਵੇ, ਮਨੀਮਾਜਰਾ ਵਿੱਚ 24×7 ਸਮਾਰਟ ਸਿਟੀ ਪਾਣੀ ਪ੍ਰੋਜੈਕਟ ਦੇ ਬਾਵਜੂਦ ਗੰਦਾ ਪਾਣੀ ਅਤੇ ਘੱਟ ਪ੍ਰੈਸ਼ਰ ਕਾਰਨ ਲੋਕਾਂ ਵਿੱਚ ਰੋਸ : ਰਾਜਬੀਰ ਸਿੰਘ ਭਾਰਤੀ
ਮਨੀਮਾਜਰਾ/ਚੰਡੀਗੜ੍ਹ 2 ਜੁਲਾਈ ( ਰਣਜੀਤ ਧਾਲੀਵਾਲ ) : ਮਨੀਮਾਜਰਾ ਦੀ ਇੰਦਿਰਾ ਕਾਲੋਨੀ ਸਮੇਤ ਕਈ ਇਲਾਕਿਆਂ ਵਿੱਚ ਇੱਕ ਵਾਰ ਫਿਰ ਗੰਦੇ ਪਾਣੀ ਅਤੇ ਘੱਟ ਪ੍ਰੈਸ਼ਰ ਦੀਆਂ ਸ਼ਿਕਾਇਤਾਂ ਲਗਾਤਾਰ ਸਾਹਮਣੇ ਆ ਰਹੀਆਂ ਹਨ। ਮਨੀਮਾਜਰਾ ਈਡਬਲਿਊਐੱਸ ਰੈਜ਼ੀਡੈਂਟਸ ਵੈਲਫੇਅਰ ਐਸੋਸੀਏਸ਼ਨ ਦੇ ਸੀਨੀਅਰ ਉਪ ਪ੍ਰਧਾਨ ਰਾਜਬੀਰ ਸਿੰਘ ਭਾਰਤੀ ਅਤੇ ਚੇਅਰਮੈਨ ਸੁਭਾਸ਼ ਧੀਮਾਨ ਨੇ ਦੱਸਿਆ ਕਿ ਇਲਾਕਾ ਵਾਸੀਆਂ ਵੱਲੋਂ ਟੈਲੀਫੋਨ ਰਾਹੀਂ ਲਗਾਤਾਰ ਸ਼ਿਕਾਇਤਾਂ ਮਿਲ ਰਹੀਆਂ ਹਨ। ਸਭ ਤੋਂ ਵੱਡਾ ਸਵਾਲ ਇਹ ਹੈ ਕਿ ਸਮਾਰਟ ਸਿਟੀ ਦੇ 24×7 ਪਾਣੀ ਸਪਲਾਈ ਪਾਇਲਟ ਪ੍ਰੋਜੈਕਟ ਅਤੇ ਨਵੀਆਂ ਪਾਈਪਲਾਈਨਾਂ ਵਿਛਾਏ ਜਾਣ ਦੇ ਬਾਵਜੂਦ ਲੋਕਾਂ ਨੂੰ ਗੰਦਾ ਅਤੇ ਅਣਉਚਿਤ ਪਾਣੀ ਕਿਉਂ ਮਿਲ ਰਿਹਾ ਹੈ?
ਉਨ੍ਹਾਂ ਕਿਹਾ ਕਿ ਇਹ ਪਾਣੀ ਸਿਰਫ਼ ਪੀਣ ਲਈ ਹੀ ਨਹੀਂ, ਸਗੋਂ ਘਰੇਲੂ ਵਰਤੋਂ ਲਈ ਵੀ ਅਣਉਚਿਤ ਹੈ। ਲੋਕਾਂ ਦੇ ਅਨੁਸਾਰ ਕੱਪੜੇ ਧੋਣ ਨਾਲ ਉਹ ਸਾਫ਼ ਹੋਣ ਦੀ ਬਜਾਏ ਹੋਰ ਖਰਾਬ ਹੋ ਜਾਂਦੇ ਹਨ, ਚਿੱਟੇ ਕੱਪੜਿਆਂ 'ਤੇ ਪੀਲਾਪਣ ਆ ਜਾਂਦਾ ਹੈ ਅਤੇ ਹੋਰ ਕੱਪੜਿਆਂ 'ਤੇ ਗੰਦਗੀ ਅਤੇ ਅਣਚਾਹੇ ਕਣ ਨਜ਼ਰ ਆਉਂਦੇ ਹਨ। ਬਰਤਨ ਧੋਣ ਤੋਂ ਬਾਅਦ ਵੀ ਉਹ ਪੂਰੀ ਤਰ੍ਹਾਂ ਸਾਫ਼ ਹੋਣ 'ਤੇ ਸ਼ੱਕ ਬਣਿਆ ਰਹਿੰਦਾ ਹੈ। ਇੰਦਿਰਾ ਕਾਲੋਨੀ ਵਿੱਚ ਰੇਲਵੇ ਫਾਟਕ ਵੱਲ ਪਾਣੀ ਦਾ ਪ੍ਰੈਸ਼ਰ ਬਹੁਤ ਘੱਟ ਹੈ, ਜਿਸ ਕਾਰਨ ਲੋਕਾਂ ਨੂੰ ਮੋਟਰ ਚਲਾਉਣੀ ਪੈਂਦੀ ਹੈ ਅਤੇ ਵਾਧੂ ਬਿਜਲੀ ਖਰਚਣੀ ਪੈਂਦੀ ਹੈ।ਇੰਦਿਰਾ ਕਾਲੋਨੀ ਦੇ ਪ੍ਰਧਾਨ ਸ਼ਿਆਮ ਸੁੰਦਰ, ਸਹਿਜਾਦ ਅਤੇ ਵੱਡੀ ਗਿਣਤੀ ਵਿੱਚ ਸਥਾਨਕ ਮਹਿਲਾਵਾਂ ਨੇ ਵੀ ਇਸ ਸਮੱਸਿਆ ਖ਼ਿਲਾਫ਼ ਕੜਾ ਰੋਸ ਜਤਾਉਂਦੇ ਹੋਏ ਪ੍ਰਸ਼ਾਸਨ ਤੋਂ ਤੁਰੰਤ ਕਾਰਵਾਈ ਦੀ ਮੰਗ ਕੀਤੀ ਹੈ। ਰਾਜਬੀਰ ਸਿੰਘ ਭਾਰਤੀ ਅਤੇ ਸੁਭਾਸ਼ ਧੀਮਾਨ ਨੇ ਕਿਹਾ ਕਿ ਬਰਸਾਤ ਦਾ ਮੌਸਮ ਸਿਰ 'ਤੇ ਹੈ। ਜੇਕਰ ਸਮੇਂ ਸਿਰ ਇਸ ਸਮੱਸਿਆ ਦਾ ਹੱਲ ਨਾ ਕੀਤਾ ਗਿਆ ਤਾਂ ਡਾਇਰੀਆ, ਉਲਟੀ-ਦਸਤ, ਟਾਈਫਾਇਡ ਸਮੇਤ ਪਾਣੀ ਰਾਹੀਂ ਫੈਲਣ ਵਾਲੀਆਂ ਬਿਮਾਰੀਆਂ ਦਾ ਖਤਰਾ ਵੱਧ ਸਕਦਾ ਹੈ। ਚੰਡੀਗੜ੍ਹ ਪਹਿਲਾਂ ਵੀ ਮੌਲੀਜਾਗਰਾਂ ਅਤੇ ਹੱਲੋਮਾਜਰਾ ਵਿੱਚ ਪਾਣੀ ਦੀ ਸਮੱਸਿਆ ਦੇ ਗੰਭੀਰ ਨਤੀਜੇ ਦੇਖ ਚੁੱਕਾ ਹੈ। ਇਸ ਲਈ ਨਗਰ ਨਿਗਮ, ਜਲ ਵਿਭਾਗ ਅਤੇ ਪ੍ਰਸ਼ਾਸਨ ਤੁਰੰਤ ਪਾਣੀ ਦੀ ਗੁਣਵੱਤਾ ਦੀ ਜਾਂਚ ਕਰਕੇ ਰਿਪੋਰਟ ਜਨਤਕ ਕਰੇ, ਘੱਟ ਪ੍ਰੈਸ਼ਰ ਦੀ ਸਮੱਸਿਆ ਦੂਰ ਕਰੇ ਅਤੇ ਨਾਗਰਿਕਾਂ ਨੂੰ ਸਾਫ਼ ਅਤੇ ਸੁਰੱਖਿਅਤ ਪੀਣ ਵਾਲਾ ਪਾਣੀ ਮੁਹੱਈਆ ਕਰਵਾਏ। ਲੋਕਾਂ ਦੀ ਸਿਹਤ ਨਾਲ ਕਿਸੇ ਵੀ ਤਰ੍ਹਾਂ ਦਾ ਸਮਝੌਤਾ ਕਤਈ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ।
Comments
Post a Comment